Luka 1:6 - Bhibhiliya Nya Guage

⁶ Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Luka 1:6 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 6:9

Aya khu matimo ya Nowa. Matshiguni gwaye, Nowa a diri uye basi muthu nya lisine nya gululame mafuni, a di gu landrisa gugola ga Nungungulu gikhati gyatshavbo.

Genesi 7:1

Pfhumu Nungungulu a di embela Nowa, khuye: “Bela taroni uwe ni ngamo yago yatshavbo, kholu khuwe basi muthu nya lisine nya gululame nyi gu manidego vbakari nya vathu vatshavbo va matshiguni yaya.

1 Dzipfhumu 15:5

Kholu Dhavhidhe a di gimbide khu ndzila nya gululame mbeli ga Pfhumu Nungungulu, gima kha nga ndreya ga sileletelo satshavbo, matshigu yatshavbo nya guvbanye gwaye, vbavbandze basi ga iso si nga mu dugelelago ga Uriya nya lifumbu nya Muhiti.

1 Dzipfhumu 9:4

Gasi uwe, wa gu gimbila mbeli gwangu kha nga babe wago Dhavhidhe, khu monyo wago watshavbo ni gululama, u gira satshavbo iso nyi gu rumidego, u sayisa sileletelo ni milayo yangu,

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

2 Dzikoronika 17:4

Aholu a di vbweta Nungungulu wa babe waye, gumogo ni gu landrisa milayo yaye, nasiri mithumo ya Israyeli.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Joba 1:8

Pfhumu Nungungulu a di embela Sathane, khuye: “U di nga gi wona githumi gyangu Joba, gani? Muthu nya gululame a thavago Nungungulu, mwalo mafuni a fananago naye, kholu a ngu hambana ni guvivba.”

Joba 9:2

“Ina, nyi ngu dziti gukheni isoso lisine: Muthu a ngu dzi kodza kharini gululama mbeli gwa Nungungulu.

Dzindzimo 119:6

Gima kha nyi na nga khala dzitshoni, nya gu thela kota sileletelo sago.

Luka 1:7

Aholu va diri mwalo sanana, kholu Elizabheta a diri gyumba, narigu gambe, va vavili va di gumbide.

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Luka 2:25

A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Mithumo 2:25

Dhavhidhe ganede khu mahungu yaye, khuye: ‘Nyi di gu wona Pfhumu mbeli gwangu gikhati gyatshavbo Uye womo nyamudye gwangu gasi nyi si kanakani.

Mithumo 23:1

Pawulo, na khuside maho a khedzisa madhota nya phatha, a di ganela, khuye: “Vandruye, nyi vbanyide khu gu tshulega mahingigedzoni gwangu gwatshavbo mbeli gwa Nungungulu kala litshigu la muhuno.”

Mithumo 24:16

Khu kharato, eni neni nyi ngu dzi garadza matshigu yatshavbo gu khala nyiri muthu nya monyo nya gululame mbeli gwa Nungungulu ni ga vathu vatshavbo.

Mithumo 8:21

Uwe u mwalo wulanga nya gu hengele nago thumoni momu, kholu monyo wago kha wa lulama mahoni gwa Nungungulu.

Varoma 8:4

Nungungulu giride esi gasi gululama nya Nayo gu tadzisega avbo gwathu, ethu hi si fumedwigo gambe khu gudogorela nya tumbunugo nya wuthu, aholu hi fumedwago khu Liphuvbo nya Guage.

1 Vakorinto 11:2

Nyi ngu mi zundza, vandruye, kholu mu ngu nyi alakanya ga silo satshavbo, ni gu sayisa milayo nyi nga mi tshiyelani.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

Dhewuteronome 5:33

Mu na gimbilani khu ndzila yatshavbo mu rumwago khu Pfhumu Nungungulu wanu, gasi mu kodza guvbanya ni sigiro sanu satshvbo si mi dugela gwadi. Mwa gu gira isoso, mu na katega mu vbanya matshigu nya gutale ga litigo mu na guya li fumelago.

Vafilipi 2:15

mu yeyedza kharati gukhenu mu vathu nya gululame, nya dzifanelo, gukhenu mu sanana sa Nungungulu, mu khala na mu agide nyambana gihoso vbakari nya vathu nya guwegele nya guvivbedwe khu monyo. Guvbwetega mu ngangamela vbakari nya vathu vovo kha nga myenge ya mafuni,

Vakolosi 1:22

gasi olu, khu gufa Gwaye, Nungungulu a mi giride dzipari dzaye, afela gu mi emisa mbeli gwaye na mu vbelede gululama, na mu agide nyambana livala ni gusolega.

1 Vatesalonika 3:13

Khu guralo, myonyo yanu yi na bani yiri gululamani nya gwadi, khavbo mu na gu kodzago guya emani mbeli ga Nungungulu, Babe wathu, na mu agide, muri mwalo nandru, gikhati Pfhumu yathu Jesu Kristo a na gu wuyago ni sihathwa saye satshavbo.

2 Pedro 3:14

Sigodwa sangu, nga olu mu lindrelago litshigu lolo, girani tshivba mu khale ga Nungungulu, nyambana gisolo, ambari gighoho mbeli gwaye.

1 Johane 2:29

Kha nga mu dzitigo gukhenu Kristo lulamide gima kha gira gilo nya guvivbe, dzitini gambe gukhenu oyu a girago esi nya gululame, velegidwe khuye.

1 Johane 2:3

Gasi gu hi khodwa gukhethu hi ngu muti Nungungulu, khu gu hi landrisa milayo yaye.

1 Johane 3:7

Vanavangu, mu nga dzumeli mu sengwa khu muthu! Oyu a girago esi nya lisine lulamide, kha nga nuye Kristo a lulamidego.