Levhi 6:3 - Bhibhiliya Nya Guage

³ mwendro, na rode gilo gya muthu gi dzimedego, a langa, a lipha khuye kha giti, ngudzungudzu a gu bwelo khavbo a sambanya malipha ga silo nya nga esi, mwendro ga gevbini gimbe gilo gi girago gu muthu a ghoha.

Levhi 6:3 Iomraidhean Croise

Ekisodha 23:4

Wa gu mana mombe ya nala wago mwendro buru yaye na yi khulugide yi dzimela, u na yi vbwelegedza ga mune waye.

Ekisodha 28:42

U na va girela gambe sikhunyula nya mwendra gasi gu fenengedza wumbwiri wawe gukhugela giwununi kala dzikhungumudzini.

Mavingu 24:28

U nga khali fakazi nya malipha u lumbedza muakelane wago vbavbandze nya nandru, ambari gu mu kanganyisa khu magana yago.

Mavingu 30:9

Gasi gu si giregi gu, nya gu khura ngudzu nyi tshuka nyi gu danga, kheni: “Khu mani Uye Pfhumu Nungungulu wakone?” Kholu nya gu khala gisiwana, nyi phela guba; nyi na nyenyezisa kharati lina la Nungungulu.

Jeremiya 5:2

Ambari sawe va gu ganela, khavo: “Hi ngu sambanya khu lina la Pfhumu Nungungulu a vbanyago.” Va gu sambanya malipha.

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Ezekiyeli 44:19

Va gu duga va hongola ga likupakupa la vbavbandze, avbo va guromo vathu, va na tshula guambala va nga bani va thuma khugo, va gu vega makhuvini nya guage, va ambala gumbe guambala, gasi va si agisi vathu khu guambala gwawe nya wuphasi nya mhamba.

Levhi 1:16

a na dusa gitutwa, esi sa gitutwani a si pata gumogo ni mitenga a gu rinya vbatalatunu, vbafuvbi ni giluvelo, khu phuvbo ga Khugadambo.

Levhi 16:4

A na ambala ngandzu nya linyu nya gukategiswe, a na fenengedza mili waye khu gikhunyula nya linyu; a na hunga giwunu khu keka nya linyu, a na ambala hungoni gihugu nya linyu. Guambala gu agisidwego, fanede gu gu ambala basi hwane nya gu na hambide mili waye khu mati.

Levhi 19:12

mu nga sambanyi malipha khu lina Langu, kholu mwa gu gira kharato, mu na nyenyezisa lina la Nungungulu wanu. Eni kheni Pfhumu Nungungulu.

Zakariya 5:4

Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.