Levhi 6:22 - Bhibhiliya Nya Guage

²² Gyanana gya Aroni gi na thedwago nigyo mafura hungoni gi wumbedwa gu khala muphasi nya mhamba wulanga wa Aroni, gi na gira nigyo kharalo gu ningela phaso nya mhamba yeyi. Kha nga nayo wu vegidwego kala gupindruga mbeli ga Pfhumu Nungungulu.

Levhi 6:22 Iomraidhean Croise

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Hoseya 4:8

Avo va gu hodza khu sighoho sa vathu vangu, va gu gola ngudzu wuvivbi wawe.

Levhi 3:17

Owu nayo nya gupindruge wu na hungago sanana sanu, ni evbini mu na gu bani mu vbanya avbo: Mu nga hodzini mafura mwendro novba.”

Levhi 4:24

A na handzega mandza hungoni nya nyamabhongwe a wu paya wulangani wu giredwego gu payela avbo miphaso nya guvbiswe, mbeli ga Pfhumu Nungungulu. Owu ningelo nya phaso nya ditshedzo.

Levhi 4:3

Oyu a nga ghohago, a gu bani ari muphasi nya mhamba a agisidwego, girede libango vathu vatshavbo, khu kotani nya gughohe gwaye, a na bikela ga Pfhumu Nungungulu ningelo nya gimombyana nyamba hasa, a gira mhamba nya ditshedzo

Levhi 6:10

Muphasi nya mhamba a na ambala ngandzu nya gulaphe nya seda, a ambala gambe ni gikhunyula nya seda gasi gu fenengedza givili gyaye. A na wola nguma hwane nya gu nilo na wu tsagamiside nyama nya phaso nya guvbiswe vbagiluvelotunu, a wu vega khu bambe nya giluvelo.

Levhi 6:11

Khavbo avbo, a na tshula dzingandzu, a gu ambala dzimbe, gasi gu rwala nguma a duga nawo vbavbandze nya lizumbo, aya wu vbaladza wulangani wu agidego.

Levhi 6:21

Wuguvbi wowu wu na pfangwa ni mafura, na wu sugidwe wu vidzwa gwadi, wu na gadzingwa tindzaloni, wu na reswa na wu kabanisedwe khu sipandre, muphasi nya mhamba ata gira ningelo nya guhodza nya gunungele gwadi wu salalegisa Pfhumu Nungungulu.

Levhi 6:23

Khu kharati ningelo wa muphasi nya mhamba wu fanede gu vbiswa watshavbo, gimwalo gi na hodzwago avbo nya miphaso yeyi.”

Levhi 8:21

Aholu a di handza matini mahembe ni dzizondzo dzakone; a gu vbisa nvuta yatshavbo vbatshani nya giluvelo. Eyi i mhamba nya guvbiswe nya mahema ma salalegisago Pfhumu Nungungulu; kha nga idzo Pfhumu Nungungulu a leletedego khidzo Mosi.

Dhewuteronome 10:6

Sanana sa Israyeli si di khuga khu Bheyerote-Bhene-Jahakami vaya Mosera. Khiyo a nga ya fela iyo Aroni, va mu dzinga iyoyo. Mwanaye Eliyazari, a di mu tshikhedza wulangani gwaye nya wuphasi nya mhamba.

Vahebheru 7:23

Gomo gambe guhambana: Vaphasi va gale va diri vangi kholu va di gufa. Va di si dzi kodzi gu simamisa thumoni gwawe.