Levhi 4:6 - Bhibhiliya Nya Guage

⁶ a na nega nyala novbani, khu novba wowo a na mitegedzela livbandre na dzimbili dzinyondro, mbeli ga Pfhumu Nungungulu, na khedzane ni mwendra wa makhuvini nya Wulanga nya Guage.

Levhi 4:6 Iomraidhean Croise

Ekisodha 40:21

Va di rwala ngasa va gu yi bedza wulangani nya guage, va vbayega myendra nya makhuvi, gasi gu bhiya Ngasa nya Gidzumeledzwano kha nga idzo Pfhumu Nungungulu a nga mu leletelago khidzo Mosi.

Ekisodha 40:26

A di vega giluvelo nya ndralama Tshatshani nya Tshangano mbeli nya mwendra nya makhuvi.

Levhi 14:16

Khavbo avbo, muphasi nya mhamba a na nega nyala yaye nya mandza ya nyamudye gwaye umo nya mafura ma guromo gyandzani gya nyambade a mitegedzela khu nyala livbandre na guvili mbeli ga Pfhumu Nungungulu.

Levhi 14:18

Mafura yatshavbo ma na tshalago mandzani ga muphasi nya mhamba, a na ma thela hungoni gwa oyu a agiswago.

Levhi 14:27

Khu hwane muphasi a na nega nyala nya mandza ya nyamudye a mitegedzela khu mafura a gu nawo gyandzani gya nyambade livbandre na guvili mbeli ga Pfhumu Nungungulu;

Levhi 14:7

Khavbo avbo, a na mitegedzela livbandre na dzimbili dzinyondro wule a agiswago madwali nya sokono, a tivisa gukhuye agide. Khu guhegisa a na tshula ginyoni nya guvbanye gi vbuvba.

Levhi 16:14

A na dzega novba wudugwana nya kuzi a mitegedzela khu nyala phuvbo ga Khugadambo nya gikhalo nya wuhindzi; khu nyala yaye, a na mitegedzela novba livbandre na guvili, mbeli nya gikhalo nya wuhindzi.

Levhi 16:19

Khu nyala yaye a na mitegedzela novba vbagiluvelotunu livbandre na guvili a gi kategisa ni gu gi handza gunyenyeza gwatshavbo gwa sanana sa Israyeli, gasi gu gi agisa.

Levhi 25:8

U na saya livbandre na dzimbili dzisemana nya myaga, khu gu khethu, livbandre na sivili sighava nya livbandre na mivili myaga, livbandre na mivili myaga yi wuyedzedwa livbandre na guvili; u tshanganisa kharati gipimo nya magumana na livbandre na mina myaga.

Levhi 26:18

Ambari khu satshavbo sesi mwa gumba nyi yingisani, nyi na simama gu mi tsayisa livbandre na dzimbili dzinyondro khu kotani nya sighoho sanu.

Levhi 26:24

Eni neni nyi na hambana nanu nyi mi tsayisa khu gu wuyelela livbandre na dzimbili dzinyondro khu kotani nya sighoho sanu.

Levhi 26:28

Eni nyi na mi wugela khu likhulo, nyi mi tsayisa livbandre na dzimbili dzinyondro khu kotani nya sighoho sanu.

Levhi 4:17

A na nega nyala novbani, a mitegedzela khu novba wowo livbandre na dzimbili dzinyondro mbeli ga Pfhumu Nungungulu na khedzane ni mwendra nya makhuvi nya Wulanga nya Guage.

Levhi 4:25

Khu gulandrela, muphasi nya mhamba a na dzega novba nya gifuyo nya miphaso nya guvbiswe gasi gu handza gighoho, khu nyala a na todza khuwo dzikeho nya giluvelo nya miphaso nya guvbiswe; wumbe novba watshavbo a wu vbaladza tshinani nya giluvelo nya miphaso nya guvbiswe.

Levhi 4:30

Khu gulandrela, muphasi nya mhamba khu nyala a na dzega novba nya gifuyo nya phaso nya ditshedzo a thela dzikehoni nya giluvelo nya miphaso nya guvbiswe, wumbe novba watshavbo a na wu vbaladza tshinani nya giluvelo.

Levhi 4:34

Khu gulandrela, muphasi nya mhamba, khu nyala, a na dusa novbanyana nya gifuyo nya phaso nya ditshedzo a thela dzikehoni nya giluvelo nya miphaso nya guvbiswe; a vbaladza wumbe novba watshavbo tshinani nya giluvelo.

Levhi 8:11

A di mitegedzela khayo livbandre na dzimbili dzinyondro vbagiluvelotunu a gi kategisa gumogo ni sombo saye satshavbo, mbiya ni girandro gyaye, a si agisa.

Levhi 8:15

Mosi a di paya kuzi a hakhedzela novba wakone, na negide nyala yaye novbani, a di todza dzikeho nya giluvelo khu maphuvbo yatshavbo a gi agisa; khu hwane a di guhula novba watshavbo tshinani nya giluvelo a gi agisa gasi gu ningela avbo phaso nya gulivbe nandru nya gighoho.

Levhi 9:9

Sanana saye si di mu resela novba, a gu nega umo nyala a mitegedzela dzikeho nya giluvelo; wumbe novba watshavbo a wu vbaladza tshinani nya giluvelo.

Mitengo 19:4

Muphasi nya mhamba Eleyazari, a na dzega novba wakone, a wu mitegedzela khu nyala yaye mbeli nya Tshatsha nya Tshangano, livbandre na dzimbili dzinyondro.

Josuwa 6:4

Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.

Josuwa 6:8

Na nga gu vbedza gu ganela Josuwa, livbandre na vavili vaphasi nya mhamba va nga bani vari ni livbandre na mivili mipundru va di phela gu gimbila vaya mbeli ga Pfhumu Nungungulu na va gu womba mipundru; Ngasa ya Pfhumu Nungungulu na yi gu landra khu hwane.