Levhi 7:13 - Bhibhiliya Nya Guage

¹³ Gumogo ni girengo nya phaso nya pwanano egi muthu a ningelago khu gubonga. Pfhumu Nungungulu, fanede gu dusa gambe sibaba nya guthedwe mela.

Levhi 7:13 Iomraidhean Croise

Jeremiya 33:11

malito nya gutsake ni gunengela, malito ya mudzegi ni ya oyu a dzegwago, malito ya vale va resago miningelo nya gubonge, na va gukhavo: Rungudzani Pfhumu Nungungulu, nya Tshivba Yatshavbo, kholu uye khwadi, wuhindzi waye wu ngu simama kala gupindruga; ni malito ya avo va resago rungudzo Nyumbani ga Pfhumu Nungungulu; kholu, nyi na va wuyisa khu wugumbitunu va wuya tigoni vata khala kha nga guhegulani, a ngu ganela Pfhumu Nungungulu.

Levhi 2:12

Silo sesi mu ngu dzi kodza gu si bikela kha nga ningelo nya mihandro nya guphele ya thembweni gasi gu bonga Pfhumu Nungungulu, aholu yi nga vegwi vbatshani nya giluvelo gukhwatshi khu phaso nya gunungele gwadi wu salalegisa.

Levhi 23:17

Mu na resani khumo mu vbanyago umo, sibaba sivili nya gugirwe khu sipimo sivili nya gipandre nya efa nya wuguvbi nya gudadatwe, nya guphudwe ni mela, muta gira nayo nya bikelo khu ningelo nya gundziwitedwe; khiyo eyi mihandro nya guphele yi lumbago Pfhumu Nungungulu.

Levhi 23:18

Mu na ningela sibaba, mu pata gumogo ni livbandre na sivili sinvutana nya mwaga moyo, nyamba solega mwendro guhasa, ni gimombyana ni dzihamba dzimbili nya phaso nya guvbiswe, gumogo ni miningelo nya guhodza ni mawadwa yakone; mu gira phaso nya guvbiswe nya gunungele gwadi wu salalegisago Pfhumu Nungungulu.

Amosi 4:5

Ningelani miphaselo nya gubonge khu sibaba nya guthedwe mela, mu huwelela khu miphaso yanu nya guningele khu gugola; kholu khiso enu, sanana sa Israyeli, khiso mu si golago, a ngu ganela Pfhumu Nungungulu.

Matewu 13:33

Jesu a di va ninga gambe gimbe gipimaniso, khuye: “Mufumo wa Ndzadzini wu ngu fanana ni mela wu nga dzegwago khu nyamayi moyo a wu pfanga ni ndrengo tharu nya wuguvbi, kala wu gugumugisa wuguvbi watshavbo.”

1 Thimoti 4:4

Kholu satshavbo esi Nungungulu a nga si vanga khyadi, gimwalo ni gimwegyo gi yelago gu nyenywa. Ha gu si hakha, hi na bonge Nungungulu.