Levhi 7:18 - Bhibhiliya Nya Guage

¹⁸ Ya gu kala nyama yakone nya phaso wowu yi hodzwa khu muthu, hwane nya gu bani na gu vbindride matshigu mararu, oyu a wu bikelago, gima kha na nga hakha makategwa; phaso waye wu na bani wu nyenyezide, oyu a hodzago nyama yakone a na rwala nandru waye.

Levhi 7:18 Iomraidhean Croise

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Isaya 65:4

va khala marowoni va pilekelana wutshigu vbafuvbi ni malangani nya gusihalege; va hodza nyama nya dzikhumba, na vari ni muro nya silo nya gunyenyeze dzimbiyani gwawe.

Isaya 66:3

Muthu a payago mombe, a ngu fanana ni oyu a songago muthu; oyu a payago nvutana a gira khiyo phaselo, a gu fanana ni oyu a tshomborosago thamo nya yimbwa; oyu a ningelago ningelo khu wuguvbi, a gu fanana ni oyu a ningelago khu novba nya khumba; uye a vbisago libani, a gu fanana ni uye a khozelago sifananiso. Kha nga olu avo va dzi hathedego dzindzila dzawe wurumba, mihefemulo yawe yi na tsakela silo nya gunyenyeze.

Jeremiya 14:10

Khu kotani nya vathu vava, Pfhumu Nungungulu a ngu ganela kharati, khuye: “Kha nga va nga tsakelago guhambana ni eni, va gola gu legalega; khu guralo, Pfhumu Nungungulu kha tsakiswi khavo, a na va tsayisa khu gu alakanya sighoho sawe.”

Jeremiya 14:12

“Ambari va gu hala, eni kha nyi na yingisa gulila gwawe, va gu nyi girela dzimhamba nya guvbiswe ni dzimhamba nya guhodze, kha nyi na tsakiswa khidzo; nyi na va mbembisa khu matshari, ndzala ni mitungu.”

Ezekiyeli 18:20

“Muthu a ghohago khuye a yelago gufa; gyanana gima kha gi na nga khala mune nya gighoho gya muvelegi waye, ambari muvelegi nuye kha na mana nandru khu gighoho gya mwanaye. Muthu nya gululame a na hakha gululama gu mu lumbago, uye nyamba lulama a na tsayiswa khu gumba lulama gwaye.”

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Levhi 10:17

“Khu ginani mu ngamba hodzani, Wulangani nya Guage, miphaso nya ditshedzo a gu gilo gi agidego ngudzu? Pfhumu Nungungulu a mi ningide esi gasi mufela gu rwala sihoso nya tshangano, ni gu handza sighoho sawe mbeli ga Pfhumu Nungungulu.”

Levhi 10:19

Aroni a di hakha Mosi, khuye: “Avo va ngari gu ningela muhuno olu phaso wawe nya ditshedzo ni phaso wawe nya guvbiswe mbeli ga Pfhumu Nungungulu, kha nga eni neni nyi giridego kharato. Nari gupwani nyi di hodzide muhuno phaso nya ditshedzo, ina na wu hakhidwe gwadi wu salalalegisa Pfhumu Nungungulu, gani?”

Levhi 11:41

Sirengo satshavbo si ndrindrandrindrago khu lididi mafuni si nyenyezide; si lolede mu nga hodzi.

Levhi 17:16

Aholu, a gumba handza guambala gwaye ni gumba hamba mili waye, a na rwala gulemela nya nandru waye.”

Levhi 19:5

Mwa guta ningelani ga Pfhumu Nungungulu phaso nya pwanano, ningelani khu gugola gwanu, gasi mu kodza guhakhwa.

Levhi 20:17

Mwama a gu dzega ndriyaye nya nyamayi, gyanana gya babe waye, mwendro gya mayi waye, a wona wumbwiri waye, nyamayi nuye a wona wumbwiri wa mwama, idzodzo dzitshoni nya dzikhongolo ngudzu, va na songwa na va gu wonwa khu vathu tigoni gwawe; kha nga olu uye a nga funungulago wumbwiri wa hane waye, a na rwala gulemela nya nandru waye.

Levhi 20:19

U nga fununguli wumbwiri wa ndruye wa mayi wago, mwendro wa hane wa babe wago, kholu wa gu funungula wumbwiri wa nongo wago nya lisine. Va na rwala gulemela nya nandru wawe.

Levhi 22:16

gasi va si rwali tsayiso nya nandru wawe, khu gu hodza miphaso yi agisidwego kholu, eni kheni Pfhumu Nungungulu nyi va agisago.”

Levhi 22:23

Mombe mwendro nvuta yi gu ni litundru nya gukhwenyele mwendro nya gulaphe u na yi ningela khu gugola gwago, aholu kha yi na dzumedwa gu gira khiyo phaso nya gutadzise gisambanyo.

Levhi 22:25

Mu nga dzumeli gu hakha, ambari khu mandzani ga muluveli, sifuyo nya nga isoso, mu ningela khiso guhodza ga Nungungulu; kha si na hakhwa, kholu si vivbide, si solegide.”

Levhi 5:17

Muthu a gu ghoha khu guphazama, nasiri kha gwenye a gira gilo gimwegyo nya esi si himbedzedwago khu Pfhumu Nungungulu, uye nuye ghohide, gambe a na rwala nandru waye.

Levhi 7:19

Nyama ya gu khuhana ni gilo gi nyenyezidego, kha yi na hodzwa khu muthu, yi na vbiswa niloni. Muthu watshavbo agidego a ngu dzi kodza gu hodza nyama nya miphaso nya pwanano.

Amosi 5:22

Ambari mwa gu nyi ningani miphaselo nya guvbiswe, ni miningelo nya guhodze, gima kha nyi na tsaka khiyo, ambari miningelo yanu nya gugirwe khu sirengo sanu nya gunone.

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Malakiya 1:13

Mu engedza gambe, khenu: Hi garade khu satshavbo sesi, aholu mu simama gumba nyi ningani githawo, a ngu ganela Pfhumu Nungungulu nya Tshivba Yatshavbo. Mwa gu nyi reselani sirengo nya gubidwe, nya guhase niso nya gudwale mu ta nyi girelani khiso miphaso; ina mwa gu pimisani gukhenu eni nyi na si hakha na nyi tsakide khu mandzani gwanu, gani? A ngu wudzisa Pfhumu Nungungulu nya Tshivba Yatshavbo.

Mitengo 18:27

Ningelo wanu wu na sayedwa kha nga ningelo nya tirigu ya githalani ni ningelo nya singi sa mugighowoloni nya vbinyu.

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Varoma 4:11

Khu hwane, khavbo a hanidego gwadi wugwera kha nga giyeyedzo nya gupwani Nungungulu a mu wone kha nga muthu nya gululame, a mu hakha a khala pari yaye khu kotani nya gukhodwe a nga bani ari nago, na si gu hani wugwera. Khu kharato, uye khade babe wa vatshavbo vale va khodwago ambari na va sa hana wugwera, gasi a avo navo va wonwa na va lulamide.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.