Levhi 5:15 - Bhibhiliya Nya Guage

¹⁵ “Muthu a gu ghoha, ambari nari a di phazama, a divala gu livba gikhaba nya esi si fanelago guagisedwa Pfhumu Nungungulu, muthu yoyo fanede gu bikela, khu kotani nya nandru waye, matune nya nvuta nyamba hasa yi hathidwego tshambini gwaye. Tengo wakone nya nvuta yoyo, wu na pimwa khu sekeli nya parata ya wulangani nya guage; a nata gira ningelo nya phaso nya gulivbe nandru.

Levhi 5:15 Iomraidhean Croise

2 Dzipfhumu 12:16

Aholu gyuma nya miphaselo nya milandru, ni gyuma nya miphaselo nya sighoho, gi di si reswi Nyumbani ga Pfhumu Nungungulu; kholu gi di lumba vaphasi nya mhamba.

Ezira 10:19

Va di pharana mawogo, va sambanya, gukhavo va na tutumisa vagadzi vawe, kholu va diri ni nandru; va di gira phaso khu nvuta ya tshambini gwawe khu kotani nya gighoho gegi.

Ekisodha 30:13

Muthu ni muthu a lovedwago a na ningela tengo nya guningane gipandre nya Sekeli ya nyumbani nya miphaso, yi gu na ni magumavili dzisekeli, dzi kaswago khu vbakari u gira ningelo ga Pfhumu Nungungulu.

Ezekiyeli 40:39

Vbalidimbatunu nya mwanya gu diromo dzimeza dzimbili khu eno ni eno, avbo gu nga bani gu songedwa avbo sirengo nya miphaso nya guvbiswe, miningelo ni mihengo nya lombe guhandzwa sighoho.

Levhi 1:10

A gu bani ningelo nya phaso nya guvbiswe wuri wa girengo nya gidugwana, nvuta mwendro phongo, gu vbwetega matune nyamba hasa.

Levhi 1:3

A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa, a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu.

Levhi 14:12

Muphasi nya mhamba a na dzega nvuta mweyo a yi bikela kha nga ningelo nya phaso nya gulivbe milandru gumogo ni ndrengo nya mafura a na si ndziwitela mbeli ga Pfhumu Nungungulu khu nayo nya bikelo.

Levhi 27:3

Gitumbiso gyogyo, a gu bani nari gya muthu a enedzidego magumavili myaga guya mbeli kala livbandre na limwedo magumi myaga, a na dusa pimo nya livbandre magumi dzisekeli nya parata, mayelano ni sekeli ya wulangani nya guage.

Levhi 4:2

Ganela ga sanana sa Israyeli, u si embela, khuwe: “Muthu a gu dzipwa na ghohide, nasiri kha gwenye, aholu na giride esi Pfhumu Nungungulu a si himbedzedego gukhuye si nga girwi khu muthu, fanede gu gira, kharati:

Levhi 5:14

Pfhumu Nungungulu a di embela Mosi, khuye:

Levhi 5:16

Khu guralo, a na livba esi a dzegidego wulangani nya guage, a wuya a engedzela gipandre nya livbandre nya tengo yoyo, a ningela satshavbo ga muphasi nya mhamba. Khavbo muphasi nya mhamba a na mu girelago phaso nya ditshedzo khu nvuta a ningedego gasi gu livba nandru, uye a na tsetseledwa.

Levhi 5:18

A na ningela ga muphasi nya mhamba matune nya nvuta nyamba hasa, yi hathidwego tshambini gwaye nya tengo wu na pimwago khu muphasi a ta gira phaso nya gulivbe nandru. Muphasi nya mhamba a na mu girela phaso nya guditshedzwe gihoso a gi giridego khu guphazama, khu guralo a na tsetseledwa nandru yoyo.

Levhi 6:6

Fanede gu hatha nvuta nyamba hasa ya tshambini gwaye a resa ga muphasi nya mhamba, gasi gu gira mhamba nya gulivbe nandru ga Pfhumu Nungungulu, gukhedza khu tengo wu vegidwego gasi gu gira phaso nya gulivbe nandru.

Levhi 7:1

Oyu khu nayo nya miphaso nya gulivbe milandru; gilo gi agidego ngudzu.

Levhi 7:6

Nyama nya miphaso yi na hodzwa basi khu vama va nyumbani nya wuphasi nya mhamba. Yi na hodzedwa wulangani nya guage, kholu gilo gi agidego ngudzu.

Mitengo 15:24

khu guralo, mwa gu bani mu ghohide khu wuhangi, tshangano wu si dziti, tshangano watshavbo wu na dusa ningelo nya guvbiswe khu gimombyana gasi gu khala mahema nya gunungele nya gu tsakise Pfhumu Nungungulu, ni ningelo nya iso nya guhodzwe, ni ningelo nya wadwa, kha nga nayo wakone; tshangano wu na ningela nyamabhongwe gasi gu khala phaselo nya gu ditshedzwe sighoho.

Mitengo 5:5

Pfhumu Nungungulu a di engedza gambe a embela Mosi, khuye:

Mitengo 5:8

Aholu wule a ghohedwego a gu bani na fude nari mwalo nongo nya guyele guta hakha iso a livbwago khiso, si na ningedwa ga Pfhumu Nungungulu khu mandzani ga muphasi nya mhamba, vbavbandze nya nvuta yi ningedwago gasi gu livba sighoho saye.

Dhewuteronome 12:26

Gasi miningelo yago nya guage u gu nayo ni yile u nga yi tumbisa, u na yi dzega u hongola nayo wulanga wule Pfhumu Nungungulu a wu hathidego.

1 Samuweli 6:3

Avo va di va hakha, khavo: “Avbo mu na bweledzago Ngasa ya Nungungulu wa Israyeli, mu nga yi bweledzini mahala, aholu yi bweledzeni ga Nungungulu waye, khu ningelo nya ditshedzo; khavbo avbo, mu na vbanyiswa, khu guralo, mu na dziti nya gukhenu khu ginani mandza yaye ma ngamba duga vbakari gwanu.”