Luka 1:63 - Bhibhiliya Nya Guage

⁶³ Uye, na lombide gipulanguana a di lova khuye “Johane khilo lina laye.” Vatshavbo va di liwuga.

Luka 1:63 Iomraidhean Croise

Mavingu 3:3

Wuhindzi ni gutumbega u nga hambani naso! Si hungelele thamoni gwago, u si lova monyoni gwago!

Isaya 30:8

Khu guralo, olu dzega lipulango u lova mahungu yaya na va gu gu wona, ma love gambe libhukuni nya gukari; gasi ma kodza gu khala wufakazi kala gupindruga.

Jeremiya 17:1

Gighoho gya Judha gi lovidwe umo nya gileti khu simbi na gi bethidwe khu tshokha nya dhayimane, gi lovidwe myonyoni gwawe ni dzikhehoni nya siluvelo sawe.

Habhakuka 2:2

Khavbo avbo, Pfhumu Nungungulu a di nyi phindrula, khuye: Lova giwoniso gegi vbasiwindritunu khu malovelo nya guwonege gwadi, gasi gi kodza gu hevbudwa khu vatshavbo ambari ni wule a vbindrago khu gututuma a kodze nuye gu gi hevbula.

Matewu 8:10

Na pwide magana yaya, Jesu a di mu liwuga ngudzu, a gu embela avo va nga bani va gu mu landra, khuye: “Nyi ngu mi embelani, khu lisine, kheni: Gima nyi si gu mani muthu nya gukhodwe nga oyu tigoni momu ga Israyeli!

Luka 1:13

Aholu ngilozi yi di mu embela, khiyo: “Zakariya, u nga thavi, kholu nombelo wago wu yingisidwe. Mwangadzi wago, Elizabheta, a na velega gyanana nya gikhwathana u na gi thangisago lina la Johane.

Luka 1:60

Aholu mayi wakone a di ganedza, khuye: “Ahihi, gi na ranwa pwani khigyo Johane.”