Levhi 8:22 - Bhibhiliya Nya Guage

²² Khu gulandrela a di ruma gukhuye va hidzimisa nvuta nya wuvili, a gu nvuta nya phaso nya guwumbele vaphasi nya mhamba. Aroni ni sanana saye va di yi handzega mandza hungoni.

Levhi 8:22 Iomraidhean Croise

Levhi 7:37

Eyi khu milayo yi ganelago khu miphaso nya guvbiswe, khu miphaso nya gubonge, khu miphaso nya ditshedzo, khu miphaso nya guwumbele vaphasi nya mhamba ni miphaso nya pwanano,

Levhi 8:2

“Dzega Aroni ni sanana saye, u dzega gambe ni dzingandzu, mafura nya gutodze, kuzi nya phaso nya ditshedzo, ni dzihamba dzimbili ni gitundru nya sibaba nyambana mela.

Levhi 8:29

Mosi a di dzega khana nya nvuta a yi ndziwitela mbeli ga Pfhumu Nungungulu, a gira nayo nya gubikele. Gipandre gegi nya nvuta nya phaso nya guwumbele yi di lumba Mosi, kha nga idzo Pfhumu Nungungulu a mu leletedego khidzo.

Johane 17:19

Eni nyi ngu dzi ningela iyo gwago khu kotani yawe, gasi avo navo va girwe vathu va agisidwego lisineni.

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vaefeso 5:25

Enu vama haladzani vagadzi vanu kha nga idzo Kristo a haladzago khidzo libandla laye, kala a gu ningela womi waye khu gufela ilo.

Vaefeso 5:27

Khu magirelo yaya, a dzi dongisede abune libandla nya gungangamele nyambana livala, nyambana dzikonye mwendro gimbe gilo nya nga isoso; libandla nya guage nyambana gusolega.