Levhi 7:24 - Bhibhiliya Nya Guage

²⁴ Mafura nya gifuyo gi ngafago gyabune, mwendro gi nga songwago khu sirengo nya likhabi, mu na ma thumisa ga yimbe mithumo yatshavbo, aholu mu nga hodzini.

Levhi 7:24 Iomraidhean Croise

Ekisodha 22:30

U na gira idzosaye ni matiwula nya mombe yago ni dzinvuta dzago. Matiwula ma fanede gu khala livbandre na mavili matshigu ni mayi waye, khu eli nya livbandre na mararu matshigu, mu na ta gira ningelo avbo gwangu.

Ekisodha 22:31

Enu mu vathu mu agisedwego Eni. Gima mu nga hodzi nyama nya girengo gi songidwego khabini khu sirengo nya likhabi. Nyama nya guralo rinyelani dzimbwa.

Ezekiyeli 4:14

Khavbo avbo, eni nyi di, kheni: Oh! Mune, Pfhumu Nungungulu! Eni gima kha nya dzi nyenyezisa. Gukhugela wudzahani gwangu kala olu, gima nyi si gu hodzi gilo nya gukari gi nga manwa na gi fude mwendro gu vbadzuledwa khu sirengo sa khabini. Gima kanani gwangu gu si gu beli nyama nya gukari nya gunyenyeze.

Ezekiyeli 44:31

Vaphasi nya mhamba va nga tshuki va hodza nyama nya sinyoni ni sirengo nya gufe sabune mwendro nya guvbadzuledwe khu sirengo sa khabini.”

Levhi 17:15

Muthu watshavbo, gani givelegwa mwendro muluveli, a gu hodza girengo nya gufe gyabune, mwendro nya gusongwe khu sirengo nya likhabi, a na handza guambala gwaye, aya hamba matini, ambari ulo a na nyenyeza kala gupfolani nya lidambo; hwane nya ugo, a na aga.

Levhi 22:8

A nga hodzi girengo nya gufe gyabune, mwendro nya gusongwe khu sirengo nya likhabi, gasi a si dzi nyenyezisi khigyo. Eni kheni Pfhumu Nungungulu.

Levhi 7:25

Kholu oyu a hodzago mafura nya sirengo va payidego va gira miphaso nya guvbisedwe Pfhumu Nungungulu, muthu yoyo, a na fuviswe vbakari nya vathu vaye.

Dhewuteronome 14:21

Mu nga hodzini ni girengo gimwegyo nya gufe gyabune. Mu ngu dzi kodzani gu gi ningela ga muluveli, a vbanyago dhoropani gwago, gasi a gi hodza, mwendro gu gi rengisa ga muthuyo, kholu mu vathu mu agidego mahoni ga Pfhumu Nungungulu wanu. U nga phuli phongo khu mahwe ya mayi waye.