Levhi 6:19 - Bhibhiliya Nya Guage

¹⁹ Pfhumu Nungungulu a di embela gambe Mosi, khuye:

Levhi 6:19 Iomraidhean Croise

Ekisodha 29:2

u dzega gambe sibaba nyambana mela, ni sikatyana nyambana mela nya gusugwe ni mafura, ni dzifiyoso nyamba thedwa mela nya guthedwe mafura. Satshavbo u na si gira khu wuguvbi nya tirigu.

Ezekiyeli 42:13

Khavbo avbo, mwama a di nyi embela, khuye: “Makhuvi ya Wuronga ni ayo ya Marandzi, ma guromo mbeli nya mihubhe nya Nyumba ya Nungungulu, makhuvi nya guage, umo vaphasi nya mhamba va thumelago Pfhumu Nungungulu nyumbani nya miphaso, va na hodzago ni gu vega umo sombo nya guage ngudzu, a gu miningelo nya dzimbewu niyo nya ditshedzo nya sighoho ni gutsetselela milandru; kholu wulanga wu agidego.

Levhi 10:18

Kha nga olu novba nya phongo yeyi wu ngamba yiswa Wulangani wu Agidego, gu di yela na mu hodzide nyama yakone Wulangani nya Guage, kha nga edzi nyi mi rumidego khidzo.

Levhi 6:18

Sa gu lumba gu hodzwa basi khu sanana nya vama sa Aroni: Egi gilawulo gi ningedwago khu nayo ga sanana sanu avbo nya miningelo nya miphaso yi vbisedwago Pfhumu Nungungulu. Owu nayo wa gu hunga enu ni situgulwana sanu kala gupindruga. Muthu watshavbo a na khumbago guhodza gogu a na agiswa.

Levhi 6:20

“Litshigu Aroni ni sanana saye va wumbedwago khu gu thedwa mafura hungoni, moyo ni moyo fanede gu bikela ga Pfhumu Nungungulu dzimhamba nya silo sesi: Gipandre nya efa nya wuguvbi nya gudadatwe, va gira miphaso nya litshigu ni litshigu, va na kabanisa khu vbakari: Gipandre va na ningela vbadzimindrutunu, gimbe gipandre va na ningela gupfolani nya lidambo.

Levhi 6:9

“U na ninga milayo yeyi Aroni ni sanana saye: Eyi khu milayo nya miphaso nya guvbiswe. Phaso nya guvbiswe wu na khala vbagikhotunu wutshigu watshavbo kala vbadzimindrutunu; nilo wa vbagiluvelotunu wu na simama wu dzura.

Mitengo 18:27

Ningelo wanu wu na sayedwa kha nga ningelo nya tirigu ya githalani ni ningelo nya singi sa mugighowoloni nya vbinyu.

Mitengo 18:9

Vbakari nya silo satshavbo si agiswago, vbavbandze nya sile si vbiswago khu nilo, iso si lumbago uwe khesi: Miningelo yawe yatshavbo, ni miningelo yawe nya guhodze, miphaselo yawe nya sighoho ni miphaselo yawe yatshavbo nya milandru va na gu yi girago gasi gu tsetseledwa khiyo sighoho avbo gwangu; isoso si na bani si agide, si na lumba uwe gumogo ni sanana sago.