Levhi 7:21 - Bhibhiliya Nya Guage

²¹ Muthu a gu kuha gilo nya gunyenyeze, mwendro ndzilo nya muthu, mwendro girengo nya gunyenyeze, mwendro ni gevbini gilo gi nyenyezidego, a khuga khavbo aya hodza nyama nya phaso nya pwanano, wu bikedwego ga Pfhumu Nungungulu, muthu yoyo a na fuviswa vbakari ga vathu vaye.

Levhi 7:21 Iomraidhean Croise

Genesi 17:14

Oyu nyamba hana wugwera, mwama a na gumba pidwa lidowo nya wama waye, a na fuviswa vbakari nya valongo vaye, kholu ndragide milayo nya gidzumeledzwano gyangu.”

Ekisodha 12:15

Mu na vbedza livbandre na mavili matshigu na mu gu hodza sibaba nyambana mela. Gukhugela litshigu nya guphele, mu na dusani mela watshavbo dzinyumbani gwanu, kholu muthu watshavbo a na hodzago gibaba nya guthedwe mela, ndrani nya matshigu yatshavbo yaya nya livbandre na mavili, gukhugela litshigu nya guphele kala litshigu nya guhegise, muthu yoyo, a na fuviswe a si lumbi gambe vathu va na Israyeli.

Ekisodha 12:19

Matshigu yoyo nya livbandre na mavili, mu nga manegi ni gilo nya guvave mudzinyumbani gwanu, kholu uye a na hodzago gibaba nya guthedwe mela, muthu yoyo, gani muluveli, gani givelegwa gya tigoni, a na fuviswa tshanganoni nya vathu va na Israyeli.

Ezekiyeli 33:25

Khu guralo, va tivise, khuwe: Mune Pfhumu Nungungulu, a ngu ganela kharati, khuye: Kha nga olu mu hodzago nyama ni novba wakone, mu bwelo khavbo mu khozela sifananiso ni gu vbaladza novba; ina mu nga na gu khala vamune litigo leli, gani?

Ezekiyeli 4:14

Khavbo avbo, eni nyi di, kheni: Oh! Mune, Pfhumu Nungungulu! Eni gima kha nya dzi nyenyezisa. Gukhugela wudzahani gwangu kala olu, gima nyi si gu hodzi gilo nya gukari gi nga manwa na gi fude mwendro gu vbadzuledwa khu sirengo sa khabini. Gima kanani gwangu gu si gu beli nyama nya gukari nya gunyenyeze.

Levhi 11:20

Sirengwanana satshavbo si vbuvbago na siri ni migondro mina, si lolede gwanu.

Levhi 12:1

Pfhumu Nungungulu a di ganela gambe ga Mosi, khuye:

Levhi 17:10

“Gani khu wevbini muthu wa nyumbani ga Israyeli, mwendro valuveli va vbanyago vbakari gwawe, a na hodzago novba, gani lifumbu muni, nyi na mu wugela muthu yoyo a hodzago novba, nyi mu fuvisa vbakari nya vathu vaye.

Levhi 17:14

Kholu guvbanya nya mili gomo novbani gwaye, khidzo kharato nyi nga embela sanana sa Israyeli, kheni: Mu nga hodzini novba ni wa gevbini girengo, kholu guvbanya gwaye gomo novbani gwaye. Oyu a hodzago novba a na fuviswa vbakari gwawe.

Levhi 18:29

Vatshavbo va na girago gimwegyo nya gulolele gogo, va na fuviswa vbakari ga vathu vawe.

Levhi 19:8

Ni wevbini a na yi hodzago, a na rwala nandru nya guvivbe gwaye, kholu kanyiside esi si phasedwego Pfhumu Nungungulu. Khu guralo, a na fuviswa vbakari nya vathu vaye.

Levhi 20:3

Nyi na thendregedza nyi wugela muthu yoyo, nyi mu fuvisa vbakari ga na gyawe, kholu ningede gyanana gyaye gi gira mhamba nya guphasedwe Moloki, a nyenyezisa kharati wulanga wangu nya guage ni gu vivbisa lina langu nya guage.

Levhi 22:3

Va embele gukhuwe gukhugela olu, muthu watshavbo nya lifumbu lanu, nya situgulwana sanu satshavbo, a na tiyelago gu hidzimela ga silo si agidego, esi sanana sa Israyeli si dusago si phasela Pfhumu Nungungulu, na sa aga, muthu yoyo a na fuviswa mahoni gwangu. Eni kheni Pfhumu Nungungulu.

Levhi 22:4

Gani khu mani vbakari nya sanana sa Aroni, a na bani ari ni madwali nya sokono mwendro gu dugelela wusila khu milini gwaye, a nga hodzi miningelo nya guage kala a agiswa. Khidzosaye gambe ni oyu a kuhago muthu a nyenyezisidwego khu girumbi; ni oyu a nga dugago mbewu nya livelego;

Levhi 23:29

Kholu muthu watshavbo vbakari gwanu a na gumba hala litshigu lolo, Eni nyi na mu fuvisa vbakari ga va na gyawe.

Levhi 7:20

Aholu muthu moyo a nyenyezidego, a gu hodza nyama nya miphaso nya pwanano, a na fuviswa vbakari ga vathu vaye.

Levhi 7:22

Pfhumu Nungungulu a di embela gambe Mosi, khuye:

Levhi 7:25

Kholu oyu a hodzago mafura nya sirengo va payidego va gira miphaso nya guvbisedwe Pfhumu Nungungulu, muthu yoyo, a na fuviswe vbakari nya vathu vaye.

Levhi 7:27

Muthu watshavbo a hodzago novba gani khwa lifumbu muni, fanede gu fuviswa vbakari nya vathu vaye.”

Mitengo 19:22

Ni satshavbo iso si nga khuhwago khu muthu nya gunyenyeze, si na bani si nyenyezide, ni muthu a na gu si kuhago a na nyenyeza kala gupfolani nya lidambo.

Dhewuteronome 14:10

Aholu satshavbo si gu mwalo dziphesa ni magwaru mu nga si hodzi; si nyenyezide avbo gwanu.

Dhewuteronome 14:3

Mu nga hodzini gilo nya gunyenyeze.

1 Samuweli 20:26

Ga litshigu lile, Sawule kha nga ganela gilo, a di pimisa gukhuye: “A gu dzina saye Dhavhidhe a di manana ni gunyenyeza nya gukari, gu na bani guri igyo givangelo.”