Levhi 9:3 - Bhibhiliya Nya Guage

³ U na embela sanana sa Israyeli, khuwe: Dzegani nyamabhongwe mu gira mhamba nya gu ditshedzwe siwono, ni gikuzyana mwendro nvuta nya mwaga moyo, satshavbo gu vbwetega nyamba hasa, gasi gu gira ningelo nya phaso nya guvbiswe;

Levhi 9:3 Iomraidhean Croise

Genesi 37:31

Khavbo avbo, avo va di dzega ngandzu ya Josefa, va gu paya phongo, va dzega ngandzu va yi nega novbani gakone.

Ezira 10:19

Va di pharana mawogo, va sambanya, gukhavo va na tutumisa vagadzi vawe, kholu va diri ni nandru; va di gira phaso khu nvuta ya tshambini gwawe khu kotani nya gighoho gegi.

Ezira 6:17

Va di gira miningelo nya guagise Nyumba yeyi ya Nungungulu khu lizana dzimombe (100), mazana mavili dzihamba (200), mazana mana dzinvuta (400), ni likhumi na dzimbili dziphongo, gasi gu gira phaselo nya gutsetseledwe gighoho gya vatshavbo va na Israyeli, mayelano khu tengo nya mahundzu ya na Israyeli.

Ekisodha 12:5

Guvbwetega nvutana mweyo mwendro giphongwana nyamba hasa, nya matune, gya tshambini, nya mwaga moyo basi.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Levhi 10:16

Mosi a di vbweta guti ginani va giridego khu nyamabhongwe nya phaso nya ditshedzo, a wona gukhuye wu di vbiswa. Khavbo avbo, a di goroga ngudzu a vbenyela Eliyazari ni Itamari, sanana si nga tshalago sa Aroni, khuye:

Levhi 12:6

Gikhati a enedzago matshigu nya guagiswe gwaye, gani gikhwathana ambari nari gyagadzyana, a nata bikela ga muphasi nya mhamba, nyangwatunu nya Tshatsha nya Tshangano, nvuta nya mwaga moyo, gasi gu gira phaso nya guvbiswe, ni gifondro nya lituva a gira phaso nya gughohe.

Levhi 14:10

Khu litshigu nya livbandre na mararu a na dzega dzinvutana dzimbili nyamba hasa ni nvuta nya ngadzi nya mwaga moyo nyamba hasa, ni sipandre siraru nya likhumi avba nya efa nya wuguvbi nya gupfangwe ni mafura, a ta gira ningelo, ni ndrengo nya mafura.

Levhi 16:15

Hwane nya ugo, a na paya nyamabhongwe nya phaso nya ditshedzo khu kotani nya gighoho gya vathu, a dzega novba wakone a bela nawo wulangani nya guage ndrani nya mwendra nya makhuvi, a gira khu novba wowo idzosaye ni edzi a nga girago khu novba nya kuzi; a mitegedzela vbatshani nya gikhalo nya wuhindzi ni mbeli gakone.

Levhi 16:5

A na hakha dziphongo dzimbili nya vamabhongwe a na ningwago khu tshangano nya sanana sa Israyeli gasi gu gira phaso nya ditshedzo ni hamba nya phaso nya guvbiswe.

Levhi 23:12

Litshigo la limwedo Muphasi nya mhamba a na ndziwitelago gitundru, mu na bikela ginvutana nyamba hasa, nya mwaga moyo, mu gira phaso nya guvbiswe ga Pfhumu Nungungulu;

Levhi 4:23

Avbo gi na tugudwago gighoho a giridego, a na resa nyamabhongwe nyamba hasa gasi gu gira khuye phaso.

Levhi 4:3

Oyu a nga ghohago, a gu bani ari muphasi nya mhamba a agisidwego, girede libango vathu vatshavbo, khu kotani nya gughohe gwaye, a na bikela ga Pfhumu Nungungulu ningelo nya gimombyana nyamba hasa, a gira mhamba nya ditshedzo

Levhi 9:2

a embela Aroni, khuye: “Dzega gikuzyana u ta ninga ningelo nya phaso nya ditshedzo, ni nvuta nya guta gire ningelo nya phaso nya guvbiswe, sirengo sa sivili, gu vbwetega nyamba hasa, gasi uta si bikela ga Pfhumu Nungungulu.

Levhi 9:4

kuzi ni nvuta muta si gira mhamba nya phaso nya pwanano, muta paya mbeli ga Pfhumu Nungungulu, ni ningelo nya wuguvbi nya gusugwe khu mafura, kholu muhuno Pfhumu Nungungulu a nata dzi wonegisa gwanu.”

Varoma 8:3

Nungungulu kodzide gu gira iso Nayo wu nga si tandrega khu gu vbungudwa tshivba khu tumbunugo nya wuthu. Uye konide gighoho ndrani nya tumbunugo nya muthu, khu gu hi rumela Mwanaye, a dzudego khu tumbunugo nya idzosaye ni tumbunugo nya muthu nya gighohi. Kharato Nungungulu pade gighoho.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.