Levhi 4:5 - Bhibhiliya Nya Guage

⁵ Khu gulandrela, muphasi nya mhamba a todzidwego mafura a na dzega novba nya gimombyana gi payidwego a bela nawo Tshatshani nya Tshangano;

Levhi 4:5 Iomraidhean Croise

Levhi 16:14

A na dzega novba wudugwana nya kuzi a mitegedzela khu nyala phuvbo ga Khugadambo nya gikhalo nya wuhindzi; khu nyala yaye, a na mitegedzela novba livbandre na guvili, mbeli nya gikhalo nya wuhindzi.

Levhi 16:15

Hwane nya ugo, a na paya nyamabhongwe nya phaso nya ditshedzo khu kotani nya gighoho gya vathu, a dzega novba wakone a bela nawo wulangani nya guage ndrani nya mwendra nya makhuvi, a gira khu novba wowo idzosaye ni edzi a nga girago khu novba nya kuzi; a mitegedzela vbatshani nya gikhalo nya wuhindzi ni mbeli gakone.

Levhi 16:19

Khu nyala yaye a na mitegedzela novba vbagiluvelotunu livbandre na guvili a gi kategisa ni gu gi handza gunyenyeza gwatshavbo gwa sanana sa Israyeli, gasi gu gi agisa.

Levhi 4:3

Oyu a nga ghohago, a gu bani ari muphasi nya mhamba a agisidwego, girede libango vathu vatshavbo, khu kotani nya gughohe gwaye, a na bikela ga Pfhumu Nungungulu ningelo nya gimombyana nyamba hasa, a gira mhamba nya ditshedzo

Levhi 6:23

Khu kharati ningelo wa muphasi nya mhamba wu fanede gu vbiswa watshavbo, gimwalo gi na hodzwago avbo nya miphaso yeyi.”

Mitengo 19:4

Muphasi nya mhamba Eleyazari, a na dzega novba wakone, a wu mitegedzela khu nyala yaye mbeli nya Tshatsha nya Tshangano, livbandre na dzimbili dzinyondro.

1 Johane 1:7

Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.