Luka 1:8 - Bhibhiliya Nya Guage

⁸ Zakariya a di gu thuma thumo waye nya wuphasi nya mhamba ya Nungungulu. Kha nga gi nga bani gi vbohide gikhati nya gulumbe tsawa waye,

Luka 1:8 Iomraidhean Croise

1 Dzikoronika 24:19

Va di sasamedzedwa kharati mithumoni gwawe, gasi va bela Nyumbani ga Pfhumu Nungungulu, mayelano khu sileletelo si tiyisidwego khu babe wawe Aroni, kha nga idzo Pfhumu Nungungulu wa na Israyeli a mu rumidego khidzo.

1 Dzikoronika 24:2

Nadhabhi ni Abhiyu va phede khavo gufa, babe wawe na nga gu vbanya, kha va nga tshiya sanana; Eliyazari ni Itamari va diri vaphasi nya mhamba.

2 Dzikoronika 11:14

Kholu, va na Levhi, va di diga mayigwana yawe ni dzithomba dzawe, vata vbaha tigoni ga Judha ni Jerusalema, kholu Jerobhowamo ni sanana saye, va di va tutumisa thumoni gwawe nya guphasele Pfhumu Nungungulu.

2 Dzikoronika 31:19

Gasi ga va na Aroni, va diromo vaphasi nya mhamba va nga bani va vbanya vbavbandze, wubambe nya madhoropa yawe, khu lidhoropa ni lidhoropa va diromo vama va nga bani va sayedwe khu malina yawe, gasi va kabanisela sipandre ga vama vatshavbo vbakari nya vaphasi nya mhamba ni vatshavbo vale va nga bani va lovedwe khu lihundzu lawe vbakari ga va na Levhi.

2 Dzikoronika 31:2

Ezekhiya a di emisa vaphasi nya mhamba ni va na Levhi malangani yawe khu mitsawa yawe, moyo ni moyo ni thumo waye, vaphasi nya mhamba ni va na Levhi, va diri ni fanelo nya guningele miphaselo nya guvbiswe niyo nya gubonge, ni thumo watshavbo nya dzikhozo, guembelela ni gudhumisa Pfhumu Nungungulu.

2 Dzikoronika 8:14

Kha nga gu landrisa nayo wa babe waye Dhavhidhe, a di emisa mitsawa nya vaphasi nya mhamba mayelano khu mathumelo yawe, gumogo gambe ni ya na Levhi, mayelano khu mithumo yawe nya guembelele, va dhumisa Nungungulu ni gu phasedzela vaphasi nya mhamba, gukhedza khu fanelo ya moyo ni moyo. A emisa gambe ni vaemeledzi nya dzinyangwa, khu nyangwa ni nyangwa mayelano ni giyemo gyawe. Kholu uyoyo, khuye a nga bani nari nayo wa mufumeli Dhavhidhe, muthu wa Nungungulu.

Ezira 6:18

Va vega vaphasi nya mhamba khu mitsawa yawe, ni va na Levhi va di vegwa mitsawani yawe, gasi va thuma thumo wa Nungungulu, a guromo Jerusalema, kha nga gu lova ga libhuku la Mosi.

Ekisodha 28:1

Vbakari nya sanana sa Israyeli, rana ndriyago Aroni ni sanana saye va hidzimela avbo gwago, u na va hatha va khala vaphasi nya mhamba mbeli gwangu. Aroni ni sanana saye a gu esi: Nadhabhi, Abhiyu, Eleyazari ni Itamari.

Ekisodha 28:41

Khu guambala gogo u na ambagisa ndriyago Aroni ni sanana saye; u va agisela gasi va ema thumoni nya wuphasi nya mhamba mbeli Gwangu.

Ekisodha 29:1

“Gasi gu va wumbela gu khala vaphasi nya mhamba va nyi thumela, u na gira, kharati: U na kasa gimombyana mwendro dzinvuta dzimbili nyamba hasa,

Ekisodha 29:44

Nyi na agisa Tshatsha nya Tshangano ni giluvelo; nyi na agisa Aroni ni sanana saye gasi va nyi khozela thumoni nya wuphasi nya mhamba.

Ekisodha 29:9

U na hunga Aroni ni sanana saye khu mikeka u va ambagisa sihugu. Thumo nya wuphasi nya mhamba wu na lumba avo khu nayo kala gupindruga. Khidzo kharati u na wumbelago Aroni ni sanana saye.”

Ekisodha 30:30

U na todza Aroni ni sanana saye, u va wumbela gasi va nyi thumela kha nga vaphasi nya mhamba.

Mitengo 18:7

Aholu uwe gumogo ni sanana sago mu na thuma thumo wanu nya wuphasi nya mhamba, ga satshavbo sa vbagiluvelotunu, niso si na gu bani na siri makhuvini; uwowo a na bani ari thumo wanu. Nyi mi ningide thumo nya wuphasi nya mhamba kha nga giningwa nya thumo wanu; muthu wa vbavbandze a na hidzimelago avbovbo, a nafa.

Luka 1:5

Gikhatini gya Herodhi a nga bani ari mufumeli wa Judheya, a di romo muphasi moyo nya mhamba nya gupwani khu Zakariya, a nga bani a gu lumba gikwata gya Abhiya. Mwangadzi waye a diri Elizabheta. Uye nuye a di gu dugela nyumbani ga Aroni.

Luka 1:7

Aholu va diri mwalo sanana, kholu Elizabheta a diri gyumba, narigu gambe, va vavili va di gumbide.