Luka 1:13 - Bhibhiliya Nya Guage

¹³ Aholu ngilozi yi di mu embela, khiyo: “Zakariya, u nga thavi, kholu nombelo wago wu yingisidwe. Mwangadzi wago, Elizabheta, a na velega gyanana nya gikhwathana u na gi thangisago lina la Johane.

Luka 1:13 Iomraidhean Croise

Genesi 17:10

Owu khu pwanano nyi wu girago nanu, ni situgulwana sago, gu vbwetega mu wu sayisa; mwama watshavbo vbakari gwanu a na hane wugwera.

Genesi 17:19

Aholu, Nungungulu a di mu hakha, khuye: “Khu lisine, mwangadzi wago Sara a na gu ninga gyanana nya gikhwathana; u na gi riya lina nya gupwani khu Isaki. Nyi na tiyisa naye gidzumeledzwano gyangu, gi khala gidzumeledzwano nya gupindruge, nyi na khala Nungungulu waye ni melego waye, hwane gwaye.

Genesi 18:14

Ina gyomo gilo a gi tandregago Pfhumu Nungungulu, gani? Khu matshigu nya nga aya, mwaga wutago, nyi na wuya gambe khavba, Sara a na bani nari ni gyanana nya gikhwathana.

Genesi 25:21

Isaki a di lomba gikategiso ga Pfhumu Nungungulu, a lombelela mwangadzi waye a nga bani nari gyumba. Pfhumu Nungungulu a dipwa nombelo waye, mwangadzi waye Rebheka a di khura mimba.

Dzindzimo 113:9

a ngu gira nyamayi nya gifule a vbanya pangoni khu gukhadzisega, a mu gira mayi nya wuzundzo nya sanana. Aleluya! A na dhumiswe Pfhumu Nungungulu!

Dzindzimo 118:21

Nyi ngu gu bonga Pfhumu, kholu u nyi pwide u khade muvbanyisi wangu.

Isaya 8:3

Khu gikhati gyogyo, nyi di hengela malawu ni muprofeti nya nyamayi, uye a di khura mimba a velega gyanana nya gikhwathana. Pfhumu Nungungulu a di nyi embela, khuye: “Gi riye lina, khuwe: Vbiredza-Guphanga-Vbiredzela-Gusasela.

Dhaniyeli 10:12

A di engedza, khuye: “Dhaniyeli, u nga khali hwanga. Gukhugela litshigu nya guhegule u nga dzi sodzisa mbeli ga Nungungulu wago khu gu vbweta guti makungo yaye, malito yago ma yingisidwe, eni nya guta gu ninga phindrulo yaye.

Hoseya 1:4

Khavbo avbo, Pfhumu Nungungulu a di embela Hoseya, khuye: “Mu riye lina la Jezireyeli, kholu kha nyi na hwela gu tsayisa mufumo wa Jewu, nyi fuvisa mufumo wa linyumba la Israyeli.

Hoseya 1:6

Ghomeri a di engedza a khura mimba a velega gyanana nya nyamahegyane. Khavbo avbo, Pfhumu Nungungulu a di mu embela, khuye: “Mu riye lina la Lo-Ruwama, kholu eni gima kha nya na ngapwa gambe gisiro khu nyumba ya Israyeli, nyi na mu dzegela satshavbo.

Matewu 1:21

Uye a na velega gyanana nya gikhwathana u na gi thangisago lina la Jesu, kholu gi na vbanyisa vathu vaye musighohoni sawe.”

Matewu 14:27

Khavbo avbo, Jesu a di va embela, khuye: “Rulani, mu nga thavi, kheni!”

Matewu 28:5

Aholu ngilozi yi di khusa lito, yi embela vanyamayi vale, khiyo: “Mu nga thavi; nyi ngu dziti nya gukheni mwa gu vbweta Jesu a nga khokhothedwago.

Marko 16:6

Aholu Lidzaha li di va embela, khilo: “Mu nga thavi, khandri mwa guvbweta Jesu wa Nazareta, oyu a nga khokhothedwago. Wugide, mwalo avba. Wonani wulanga va nga bani va mu vegide avbo.

Luka 1:14

Uwe u na tsaka ni gu nengela. Nya vangi va na tsaka khu guvelegwa gwaye,

Luka 1:30

Ngilozi yi di, khiyo: “Mariya, u nga thavi, kholu u manide wuhigo mahoni ga Nungungulu.

Luka 2:21

Na gu vbindride livbandre na mararu matshigu, gasi gu mu hanisa wugwera, va di mu thangisa lina la Jesu, a gu ilo a nga thangiswago khu ngilozi mayi waye na si gu khuri mimba.

Mithumo 10:31

a nga ta nyi embela, khuye: ‘Korineliyo, nombelo wago wu pwidwe, ni wuhindzi wago wu wonidwe khu Nungungulu.

Valamuli 6:23

Khu guralo, Pfhumu Nungungulu a di mu embela, khuye: “Gurula gu na khale gwago! U nga thavi, khu na ngafa.”

1 Samuweli 2:21

Pfhumu Nungungulu a di kategisa Ana, uye a di khura mimba nyaluphye, a velega sanana siraru nya sikhwathana ni sivili nya sagadzyana. Khu guralo mwamana Samuweli, a di dandra na gu thumela Pfhumu Nungungulu.