Luka 1:25 - Bhibhiliya Nya Guage

²⁵ A di ganela, khuye: “Khu gudzina gwaye Pfhumu a nyi girede silo sesi, gasi gu nyi tshula dzitshoni muvathuni.”

Luka 1:25 Iomraidhean Croise

Genesi 25:21

Isaki a di lomba gikategiso ga Pfhumu Nungungulu, a lombelela mwangadzi waye a nga bani nari gyumba. Pfhumu Nungungulu a dipwa nombelo waye, mwangadzi waye Rebheka a di khura mimba.

2 Samuweli 6:23

Khu guralo, Mikali, nyamahegyane wa Sawule, kha nga velega sanana kala gufani gwaye.

Isaya 25:8

A na fuvisa gufa kala gupindruga; Mune Pfhumu Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu Pfhumu Nungungulu ganede kharato.

Isaya 4:1

Litshigu lolo, livbandre na vavili vanyamayi, va na ya namarela ga mwama moyo va ganela, khavo: “Ethu hi na dzi vbwetela habune guhodza, hi dzi rengela habune guambala, wa nga hi diga basi hi ranwa gupwani hi vagadzi vago; hi duse dzitshoni hi gu nadzo.”

Luka 1:13

Aholu ngilozi yi di mu embela, khiyo: “Zakariya, u nga thavi, kholu nombelo wago wu yingisidwe. Mwangadzi wago, Elizabheta, a na velega gyanana nya gikhwathana u na gi thangisago lina la Johane.

Luka 1:24

Hwane nya matshigu, mwangadzi waye, Elizabheta, a di khura mimba, a si dzi wonegisi vbakari nya vathu gipimo nya livbandre migima.

Vahebheru 11:11

Khu gukhodwa, Sara nuye manide mathomo nya gukhure mimba a velega gyanana, ambari a nga bani a vbindredwe khu tanga nya guvelege. Uye a di khodwa gukhuye Nungungulu a na tadzisa gitumbiso gyaye.

Valamuli 11:37

A di engedza gambe ga babe waye, khuye: “Nyi girele esi: Nyi dige gipimo nya migima mivili nyi legalega sigomoni nyi lila wukendzi wangu ni dzipari dzangu, kholu gima kha nyi na dzegwa gambe.”

1 Samuweli 1:6

Gu diga nya isoso, kwawe Penina a di mu tsorodzela ngudzu, na gu mu tshanisa, khu kotani Pfhumu Nungungulu a nga mu gira gyumba.