Levhi 5:13 - Bhibhiliya Nya Guage

¹³ “Khu magirelo yoyo, muphasi nya mhamba a na handza gighoho a giridego muthu yoyo, guyelana ni gimwegyo nya esi si ganedwego, uye a na tsetseledwa. Wuguvbi wu na tshalago, wu na lumba muphasi nya mhamba, gukhwatshi khu edzi gu girwago avbo nya ningelo nya phaso nya dzimbewu.”

Levhi 5:13 Iomraidhean Croise

Hoseya 4:8

Avo va gu hodza khu sighoho sa vathu vangu, va gu gola ngudzu wuvivbi wawe.

Levhi 2:10

Esi si tshalago nya dzimbewu vbagiluvelotunu, si na lumba Aroni ni sanana saye, silo si agidego ngudzu nya miningelo nya guvbisedwe Pfhumu Nungungulu.

Levhi 2:3

Esi si na tshalago vbaningelotunu sa gu lumba Aroni ni sanana saye. Egi gipandre gi agidego ngudzu, nya phaso wu vbisedwago Pfhumu Nungungulu.

Levhi 4:20

a na gira kuzi yeyi idzosaye ni idzo a nga girago kuzi nya phaso nya ditshedzo, khu magirelo yoyo va na Israyeli va na ditshedzwa sighoho sawe satshavbo.

Levhi 4:26

A na vbisa mafura yatshavbo vbatshani nya giluvelo, kha nga idzo gu girwago mafura nya phaso nya patano, khavbo avbo, muphasi nya mhamba a na gira mhamba nya ditshedzo khu gighoho gyaye, khu guralo, uye a na tsetseledwa.

Levhi 4:31

Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga mahema nya gunungele gwadi ma salalegisago Pfhumu Nungungulu; khavbo avbo, muphasi nya mhamba a na mu girela phaso nya mhamba nya ditshedzo, giwono gyaye gi na tsetseledwa.

Levhi 5:10

Gasi lituva nya wuvili, a na ningela khilo phaso nya guvbiswe, kha nga edzi wu rumago khidzo nayo. Khu magirelo yoyo, muphasi nya mhamba a na girela muthu yoyo mhamba nya guhandze gighoho a giridego, uye a na tsetseledwa.

Levhi 5:12

A na wu yisa ga muphasi nya mhamba, uye a na baga gyandza nya wuguvbi kha nga gialakanyiso, a vbisa vbatshani nya giluvelo, vbaminingelotunu yi vbisedwago Pfhumu Nungungulu; owu phaso nya guhandze gighoho.

Levhi 5:14

Pfhumu Nungungulu a di embela Mosi, khuye:

Levhi 5:16

Khu guralo, a na livba esi a dzegidego wulangani nya guage, a wuya a engedzela gipandre nya livbandre nya tengo yoyo, a ningela satshavbo ga muphasi nya mhamba. Khavbo muphasi nya mhamba a na mu girelago phaso nya ditshedzo khu nvuta a ningedego gasi gu livba nandru, uye a na tsetseledwa.

Levhi 5:4

Mwendro muthu a gu ganela nyamba phela khu gu pimisa a sambanya gu gira gilo, gani gilo nya guvivbe, gani gilo nya gyadi, mwendro ni gevbini gilo muthu a ganelago mahala a sambanya nyamba dziti, gikhati a dzitigo, a na bani nari ni nandru.

Levhi 5:5

Muthu a gu ni nandru nya silo sesi, gu vbwetega a dawulela sighoho saye.

Levhi 5:6

Khavbo avbo, a na ningela ga Pfhumu Nungungulu mhamba khu gighoho a giridego, nvuta nya ngadzi mwendro phongo nya ngadzi, gasi gu tsetseledwa sighoho saye; khu guralo, muphasi nya mhamba, a na mu girela mhamba nya guhandze giwono gyaye.

Levhi 7:6

Nyama nya miphaso yi na hodzwa basi khu vama va nyumbani nya wuphasi nya mhamba. Yi na hodzedwa wulangani nya guage, kholu gilo gi agidego ngudzu.

1 Vakorinto 9:13

Ina mwa gu hangwa khu gukhenu ava va thumelago Nyumbani ga Nungungulu va na ni fanelo nya guhodziswe khu Nyumba ya Nungungulu, gani? Vaningeli nya mhamba kha va ngu hakha gipandre nya miningelo ya vbagiluvelotunu, gani?

1 Samuweli 2:28

Nyi mu hathide vbakari nya mahundzu yatshavbo ya na Israyeli, gasi a khale muphasi wangu nya mhamba, a gira miphaso vbagiluvelotunu gwangu, a vbisa libani nya gunungele, a ambala Efodhe mbeli gwangu. Nyi ningide ga ndranga la babe wago, gipandre gimwegyo nya miphaso yatshavbo nya guvbiswe, yi vbiswago khu sanana sa Israyeli.