Levhi 6:6 - Bhibhiliya Nya Guage

⁶ Fanede gu hatha nvuta nyamba hasa ya tshambini gwaye a resa ga muphasi nya mhamba, gasi gu gira mhamba nya gulivbe nandru ga Pfhumu Nungungulu, gukhedza khu tengo wu vegidwego gasi gu gira phaso nya gulivbe nandru.

Levhi 6:6 Iomraidhean Croise

Ezira 10:19

Va di pharana mawogo, va sambanya, gukhavo va na tutumisa vagadzi vawe, kholu va diri ni nandru; va di gira phaso khu nvuta ya tshambini gwawe khu kotani nya gighoho gegi.

Nehemiya 10:35

Gasi ethu vaphasi nya mhamba, va na Levhi, ni vathu vatshavbo gulandra khu linyumba la vababe vathu, hi lole dzisolo nya guti khu mani a na gu resago khu mwaga ni mwaga dzikhuni nya gute khondrisa khidzo nilo vbagiluvelotunu gya Nyumbani ga Pfhumu Nungungulu wathu, khu matshigu ma emisidwego kha nga idzo gu lovidwego khidzo umo nya Nayo.

Ezekiyeli 40:46

Aholu likhuvi li guromo khu phuvbo ga Wuronga la gu lumba vaphasi nya mhamba va thumelago vbagiluvelotunu; a gu avo sanana sa Sadhoki, vbakari nya sanana sa Levhi, va yelago gu hidzimela vbafuvbi ga Pfhumu Nungungulu gasi gu mu thumela.

Levhi 14:12

Muphasi nya mhamba a na dzega nvuta mweyo a yi bikela kha nga ningelo nya phaso nya gulivbe milandru gumogo ni ndrengo nya mafura a na si ndziwitela mbeli ga Pfhumu Nungungulu khu nayo nya bikelo.

Levhi 5:15

“Muthu a gu ghoha, ambari nari a di phazama, a divala gu livba gikhaba nya esi si fanelago guagisedwa Pfhumu Nungungulu, muthu yoyo fanede gu bikela, khu kotani nya nandru waye, matune nya nvuta nyamba hasa yi hathidwego tshambini gwaye. Tengo wakone nya nvuta yoyo, wu na pimwa khu sekeli nya parata ya wulangani nya guage; a nata gira ningelo nya phaso nya gulivbe nandru.

Levhi 5:18

A na ningela ga muphasi nya mhamba matune nya nvuta nyamba hasa, yi hathidwego tshambini gwaye nya tengo wu na pimwago khu muphasi a ta gira phaso nya gulivbe nandru. Muphasi nya mhamba a na mu girela phaso nya guditshedzwe gihoso a gi giridego khu guphazama, khu guralo a na tsetseledwa nandru yoyo.

Levhi 5:7

Gighohi gya gu hamuga nvuta mwendro phongo nya guhandzwe khiyo gighoho gi giridego, gi na resa ga Pfhumu Nungungulu, khu mhamba nya gighoho gyaye, matuva mavili mwendro sifondro sivili nya sipomba: Gimwegyo a na gira khigyo phaso nya guditshedzwe gighoho, ni gimbe nya phaso nya guvbiswe.