Luka 1:71 - Bhibhiliya Nya Guage

⁷¹ khuye a na hi vbulugisa ga valala vathu ni ga vatshavbo va hi zondrago:

Luka 1:71 Iomraidhean Croise

2 Dzipfhumu 17:39

Aholu mu na khozela Pfhumu Nungungulu wanu, Uye a na mi vbulugisani mandzani ga valala vanu vatshavbo.”

Dzindzimo 106:10

A di va vbanyisa kharati ga valala vawe, a va tshula mandzani ga vale va va vengago.

Dzindzimo 106:47

Uwe Pfhumu Nungungulu wathu, hi vbanyise, hi tshanganise U hi dusa vbakari ga va nya mayigo, gasi hi kodze gu rungudza lina lago nya gukatege, hi gu dhumisa na hi tsakide.

Jeremiya 23:6

Matshiguni yaye, Judha a na vbanyiswa, Israyeli a na vbanya na khadzisegide khu gurula; a na ningwa lina nya gupwani: “Pfhumu Nungungulu khuye gululama gwathu.”

Jeremiya 32:37

Wonani nya gukhenu nyi na va tombanisa va wuya khu mayigoni gwatshavbo nyi va phalalegisedego umo khu kotani nya likhulo langu, likhulo ni giviti gyatshavbo; nyi na va wuyisa wulangani wowu vata vbanya khu gurula ni gukhadzisega.

Ezekiyeli 28:26

Avo va na vbanya mule na va tshulegide, va na vbaha dzinyumba dzawe ni gu yala miuvha; va na vbanya khu gurula gikhati nyi na tsayisago vaakelane vawe vatshavbo va va giredego guvivba. Khavbo avbo, avo va na nyiti gukhavo kheni Pfhumu Nungungulu wawe.

Ezekiyeli 34:25

Nyi na gira nadzo gidzumeledzwano nya pwanano, nyi na fuvisa sirengo nya likhabi tigoni; dzi na khala khu gurula giwulani, gambe dzi na lala khabini.

Ezekiyeli 34:28

Olu kha dzi na phangwa gambe khu va nya mayigo, ambari gu hodzwa khu sirengo sa khabini. Dzi na vbanya khu gurula, mwalo a na dzi thusedzelago.

Ezekiyeli 38:8

Hwane nya matshigu nya mangi, u na ranwa; avbo gu na vbindrago myaga nya yingi, uwe u na ta dwana ni litigo li tshudzisidwego khu matshari, li patidwego khu mayigo nya mangi, vbatshani nya sigomo sa Israyeli, gikhati gyatshavbo si nga bani si khade marumbi; vathu vava, va dusidwe khu ga mayigo nya guhambanelane, gasi vatshavbo va vbanya umo khu gurula.

Luka 1:68

“A na rungudzwe Pfhumu Nungungulu wa Israyeli, kholu endrede vathu vaye ni guta va vbulugisa.

Luka 1:74

nya gu hi vbulugise ga valala vathu, hi mu thumela nyamba thava gilo,

Dhewuteronome 33:29

U kategide uwe Israyeli! Khu mani a fananago nago, uwe u gu litigo u vbanyiswago khu Pfhumu Nungungulu! A gu gitshangu gyago gi gu vhikelago, ni litshari nya wugulu wago! Valala vago va na khoziswa mbeli gwago, aholu uwe u na gandredzela malanga yawe nya sigomo!

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.