Levhi 8:30 - Bhibhiliya Nya Guage

³⁰ Khavbo avbo, Mosi a di dzega gambe mafura nya gutodze ni novba wu nga bani wuri vbatshani nya giluvelo a gu mitegedzela khiso Aroni ni dzingandzu dzaye, a mitegedzela gambe sanana saye ni dzingandzu dzawe; a di agisa Aroni, ni dzingandzu dzaye, a agisa sanana saye gumogo ni dzingandzu dzawe.

Levhi 8:30 Iomraidhean Croise

Ekisodha 28:2

U na girela ndriyago Aroni dzingandzu nya miphaso gasi gu mu ninga wuzundzo ni wumburi.

Ekisodha 29:21

U na dzega novba wu na bani wuri vbatshani nya giluvelo ni mafura nya gutodze u mitedzela Aroni ni guambala gwaye, ni sanana saye ni guambala gwawe navo. Khu kharato, Aroni ni guambala gwaye a na agiswa; sanana saye ni guambala gwawe si na agiswa niso.

Ekisodha 30:30

U na todza Aroni ni sanana saye, u va wumbela gasi va nyi thumela kha nga vaphasi nya mhamba.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Levhi 7:35

Egi khu gipandre gi lumbago Aroni ni sanana saye, ga miningelo yi vbisedwago Pfhumu Nungungulu, gukhugela litshigu va phelago gu thuma thumo wawe nya wuphasi nya mhamba ya Pfhumu Nungungulu.

Levhi 7:36

Khiso esi Pfhumu Nungungulu a rumidego sanana sa Israyeli gu ningela ga vaphasi nya mhamba, gukhugela litshigu va todzwago mafura, kha nga nayo nya gupindruge ga sanana saye satshavbo.”

Levhi 8:12

Khu hwane a di guhula mafura nya gutodze hungoni ga Aroni, a mu agisa.

Mitengo 3:3

Aya khayo malina ya sanana sa Aroni, a gu vaphasi nya mhamba va todzidwego mafura, va wumbedwa wuphasi nya mhamba.

Vahebheru 2:11

Jesu a agisago vathu sighoho sawe, ni ava va agisidwego, vatshavbo Babe khuye wa moyo. Khidzo kharato, Jesu a si khaligo dzitshoni gu va rana khuye vandriyaye.

1 Pedro 1:2

Enu mu hathidwe khu guhaladza gwa Nungungulu Babe, mu giridwe vathu va Nungungulu khu tshivba nya Liphuvbo laye, gasi mu yingela Jesu Kristo ni gu mitegedzedwa khu Novba waye. Wuhigo ni gurula gu na tadzisedwe avbo gwanu.

1 Johane 2:27

Aholu gutodzwa mu gu hakhidego khu gwaye, kha gu vbwetegi muthu nya gu mi hevbudzeni; kholu gu ngu mu hevbudza silo satshavbo. Sihevbudzo saye khandri sa malipha, aholu khya lisine. Khu guralo, yingelani sihevbudzo a mi hevbudzidego, mu pharisa guhengela naye.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.