Khu guralo, Mosi a di khedzisa thumo watshavbo, a wona gukhuye wu gimbide gukhedza khu edzi Pfhumu Nungungulu a mu rumidego khidzo nyamba tshiya gilo. Mosi a di va kategisa.
“Khu guralo, mu na khalani livbandre na mavili matshigu nyangwani nya Tshatsha nya Tshangano, wutshigu ni mihani, mu landrisa kharato sileletelo sa Pfhumu Nungungulu, gasi mu sifi; kholu khidzo nyi nga leletedwago khidzo.”
A di mu ambagisa ni gihugu hungoni, giwombotunu nya gihugu, a di vega genge nya ndralama, a gu gitambo nya guage kha nga idzo Pfhumu Nungungulu a nga leletelago khidzo Mosi.
Mu nga engedzeli gilo ga magana nyi mi rumago, gambe mu nga vbunguli gilo, gasi mu vegedze sirumo sa Pfhumu Nungungulu wanu, kha nga edzi nyi mi ningago khidzo.
Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.