Levhi 6:25 - Bhibhiliya Nya Guage

²⁵ “Embela Aroni ni sanana saye, khuwe: Eyi khu milayo nya ningelo nya miphaso nya ditshedzo; girengo nya phaso nya mhamba nya ditshedzo gi na paywa mbeli ga Pfhumu Nungungulu, wulangani gu payedwago avbo sirengo nya miphaso nya guvbiswe; gilo gi agidego ngudzu.

Levhi 6:25 Iomraidhean Croise

Ezekiyeli 42:13

Khavbo avbo, mwama a di nyi embela, khuye: “Makhuvi ya Wuronga ni ayo ya Marandzi, ma guromo mbeli nya mihubhe nya Nyumba ya Nungungulu, makhuvi nya guage, umo vaphasi nya mhamba va thumelago Pfhumu Nungungulu nyumbani nya miphaso, va na hodzago ni gu vega umo sombo nya guage ngudzu, a gu miningelo nya dzimbewu niyo nya ditshedzo nya sighoho ni gutsetselela milandru; kholu wulanga wu agidego.

Levhi 1:11

A na paya gifuyo khu phuvbo ga Wuronga nya giluvelo, mbeli ga Pfhumu Nungungulu. Vaphasi nya mhamba, sanana sa Aroni, va na dzega novba wakone va mitegedzela khuwo giluvelo maphuvbo yatshavbo.

Levhi 1:3

A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa, a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu.

Levhi 1:5

Khu hwane, a na paya gimombyana mbeli ga Pfhumu Nungungulu. Vaphasi nya mhamba, a gu sanana sa Aroni, va na dzega novba wakone va wu bikela ga Pfhumu Nungungulu, va mitegedzela khuwo maphuvbo yatshavbo nya giluvelo, gi guromo vbamwanyatunu nya Tshatsha nya Tshangano.

Levhi 21:22

A na hodza guhodza nya miphaso gwa Nungungulu waye, nya miningelo nya guage ngudzu ni eyi nya guage.

Levhi 4:24

A na handzega mandza hungoni nya nyamabhongwe a wu paya wulangani wu giredwego gu payela avbo miphaso nya guvbiswe, mbeli ga Pfhumu Nungungulu. Owu ningelo nya phaso nya ditshedzo.

Levhi 4:29

A na handzega mandza hungoni nya phongo nya mhamba nya guhandze sighoho, a yi payela wulangani va payelago avbo sifuyo nya miphaso nya guvbiswe.

Levhi 6:17

Gibaba gegi va nga gi vawuli na va thede mela, kholu egi khu gipandre nyi va vegelago avba nya miphaso yi vbisedwago Pfhumu Nungungulu. Silo si agidego ngudzu gu fanana ni phaso nya guhandze sighoho, mwendro ni phaso nya gulivbe milandru.

Levhi 6:24

Pfhumu Nungungulu a di embela gambe Mosi, khuye:

Levhi 6:29

Nyama yeyi, yi na hodzwa basi khu vama va nyumbani nya wuphasi nya mhamba, kholu gilo gi agidego ngudzu.

Levhi 7:7

Nayo nya miphaso nya gulivbe milandru wu ngu fanana ni owu nya miphaso nya ditshedzo. Nyama nya miphaso ya gu lumba muphasi a thangelago mhamba.