Levhi 6:11 - Bhibhiliya Nya Guage

¹¹ Khavbo avbo, a na tshula dzingandzu, a gu ambala dzimbe, gasi gu rwala nguma a duga nawo vbavbandze nya lizumbo, aya wu vbaladza wulangani wu agidego.

Levhi 6:11 Iomraidhean Croise

Ekisodha 29:37

Thumo nya guagise giluvelo wu na dzega livbandre na mavili matshigu, u na gi agisa; gi khala gilo gi agidego ngudzu; ni gevbini gi na kuhago giluvelo gi na agiswa.

Ezekiyeli 44:19

Va gu duga va hongola ga likupakupa la vbavbandze, avbo va guromo vathu, va na tshula guambala va nga bani va thuma khugo, va gu vega makhuvini nya guage, va ambala gumbe guambala, gasi va si agisi vathu khu guambala gwawe nya wuphasi nya mhamba.

Levhi 16:27

Aholu kuzi ni nyamabhongwe nya phaso nya ditshedzo, novba wakone wu residwego makhuvini nya guage, gasi gu agisa, si na yiswa vbavbandze nya lizumbo, gu na vbiswa iyo lidowo ni nyama ni swanyi wakone.

Levhi 24:9

Guhodza gogu gu na lumba Aroni ni sanana saye; va na gu hodza wulangani nya guage, kholu khigyo gipandre nya guage ngudzu, gi kasedwago avo, avba nya miningelo yi vbisedwago Pfhumu Nungungulu. Oyu nayo wu tiyisidwego kala gupindruga.

Levhi 4:12

rumba nya gimombyana gyatshavbo, a na gi dzega a gu duga nagyo vbavbandze nya lizumbo, wulangani wu agidego, talatunu va vbaladzelago avbo nguma, aya gi vbisa avbo, vbadzikhunitunu. Gi na vbisedwa vbatalatunu nya nguma.

Levhi 4:21

Khu hwane a na dzega kuzi a duga nayo vbavbandze nya lizumbo, aya yi vbisa avba a vbisidego iyo nya guphele. Owu ningelo nya phaso nya guhandze gighoho nya tshangano.

Levhi 6:10

Muphasi nya mhamba a na ambala ngandzu nya gulaphe nya seda, a ambala gambe ni gikhunyula nya seda gasi gu fenengedza givili gyaye. A na wola nguma hwane nya gu nilo na wu tsagamiside nyama nya phaso nya guvbiswe vbagiluvelotunu, a wu vega khu bambe nya giluvelo.

Levhi 6:12

Nilo wa vbagiluvelotunu guvbwetega wu dzura gikhati gyatshavbo nyamba tshimega. Muphasi nya mhamba a na engedzela dzikhuni matshigu yatshavbo dzimindrudzile, a handzega vbatshani gakone miphaso nya guvbiswe, a vbisa mafura nya mhamba nya pwanano.

Levhi 6:20

“Litshigu Aroni ni sanana saye va wumbedwago khu gu thedwa mafura hungoni, moyo ni moyo fanede gu bikela ga Pfhumu Nungungulu dzimhamba nya silo sesi: Gipandre nya efa nya wuguvbi nya gudadatwe, va gira miphaso nya litshigu ni litshigu, va na kabanisa khu vbakari: Gipandre va na ningela vbadzimindrutunu, gimbe gipandre va na ningela gupfolani nya lidambo.

Levhi 6:22

Gyanana gya Aroni gi na thedwago nigyo mafura hungoni gi wumbedwa gu khala muphasi nya mhamba wulanga wa Aroni, gi na gira nigyo kharalo gu ningela phaso nya mhamba yeyi. Kha nga nayo wu vegidwego kala gupindruga mbeli ga Pfhumu Nungungulu.

Levhi 7:6

Nyama nya miphaso yi na hodzwa basi khu vama va nyumbani nya wuphasi nya mhamba. Yi na hodzedwa wulangani nya guage, kholu gilo gi agidego ngudzu.