Luka 1:7 - Bhibhiliya Nya Guage

⁷ Aholu va diri mwalo sanana, kholu Elizabheta a diri gyumba, narigu gambe, va vavili va di gumbide.

Luka 1:7 Iomraidhean Croise

Genesi 17:17

Abrahama a di noga a dzi thesa vbavbatshi a hega, kholu a di gu ganela khu monyoni gwaye, khuye: “Ina mwama nya lizana (100) myaga a ngari ni tshivba nya gu dzi kodze guvelega gyanana, gani? Ahati Sara a gu na ni livbandre na mana magumi (90) myaga a na velega gyanana, gani?”

Genesi 18:11

Wonani, Abrahama ni Sara va di gumbide ngudzu, Sara a di hegiside gu wona migima yi wonwago khu vanyamayi.

Genesi 25:21

Isaki a di lomba gikategiso ga Pfhumu Nungungulu, a lombelela mwangadzi waye a nga bani nari gyumba. Pfhumu Nungungulu a dipwa nombelo waye, mwangadzi waye Rebheka a di khura mimba.

Genesi 30:1

Avbo Rakeli a nga wonago gukhuye kha ningi sanana Jakobe, a di khalela wufu ndriyaye, a embela Jakobe, khuye: “Nyi ninge sanana; kholu wa gu bomba nyi nafa.”

1 Dzipfhumu 1:1

Avbo Dhavhidhe, a nga bani a gumbide ngudzu, nari ni matshigu nya gutale, va di mu fenengedza khu myendra, aholu uye a di si furumeli.

2 Dzipfhumu 4:14

Khavbo avbo, Elizewu a di ganela, khuye: “Olu hi na gira ginani khuye; Nyamayi yoyu a mwalo gyanana narigu mwama waye gumbide.”

Luka 1:5

Gikhatini gya Herodhi a nga bani ari mufumeli wa Judheya, a di romo muphasi moyo nya mhamba nya gupwani khu Zakariya, a nga bani a gu lumba gikwata gya Abhiya. Mwangadzi waye a diri Elizabheta. Uye nuye a di gu dugela nyumbani ga Aroni.

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Luka 1:8

Zakariya a di gu thuma thumo waye nya wuphasi nya mhamba ya Nungungulu. Kha nga gi nga bani gi vbohide gikhati nya gulumbe tsawa waye,

Varoma 4:19

Abrahama a diri vbafuvbi nya gutshanganise lizana myaga, aholu gima kha kanakana gukhodwani gwaye khu gu dzipwa givilini gwaye na vbeledwe khu tshivba, ni guti gukhuye mwangadzi waye Sara gyumba, kha velegi.

Vahebheru 11:11

Khu gukhodwa, Sara nuye manide mathomo nya gukhure mimba a velega gyanana, ambari a nga bani a vbindredwe khu tanga nya guvelege. Uye a di khodwa gukhuye Nungungulu a na tadzisa gitumbiso gyaye.

1 Samuweli 1:2

Elikana a diri ni vagadzi vavili, moyo nya gupwani khu Ana, mumbe nya gupwani khu Penina. Penina a diri ni sanana; aholu Ana a diri mwalo naso.