Luka 1:70 - Bhibhiliya Nya Guage

⁷⁰ Kha nga idzo a nga ganelago khidzo galegaleyo, khu magana ya vaprofeti vaye nya gukatege,

Luka 1:70 Iomraidhean Croise

Genesi 12:3

Nyi na kategisa avo va gu kategisago, nyi vala avo va na gu valago. Vathu vatshavbo va tigoni va na kategiswa khu kotani gwago.”

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

2 Samuweli 23:2

Liphuvbo la Pfhumu Nungungulu li ganede khavbo gwangu, magana yaye momo lidimini gwangu.

Jeremiya 23:5

Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Jeremiya 30:10

Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Marko 12:36

Uye Dhavhidhe abune, ganede khu tshivba nya Liphuvbo nya Guage, khuye: ‘Pfhumu a di embela Pfhumu yangu, khuye: Khala khu nyamudye gwangu kala nyi vega valala vago vbavbatshi nya migondro yago.’

Luka 24:44

Khavbo avbo, a di va embela, khuye: “Khayo aya magana nyi nga mi embelani na nyi ngari nanu, gikhati nyi nga, kheni: Womo fanelo nya gutadzisege satshavbo si nga lowago khu Mosi, khu Vaprofeti ni Dzindzimo, na si gu ganela khu eni.”

Mithumo 28:25

Khu gumba pwanana, va di duga va hongola. Va si gu dugi, Pawulo a di va embela, khuye: “Bayi, li ganede Liphuvbo nya Guage, li nga ganela khu likana la muprofeti Isaya,

Varoma 1:2

Aya Nungungulu a ma tumbisidego gale khu vaprofeti omu nya Milowo nya Guage

Vahebheru 3:7

Khu kharato, kha nga li ganelago Liphuvbo nya Guage omu nya Milowo, khilo: Muhuno, mwa gupwa lito la Nungungulu,

1 Pedro 1:12

Gikhati vaprofeti va ganedego khu Mahungu nya Yadi, aya mu ma pwidego enu olu, Nungungulu tiviside gukhuye thumo wawe wu di si phasi avo, aholu wu di phasa enu. Vagimbidzisi nya Mahungu Yadi nya Ivhangeli va nga ganela khu tshivba nya Liphuvbo nya Guage, li nga rumedwa khu ndzadzini, khavo va mi embedego lisine leli. Silo nya gu, ambari dzingilozi dzi di gu gola nidzo gu siti.

2 Pedro 1:21

Kholu, ma mwalo magana nya vaprofeti ma nga lowago khu gudzina nya muthu, aholu, vathu va di kutsedzedwa khu Liphuvbo nya Guage, va ganela Mahungu nya gute khu ga Nungungulu.

2 Pedro 3:2

Nya gu vbweta gukheni mu dundruge magana ma nga ganedwa gikhati gya gale khu vaprofeti nya gukatege, ni Nayo nya wadi wa Pfhumu ni Muvbanyisi wathu Jesu Kristo, mu ningidwego khu vapostoli.

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.