Levhi 5:11 - Bhibhiliya Nya Guage

¹¹ Aholu, a gu hamuga sifondro sivili nya matuva, a na ningela khu guhandza gighoho gyaye, gipandre nya likhumi nya Efa nya wuguvbi, a gira ningelo nya phaso nya ditshedzo, a nga theli mafura mwendro libani nya gunungele, kholu phaso nya gughohe.

Levhi 5:11 Iomraidhean Croise

Ekisodha 16:18

Avbo va nga pimelago khu ghomeri, si di si tshali ga wule a nga bani a rolede nya singi, gambe si di si keneleli ga wule a nga bani a rolede nya sidugwana. Moyo ni moyo a di rolede gupima khu mavhalo yaye.

Ekisodha 16:36

Ghomeri gipandre nya likhumi nya Efa.

Levhi 1:14

Muthu a gu dusela Pfhumu Nungungulu ningelo nya guvbiswe, wa gu bani wuri wa sinyoni, a na resa matuva mwendro sifondro nya sipomba.

Levhi 12:8

Aholu a gu hamuga nvuta, a ngu dzi kodza gu bikela sifondro sivili nya matuva. Gifondro gimwegyo nya phaso nya guvbiswe, ni gimbe nya gughohe. Muphasi nya mhamba, a na mu girela nayo nya phaso nya gulivbe nandru, khavbo avbo a na agiswa.”

Levhi 14:21

Muthu nya gisiwana a hamugago sifuyo nya gudingane gu dusa esi si vbwetegago gasi gu gira phaso nya gulivbe milandru, a na dusa hamba mweyo nya phaso nya gulivbe milandru, yi na ndziwitedwago khu nayo nya bikelo, gasi gu mana gu agiswa sighoho saye; a resa gambe gipandre nya likhumi nya efa nya wuguvbi wu gadzingidwego khu mafura, a gira ningelo nya wuguvbi, ni ndrengo nya mafura.

Levhi 27:8

Aholu, a gu bani nari gisiwana ngudzu a si dzi kodzi gu livba tengo wu emisidwego, a na dzi bikela ga muphasi nya mhamba, afela gu mu vegela tengo gukhedza khu gumanela gwaye.

Levhi 5:12

A na wu yisa ga muphasi nya mhamba, uye a na baga gyandza nya wuguvbi kha nga gialakanyiso, a vbisa vbatshani nya giluvelo, vbaminingelotunu yi vbisedwago Pfhumu Nungungulu; owu phaso nya guhandze gighoho.

Levhi 5:6

Khavbo avbo, a na ningela ga Pfhumu Nungungulu mhamba khu gighoho a giridego, nvuta nya ngadzi mwendro phongo nya ngadzi, gasi gu tsetseledwa sighoho saye; khu guralo, muphasi nya mhamba, a na mu girela mhamba nya guhandze giwono gyaye.

Levhi 5:9

a na mitegedzela novba nya lituva nya phaso nya ditshedzo, maphuvbo yatshavbo nya giluvelo, wumbe novba watshavbo a na wu gamela tshinani nya giluvelo. Owu phaso nya ditshedzo.

Levhi 6:20

“Litshigu Aroni ni sanana saye va wumbedwago khu gu thedwa mafura hungoni, moyo ni moyo fanede gu bikela ga Pfhumu Nungungulu dzimhamba nya silo sesi: Gipandre nya efa nya wuguvbi nya gudadatwe, va gira miphaso nya litshigu ni litshigu, va na kabanisa khu vbakari: Gipandre va na ningela vbadzimindrutunu, gimbe gipandre va na ningela gupfolani nya lidambo.

Mitengo 5:15

mwama a na dzega mwangadzi waye gumogo ni mideva miraru nya wuguvbi nya mavbila, nyamba wu thela mafura, ambari libani a mu yisa ga muphasi nya mhamba, kholu ningelo nya wufu, a gu ningelo nya gualakanye sighoho.

Mitengo 7:13

A di ningela mbiya mweyo nya parata, nya gulemele lizana ni magumararu dzisekeli, ginamelo gimwegyo nya parata na giri ni livbandre na mavili magumi dzisekeli mayelano khu sekeli ya wulangani nya guage; satshavbo na si tade khu wuguvbi nya wadi, na wu sugidwe khu mafura, gasi gu gira ningelo nya guhodze;

Luka 2:24

ni guya gira ningelo nya matuva mavili, khonge ni mbaha mwendro sipombana sivili, kha nga guruma nya Nayo wa Pfhumu.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vahebheru 9:22

Khu Nayo, silo satshavbo sa gu agiswa khu novba. Ni sighoho niso sa gu tsetseledwa basi khu gu vbaladzwa nya novba.