Levhi 4:7 - Bhibhiliya Nya Guage

⁷ Khu hwane a na vbaladza wumbe novba avba nya dzikeho nya giluvelo nya libani nya gunungele, gi guromo mbeli ga Pfhumu Nungungulu, ndrani nya Tshatsha nya Tshangano; owu wumbe watshavbo novba nya gimombyana a na wu vbaladza tshinani nya giluvelo nya miphaso nya guvbiswe, gi guromo nyangwatunu nya Tshatsha nya Tshangano.

Levhi 4:7 Iomraidhean Croise

Dzindzimo 118:27

Pfhumu khuye Nungungulu a hi ningago wenengedzo; mburiselani buzo khu matamu, kala dzikhonani nya giluvelo.

Ekisodha 29:12

U na naganisa nyala yago novbani nya gimombyana u todza giluvelo, u vbaladza novba watshavbo vbavbatshi nya giluvelo.

Levhi 1:5

Khu hwane, a na paya gimombyana mbeli ga Pfhumu Nungungulu. Vaphasi nya mhamba, a gu sanana sa Aroni, va na dzega novba wakone va wu bikela ga Pfhumu Nungungulu, va mitegedzela khuwo maphuvbo yatshavbo nya giluvelo, gi guromo vbamwanyatunu nya Tshatsha nya Tshangano.

Levhi 16:18

Khavbo avbo, a na duga a gu hongola giluvelotunu, gi guromo mbeli ga Pfhumu Nungungulu, gasi guya gira avbo phaso nya ditshedzo. A ya dzega novba nya kuzi ni owu nya phongo a wu thela mudzikhehoni nya giluvelo ni wubambe gwatshavbo.

Levhi 4:18

Khu hwane, a na vbaladza wumbe novba mudzikehoni nya giluvelo gi guromo mbeli ga Pfhumu Nungungulu, Tshatshani nya Tshangano. Gasi watshavbo wu na tshalago a na wu vbaladza tshinani nya giluvelo nya phaso nya guvbiswe gi guromo nyangwani nya Tshatsha nya Tshangano.

Levhi 4:25

Khu gulandrela, muphasi nya mhamba a na dzega novba nya gifuyo nya miphaso nya guvbiswe gasi gu handza gighoho, khu nyala a na todza khuwo dzikeho nya giluvelo nya miphaso nya guvbiswe; wumbe novba watshavbo a wu vbaladza tshinani nya giluvelo nya miphaso nya guvbiswe.

Levhi 4:30

Khu gulandrela, muphasi nya mhamba khu nyala a na dzega novba nya gifuyo nya phaso nya ditshedzo a thela dzikehoni nya giluvelo nya miphaso nya guvbiswe, wumbe novba watshavbo a na wu vbaladza tshinani nya giluvelo.

Levhi 4:34

Khu gulandrela, muphasi nya mhamba, khu nyala, a na dusa novbanyana nya gifuyo nya phaso nya ditshedzo a thela dzikehoni nya giluvelo nya miphaso nya guvbiswe; a vbaladza wumbe novba watshavbo tshinani nya giluvelo.

Levhi 5:9

a na mitegedzela novba nya lituva nya phaso nya ditshedzo, maphuvbo yatshavbo nya giluvelo, wumbe novba watshavbo a na wu gamela tshinani nya giluvelo. Owu phaso nya ditshedzo.

Levhi 6:30

Aholu girengo nya miphaso nya ditshedzo, egi novba wakone wu residwego Tshatshani nya Tshangano gasi guta gira mhamba nya guhandze sighoho wulangani nya guage, Nyama yakone, gima yi nga tshuki yi hodzwa; yi na vbiswa yatshavbo niloni.”

Levhi 8:15

Mosi a di paya kuzi a hakhedzela novba wakone, na negide nyala yaye novbani, a di todza dzikeho nya giluvelo khu maphuvbo yatshavbo a gi agisa; khu hwane a di guhula novba watshavbo tshinani nya giluvelo a gi agisa gasi gu ningela avbo phaso nya gulivbe nandru nya gighoho.

Levhi 9:9

Sanana saye si di mu resela novba, a gu nega umo nyala a mitegedzela dzikeho nya giluvelo; wumbe novba watshavbo a wu vbaladza tshinani nya giluvelo.

Vaefeso 2:13

Gasi olu, enu gale mu nga bani muri hwindzo ni Kristo, mu hidzimisidwe vbafuvbi khu mhamba nya Novba wa Kristo.

Vahebheru 9:15

Khu kotani nya isoso, Kristo khuye mutshanganisi nya gidzumeledzwano nya giphya, gasi vale va nga ranwa khu Nungungulu va hakhe makategwa nya gupindruge, aya Nungungulu a nga tumbisago. Esi si ngu girega khu kotani nya gufe gwaye gu nga vbulugisago vathu mugighohoni va giridego na gi nga gu thuma gidzumeledzwano nya guhegule.

Vahebheru 9:21

Khu magirelo ya mamowo, Mosi a di mitegedzela novba nyumba nya miphaso ni sombo satshavbo si thumelago miphaso.

Gutuledwa 6:9

Gikhati yi nga namula gifungo nya livbandre, nyi di wona vbavbatshi nya giluvelo mihefemulo ya vale va nga songwago khu kotani nya gutivise mahungu ya Nungungulu ni gu ma fakaza khu mavbanyelo yawe.