Levhi 4:32 - Bhibhiliya Nya Guage

³² Aholu, a gu bikela ningelo nya phaso nya ditshedzo, khu nvuta a na dusa ngadzi nyamba hasa.

Levhi 4:32 Iomraidhean Croise

Ekisodha 12:3

Embelani tshangano watshavbo wa Israyeli, khenu: Khu litshigu nya likhumi nya ngima yoyu, muthu ni muthu a na duse tshambini wu lumbago ngamo yaye: Nvuta mweyo khu ndranga ni ndranga.

Ekisodha 12:5

Guvbwetega nvutana mweyo mwendro giphongwana nyamba hasa, nya matune, gya tshambini, nya mwaga moyo basi.

Isaya 53:7

Uye a di tshaniswa a pwiswa wuvi, aholu, a di dzi thesa vbavbatshi, nyamba tula likana; gu fanana ni nvuta yi yiswago gusongwatunu, ni nvuta yi degulago gikhati va yi gayago mawoya; uye nuye kha nga tula likana.

Levhi 1:3

A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa, a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu.

Levhi 4:28

A gu tugudziswa gighoho a giridego, a na resa mhamba nya phongo nya ngadzi nyamba hasa, gasi gu handzwa gighoho a giridego.

Levhi 5:6

Khavbo avbo, a na ningela ga Pfhumu Nungungulu mhamba khu gighoho a giridego, nvuta nya ngadzi mwendro phongo nya ngadzi, gasi gu tsetseledwa sighoho saye; khu guralo, muphasi nya mhamba, a na mu girela mhamba nya guhandze giwono gyaye.

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Johane 1:36

Na khuside maho a khedza Jesu a nga bani a guvbindra, a di khuye: “Kha mu yi woni yile Nvutana ya Nungungulu.”

Vaefeso 5:27

Khu magirelo yaya, a dzi dongisede abune libandla nya gungangamele nyambana livala, nyambana dzikonye mwendro gimbe gilo nya nga isoso; libandla nya guage nyambana gusolega.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.

Vahebheru 9:14

A gu bani ari guralo, nga pimisani edzi novba wa Kristo wu gu wukhongolo khidzo! Uye, khu tshivba nya Liphuvbo nya gupindruge, a dzi ningede ga Nungungulu kha nga mhamba yi vbeledego. Novba waye wa gu hi handza khu ndrani, wu dusa mithumo yathu nya gufe. Gasi hi kodza gu thumela Nungungulu a vbanyago.

1 Pedro 2:22

Uye gima kha gira giwono, gambe mwalo a mu pwidego na gu ganela guvivba khu kanani gwaye.

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.

Gutuledwa 5:6

Khavbo avbo, nyi di wona Nvutana na yi emide, vbakari nya gikhalo nya wufumu, nga khwatshi yi di songwa, na yi randredwe khu sirengo sile sa sina ni madhota. Yidiri ni livbandre na dzimbili dzikheho, ni livbandre na mavili maho, a gu livbandre na mavili Maphuvbo ya Nungungulu ma rumedwego mafuni gwatshavbo.