Luka 1:10 - Bhibhiliya Nya Guage

¹⁰ Vathu vatshavbo va di tshala vbavbandze va lombelela khu gikhati nya guvbiswe libani.

Luka 1:10 Iomraidhean Croise

Dzindzimo 141:2

Nombelo wangu wu na gwele kha nga libani li vbiswago mbeli gwago, mandza yangu ma na khugege iyo gwago kha nga phaso nya silambo.

Ezekiyeli 46:3

Matshigu nya dzisabhadho nayo nya gumege ngima, vathu va tigoni va na khidzima vbamwanyatunu nya lidimba la limwedo, va khozela Pfhumu Nungungulu.

Levhi 16:17

Gu nga manegi muthu ndrani nya Tshatsha nya Tshangano, gikhati khongolo nya phasi nya mhamba a na belago wulangani nya guage, gasi gu gira nayo nya guagiswe kala gikhati a dugago, na giride nayo nya gu dzi agise uye mune, ni gu agisa ndranga yaye ni tshangano watshavbo nya vathu va na Israyeli.

Mitengo 7:50

ni gimbiyana gimwegyo nya ndralama nya likhumi dzisekeli, na gi tade khu libani;

Vahebheru 4:14

Khu guralo, hongoleni hi tiye gukhodwani gwathu. Kholu, hi na ni Muphasi nya khongolo nya mhamba a gu na ni tshivba, a vbeledego, a bedego gungangamelani nya wudhumo wa Nungungulu a gu Jesu Kristo, Mwamana wa Nungungulu.

Vahebheru 9:24

Kholu Kristo kha bela Makhuvini nya Wulanga nya Guage Ngudzu nya gugirwe khu mandza nya vathu a gu giyeyedzo nya Wulanga nya Guage nya lisine. Uye bede ndzadzini gwabune, umo a guromo olu a lombelela khu ethu mbeli ga Nungungulu.

Gutuledwa 8:3

Yimbe ngilozi yi dita ema vbafuvbi ni giluvelo, na yi pharide gifugwana nya guwumbwe khu ndralama, na gi tade khu libani. Va yi ningide libani nya lingi gasi gu li vbisa gumogo ni milombelo nya sihathwa satshavbo vbagiluvelotunu nya ndralama gi guromo mbeli nya gikhalo nya wufumu.