Levhi 7:5 - Bhibhiliya Nya Guage

⁵ Muphasi nya mhamba a na vbisa satshavbo vbatshani nya giluvelo gasi gu gira phaso wu vbisedwago Pfhumu Nungungulu. Owu khu phaso nya gulivbe milandru.

Levhi 7:5 Iomraidhean Croise

Levhi 1:13

Aholu muphasi nya mhamba a na phela khu gu handza mahembe ni dzizondzo matini, a vbedza a vbisa satshavbo vbagiluvelotunu; khuwo phaso nya guvbiswe, ningelo nya guvbiswe nya gunungele gwadi wu salalegisago Pfhumu Nungungulu.

Levhi 1:9

Aholu mahembe ni dzizondzo, si na hegula khu gu handzwa khu mati, khavbovbo, muphasi nya mhamba, a na vbisa satshavbo vbatshani nya giluvelo, khiyo mhamba nya gunungele gwadi yi salalegisago Pfhumu Nungungulu.

Levhi 2:16

Khu guralo, muphasi nya mhamba a na vbisa gipandre nya gialakanyiso nya sivbila nya guhindzwe na si patidwe ni mafura, ni libani latshavbo; owu phaso wu vbisedwago Pfhumu Nungungulu.

Levhi 2:2

A na dzega wuguvbi a ningela ga vaphasi nya mhamba, sanana sa Aroni. Moyo wawe, a na baga gyandza nya wuguvbi wu thedwego mafura ni libani latshavbo; muphasi nya mhamba a na si vbisa vbagiluvelotunu si khala gialakanyiso, kha nga phaso nya gunungele gwadi wu salalegisago Pfhumu Nungungulu.

Levhi 2:9

Muphasi nya mhamba a na vbungula gipandre gi yelago gu gira ningelo nya gialakanyiso a wu vbisa vbagiluvelotunu; ningelo nya guvbiswe, nya mahema nya gunungele gwadi wu salalegisa Pfhumu Nungungulu.

Levhi 3:16

Muphasi nya mhamba a na vbisa satshavbo vbatshani nya giluvelo, si khala guhodza nya phaso nya guvbiswe, nya gunungele gwadi si tsakisa. Mafura yatshavbo ma gu lumba Pfhumu Nungungulu.

Levhi 3:3

Avbo nya phaso nya mhamba yeyi nya patano, va na bikela mafura yatshavbo ma fumbelago mahembe, ni mafura yatshavbo ya sa ndrani, va gira ningelo nya phaso wu vbisedwago Pfhumu Nungungulu,

Levhi 5:7

Gighohi gya gu hamuga nvuta mwendro phongo nya guhandzwe khiyo gighoho gi giridego, gi na resa ga Pfhumu Nungungulu, khu mhamba nya gighoho gyaye, matuva mavili mwendro sifondro sivili nya sipomba: Gimwegyo a na gira khigyo phaso nya guditshedzwe gighoho, ni gimbe nya phaso nya guvbiswe.

Levhi 7:4

ni dzitshwa dza dzimbili ni mafura ma dzi fumbelago mugiwununi ni mafura ma fumbelago libindri si na duswa gumogo ni dzitshwa.

Levhi 7:6

Nyama nya miphaso yi na hodzwa basi khu vama va nyumbani nya wuphasi nya mhamba. Yi na hodzedwa wulangani nya guage, kholu gilo gi agidego ngudzu.

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vagalatiya 5:24

Ava va gu va Kristo Jesu va khokhothede vbagihambanotunu tumbunugo nya wuthu wawe ni gudogorela gwawe gwatshavbo.