Luka 1:32 - Bhibhiliya Nya Guage

³² A na bani ari muthu khongolo, a na ranwa pwani Mwamana wa Nungungulu a guromo Vbatshani Ngudzu. Pfhumu Nungungulu a na mu pharisa ndronga nya wufumu wa babe waye Dhavhidhe.

Luka 1:32 Iomraidhean Croise

2 Samuweli 7:16

Ndranga ni mufumo wago, si na simama kala gupindruga mbeli gwangu. Ni gikhalo nya wufumu wago gi na simama kala gupindruga.”

Dzindzimo 132:11

Pfhumu Nungungulu, giride gitumbiso ga Dhavhidhe, Kha na nga vbindrugedza, a bwelela hwane, a di khuwe: “Moyo nya gyanana gyago nyi na mu gira mufumeli, nyi na mu khadzisa vbagikhalotunu nya wufumu wago.

Dzindzimo 132:12

Sanana sago sa gu vegisa pwanano wangu ni sileletelo nyi va hevbudzidego, sanana sawe niso si na khala vbagikhalotunu nya wufumu wago kala gupindruga.”

Isaya 16:5

Khavbo avbo, gu na tiyiswa gikhalo gyago nya wufumu khu wuwadi, gu na khodziswa avbo mulamuli a na lamulago khu gululama ni gutumbega tshatshani wa Dhavhidhe.”

Jeremiya 17:25

Khu guralo, va na simama va bela khu dzinyangwa nya lidhoropa leli la Jerusalema, vafumeli ni manganagana, na va khilede dzikareta ni dzikavalu, gasi guya khala vbagikhalotunu nya wufumu wa Dhavhidhe. Va bela ni manganagana yawe, vathu va Judha gumogo ni vavbanyi va Jerusalema; lidhoropa leli li na bani liri ni vathu kala gupindruga.

Jeremiya 22:2

Uwe mufumeli wa Judha, u khalago vbagikhalotunu nya wufumu wa Dhavhidhe, yingisa magana ya Pfhumu Nungungulu, uwe, manganagana yago, gumogo ni vathu vago mu belago khu myanya yeyi.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Matewu 1:1

Longoloko nya lihundzu la Jesu Kristo, Gyanana gya Dhavhidhe, Gyanana gya Abrahama.

Matewu 12:42

Pfhumugadzi ya Marandzi yi na wugela mela yoyu, yi wu ninga nandru. Kholu yi dzude khu mahegiso nya litigo, gasi guta pwa guti ga Solomoni. Avba womo uye a gu khongolo guvbindra Solomoni!

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Matewu 3:11

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Marko 14:61

Aholu, uye a di degula nyamba mu hakha. Muphasi nya khongolo a di wudzisa gambe, khuye: “Ina khuwe Mesiya, Mwamana wa Nungungulu nya Gurungudzwe, gani?”

Marko 5:7

a khusedza lito a ganela khu tshivba, khuye: “Ginani nyi nga gu ghohela, uwe Jesu, Mwamana wa Nungungulu a guromo Ndzadzini? Nyi ngu gu lomba khu lina la Nungungulu gukheni u nga nyi tshanisi!”

Luka 1:15

Kholu gi na bani giri muthu khongolo mahoni ga Pfhumu. Kha gi na sela vhinya mwendro wadwa nya gulevise; gi na tala khu Liphuvbo nya Guage gukhugela ndrani ga mayime waye.

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Luka 1:76

Gasi uwe, gyananawe, u na ranwa pwani u muprofeti wa Nungungulu a khusegidego ngudzu, kholu u na thanga mbeli ga Pfhumu, gasi gu dongisela dzindzila dzaye.

Luka 3:16

Johane a di va embela vatshavbo, khuye: “Khu lisine, eni nya gu mi bhapatisani khu mati, aholu a nguta uye a gu ni tshivba gu nyi vbindra, oyu eni nyi gu mwalo fanelo nya gunoge nyi mu tshula dzingodzi nya silato saye; uye a nata mi bhapatisani khu Liphuvbo nya Guage ni nilo.

Luka 6:35

Gasi enu, golani valala vanu, girani esi si gu sadi; lombisani, na mu si lindreli gu livbwa. Mwa gu gira kharato, tshatshazelo yanu yi na bani yiri yikhongolo. Gambe, mu na bani muri sanana sa Wule a khusegidego ngudzu, kholu uye khwadi ambari ga vale va si gu vadi, va si mu bongigo.

Johane 12:34

Gidzemo gi di mu hakha, khigyo: “Nayo wu ngu hi hevbudza nya gukhuwo Kristo a na vbanya kala gupindruga. Khu ginani u gukhuwe Mwamana wa Muthu a na ni fanelo nya gu khusedzwe? Khu mani Mwamana yoyo wa Muthu?”

Johane 6:69

Ethu hi ngu khodwa, gumogo ni gu dziti gukhethu uwe khuwe Gihathwa gya Nungungulu.”

Mithumo 16:17

A di phela gulandrisela Pawulo ni ethu, na gu huwelela, khuye: “Vathu vava sithumi sa Nungungulu a guromo vbatshani ngudzu, va gu mi tivisa ndzila nya guvbanyise.”

Mithumo 2:30

Kha nga a nga bani ari muprofeti a di gu dziti nya gukhuye Nungungulu a di Mu tumbiside khu gusambanya, gu vega vbagikhalotunu gwaye nya wufumu gyanana nya melego waye.

Mithumo 2:36

Nyumba yatshavbo ya Israyeli yi na khale na yi gu dziti khu lisine latshavbo nya gu khiyo Jesu yoyu mu nga mu khokhothela vbagihambanotunu, Nungungulu a mu dandrisile a khala Pfhumu ni Kristo.”

Mithumo 7:48

Ambari ulo, uye a guromo vbatshani ngudzu kha khali dzinyumbani nya guvbahwe khu mandza nya vathu, kha nga a ganedego muprofeti, khuye:

Varoma 1:4

Khu tshivba nya Liphuvbo nya Guage, Jesu Kristo Pfhumu yathu wonegisidwe gupwani Mwamana wa Nungungulu nya Tshivba Yatshavbo, khu guwuga gwaye khu ga vafudego

Gutuledwa 3:7

Lovela ngilozi ya libandla la Filadhelifiya, khuwe: “Wule a agidego, a gu uye nya lisine, a gu ni pfhungulo ya Dhavhidhe, wule nya gu a gu tula mwalo a segago, a gu sega mwalo a tulago, wari, khuye: