Levhi 4:8 - Bhibhiliya Nya Guage

⁸ Khavbo avbo, a na dusa mafura yatshavbo nya gimombyana gi payidwego khu gighoho gyaye, aya ma fumbelago mahembe ni aya ma patanego ni sa ndrani;

Levhi 4:8 Iomraidhean Croise

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Levhi 16:25

A na vbisa gambe vbagiluvelotunu mafura nya sirengo nya phaso nya ditshedzo.

Levhi 4:19

Khavbo avbo, a na dusa mafura yatshavbo nya kuzi a ma vbisa vbavbatshi nya giluvelo,

Levhi 4:20

a na gira kuzi yeyi idzosaye ni idzo a nga girago kuzi nya phaso nya ditshedzo, khu magirelo yoyo va na Israyeli va na ditshedzwa sighoho sawe satshavbo.

Levhi 4:26

A na vbisa mafura yatshavbo vbatshani nya giluvelo, kha nga idzo gu girwago mafura nya phaso nya patano, khavbo avbo, muphasi nya mhamba a na gira mhamba nya ditshedzo khu gighoho gyaye, khu guralo, uye a na tsetseledwa.

Levhi 4:31

Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga mahema nya gunungele gwadi ma salalegisago Pfhumu Nungungulu; khavbo avbo, muphasi nya mhamba a na mu girela phaso nya mhamba nya ditshedzo, giwono gyaye gi na tsetseledwa.

Levhi 4:35

Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga ningelo nya phaso wu vbisedwago Pfhumu Nungungulu. Khu kharati, muphasi nya mhamba a na girela muthu yoyo mhamba nya ditshedzo, uye a na tsetseledwa sighoho a giridego.

Johane 12:27

“Olu hefemulo wangu womo gutshanisekani. Nyi na kheni ginani? Baba, nyi vbulugise ga gikhati gegi nya sitshaniso? Olu a gu iso nyi nga si telago, ke!