Levhi 5:1 - Bhibhiliya Nya Guage

¹ Muthu a gu ranwa vbamahungutunu gasi guya gira wufakazi nya esi a si wonego mwendro a sitigo, aholu a si dzumeli guya fakaza, muthu yoyo a ngu rwala nandru nya gighoho gyogyo;

Levhi 5:1 Iomraidhean Croise

1 Dzipfhumu 22:16

Mufumeli a di mu embela, khuye: “Kala lini na nyi gu gu sambanyisa gukheni, u nga ganeli simbe silo vbavbandze nya lisine khu lina la Pfhumu Nungungulu, na?”

1 Dzipfhumu 8:31

Muthu a gu ghohela muakelane waye, aholu va mu ruma gu gira gisambanyo, uye ata sambanya mbeli nya giluvelo gyago, nyumbani momu,

2 Dzikoronika 18:15

Mufumeli a di mu embela, khuye: “Kala lini na nyi gu gu embela gukheni, u nyi embela silo nya gutshambe khu lina la Pfhumu Nungungulu?”

Dzindzimo 38:4

Kholu mithumo yangu nya guvivbe yi tade, yi langaladza hungo wangu; yi ngu nyi gikha kha nga rwalo nya gulemele.

Ekisodha 22:11

avbovbo gu na vbwetega va vavili va ya mbeli ga Pfhumu Nungungulu, va ya sambanya gasi gu tidwa pwani khaba gifuyo gya muthu kwawe; mune gifuyo a na dzumela gusambanya gogu, kha na mu livbisa gilo.

Mavingu 29:24

Wule a girago wupari ni mbafa a gu venga womi waye, kholu a ngupwa sihoso, aholu kha si pwadzi.

Mavingu 30:9

Gasi gu si giregi gu, nya gu khura ngudzu nyi tshuka nyi gu danga, kheni: “Khu mani Uye Pfhumu Nungungulu wakone?” Kholu nya gu khala gisiwana, nyi phela guba; nyi na nyenyezisa kharati lina la Nungungulu.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Jeremiya 23:10

Kholu litigo li tade khu wubhayi, gambe la gu lila khu kotani nya sighoho, wuhaviseloni gu bangide nyambana mwasi, sirengo kha si nga gu hodza gilo; vathu va gu tutumela gu gira silo nya guvivbe, va dzi gira dzindrena khu sighoho.

Ezekiyeli 18:20

“Muthu a ghohago khuye a yelago gufa; gyanana gima kha gi na nga khala mune nya gighoho gya muvelegi waye, ambari muvelegi nuye kha na mana nandru khu gighoho gya mwanaye. Muthu nya gululame a na hakha gululama gu mu lumbago, uye nyamba lulama a na tsayiswa khu gumba lulama gwaye.”

Ezekiyeli 18:4

Wonani nya gukhenu mihefemulo yatshavbo ya gu lumba eni; hefemulo wa babe gumogo ni wa gyanana ya gu lumba eni. Wule a nga ghohago khuye a nafago.

Levhi 17:16

Aholu, a gumba handza guambala gwaye ni gumba hamba mili waye, a na rwala gulemela nya nandru waye.”

Levhi 19:8

Ni wevbini a na yi hodzago, a na rwala nandru nya guvivbe gwaye, kholu kanyiside esi si phasedwego Pfhumu Nungungulu. Khu guralo, a na fuviswa vbakari nya vathu vaye.

Levhi 20:17

Mwama a gu dzega ndriyaye nya nyamayi, gyanana gya babe waye, mwendro gya mayi waye, a wona wumbwiri waye, nyamayi nuye a wona wumbwiri wa mwama, idzodzo dzitshoni nya dzikhongolo ngudzu, va na songwa na va gu wonwa khu vathu tigoni gwawe; kha nga olu uye a nga funungulago wumbwiri wa hane waye, a na rwala gulemela nya nandru waye.

Levhi 4:2

Ganela ga sanana sa Israyeli, u si embela, khuwe: “Muthu a gu dzipwa na ghohide, nasiri kha gwenye, aholu na giride esi Pfhumu Nungungulu a si himbedzedego gukhuye si nga girwi khu muthu, fanede gu gira, kharati:

Levhi 5:15

“Muthu a gu ghoha, ambari nari a di phazama, a divala gu livba gikhaba nya esi si fanelago guagisedwa Pfhumu Nungungulu, muthu yoyo fanede gu bikela, khu kotani nya nandru waye, matune nya nvuta nyamba hasa yi hathidwego tshambini gwaye. Tengo wakone nya nvuta yoyo, wu na pimwa khu sekeli nya parata ya wulangani nya guage; a nata gira ningelo nya phaso nya gulivbe nandru.

Levhi 5:17

Muthu a gu ghoha khu guphazama, nasiri kha gwenye a gira gilo gimwegyo nya esi si himbedzedwago khu Pfhumu Nungungulu, uye nuye ghohide, gambe a na rwala nandru waye.

Levhi 7:18

Ya gu kala nyama yakone nya phaso wowu yi hodzwa khu muthu, hwane nya gu bani na gu vbindride matshigu mararu, oyu a wu bikelago, gima kha na nga hakha makategwa; phaso waye wu na bani wu nyenyezide, oyu a hodzago nyama yakone a na rwala nandru waye.

Mitengo 9:13

Aholu muthu a gu bani a dzi agiside, na sa endra, a diga gu gira buzo nya Phasika, muthu yoyo a na fuviswa vbakari ga va na gyawe, kholu kha dusa ningelo ga Pfhumu Nungungulu khu gikhati gi vegisidwego; muthu yoyo a na rwala nandru waye abune.

Matewu 26:63

Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.

Valamuli 17:2

a di ganela ga mayi waye, khuye: “Gyuma nya likhumi na limwedo mazana (1.100) singerengere nya parata u nga bani u wandredwe u nga kala u ganela guvivba khu kotani nya igyo, kheni nyi gu nagyo.” Khavbo avbo, mayi waye a di mu embela, khuye: “Pfhumu Nungungulu a na gu kategise, mwanangu.”