Levhi 4:3 - Bhibhiliya Nya Guage

³ Oyu a nga ghohago, a gu bani ari muphasi nya mhamba a agisidwego, girede libango vathu vatshavbo, khu kotani nya gughohe gwaye, a na bikela ga Pfhumu Nungungulu ningelo nya gimombyana nyamba hasa, a gira mhamba nya ditshedzo

Levhi 4:3 Iomraidhean Croise

2 Dzikoronika 29:21

A di rumela gu reswa livbandre na dzimbili dzikuzi nya simombyana, livbandre na dzimbili dzihamba, livbandre na dzimbili dzinvuta ni livbandre na vavili vanyamabhongwe, gasi guya gira miphaselo nya guduse sighoho nya mufumo, nya Wulanga nya Guage ni sa na Judha; mufumeli a di leletela vaphasi nya mhamba, nya linyumba la Aroni, gasi va si paya vbagiluvelotunu gya Pfhumu Nungungulu.

Ezira 8:35

Avo va nga wuyago khu wugumbitunu, vathu va nga velegedwa wugumbitunu, va di ningela miningelo nya guvbiswe ga Nungungulu wa na Israyeli, livbandre na mana magumi ni livbandre na mweyo (96) dzihamba, livbandre na mavili magumi ni livbandre na dzimbili (77) dzinvutana ni likhumi na vavili vanyamabhongwe, gasi gu gira mhamba nya ditshedzo, satshavbo si vbisedwa Pfhumu Nungungulu.

Ekisodha 29:14

Aholu nyama nya gimombyana, ni lidowo lakone, ni swanyi wakone u na ya si vbisa vbavbandze nya lizumbo. Eyi i mhamba nya guhandze sighoho.

Ekisodha 29:21

U na dzega novba wu na bani wuri vbatshani nya giluvelo ni mafura nya gutodze u mitedzela Aroni ni guambala gwaye, ni sanana saye ni guambala gwawe navo. Khu kharato, Aroni ni guambala gwaye a na agiswa; sanana saye ni guambala gwawe si na agiswa niso.

Ekisodha 29:7

U na dzega mafura nya gutodze u guhula hungoni gwaye, u mu todza.

Ekisodha 30:10

“Aroni a na gira milayo nya guagise dzikeho nya giluvelo, gumogo khu mwaga; khu litshigu nya mhamba nya guhandze siwono, a na todza dzikeho nya giluvelo khu novba nya girengo gi payedwago gu handza sighoho, khidzo kharati gi na agiswago khidzo giluvelo khu situgulwana ni situgulwana. Giluvelo gegi gi na bani gi agide ngudzu mahoni gwa Pfhumu Nungungulu.”

Ezekiyeli 40:39

Vbalidimbatunu nya mwanya gu diromo dzimeza dzimbili khu eno ni eno, avbo gu nga bani gu songedwa avbo sirengo nya miphaso nya guvbiswe, miningelo ni mihengo nya lombe guhandzwa sighoho.

Ezekiyeli 43:19

Vaphasi nya mhamba va na Levi, nya linyumba la Sadhoki, khavo va dzi kodzago gu hidzimela avbo gwangu, gasi gu nyi thumela, a ngu ganela Mune Pfhumu Nungungulu. U na ningela gwawe gimombyana gasi gu gira phaso nya guhandze sighoho.

Ezekiyeli 44:27

Litshigu uye a na belago Wulangani nya Guage, likupakupani la ndrani, gasi guya thuma umo, muphasi nya mhamba, a na ningela phaso waye nya guditshedzwe sighoho; a ngu ganela Mune Pfhumu Nungungulu.”

Levhi 1:10

A gu bani ningelo nya phaso nya guvbiswe wuri wa girengo nya gidugwana, nvuta mwendro phongo, gu vbwetega matune nyamba hasa.

Levhi 1:3

A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa, a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu.

Levhi 16:11

Aroni a na bikela kuzi khu phaso nya ditshedzo khu sighoho saye, a na gira nayo nya gulivbe nandru khu uye mune ni ndranga yaye. Khavbo avbo, a na paya kuzi a gira phaso nya mhamba khu sighoho saye.

Levhi 16:3

Aroni a na bela wulangani nya guage ngudzu, nari ni esi: Kuzi nya phaso nya ditshedzo ni nvuta nya phaso nya guvbiswe.

Levhi 16:5

A na hakha dziphongo dzimbili nya vamabhongwe a na ningwago khu tshangano nya sanana sa Israyeli gasi gu gira phaso nya ditshedzo ni hamba nya phaso nya guvbiswe.

Levhi 16:6

Aroni a na phela khu gu dusa kuzi, a gira phaso nya ditshedzo a dzi agisa uye mune, a agisa ni ndranga yaye.

Levhi 4:14

Gikhati gighoho va giridego gi na tugudwago, tshangano wu na bikela ningelo nya ditshedzo khu gimombyana nya kuzi va gi resa mbeli nya Tshatsha nya Tshangano.

Levhi 4:23

Avbo gi na tugudwago gighoho a giridego, a na resa nyamabhongwe nyamba hasa gasi gu gira khuye phaso.

Levhi 4:28

A gu tugudziswa gighoho a giridego, a na resa mhamba nya phongo nya ngadzi nyamba hasa, gasi gu handzwa gighoho a giridego.

Levhi 4:5

Khu gulandrela, muphasi nya mhamba a todzidwego mafura a na dzega novba nya gimombyana gi payidwego a bela nawo Tshatshani nya Tshangano;

Levhi 5:6

Khavbo avbo, a na ningela ga Pfhumu Nungungulu mhamba khu gighoho a giridego, nvuta nya ngadzi mwendro phongo nya ngadzi, gasi gu tsetseledwa sighoho saye; khu guralo, muphasi nya mhamba, a na mu girela mhamba nya guhandze giwono gyaye.

Levhi 6:18

Sa gu lumba gu hodzwa basi khu sanana nya vama sa Aroni: Egi gilawulo gi ningedwago khu nayo ga sanana sanu avbo nya miningelo nya miphaso yi vbisedwago Pfhumu Nungungulu. Owu nayo wa gu hunga enu ni situgulwana sanu kala gupindruga. Muthu watshavbo a na khumbago guhodza gogu a na agiswa.

Levhi 8:12

Khu hwane a di guhula mafura nya gutodze hungoni ga Aroni, a mu agisa.

Levhi 9:2

a embela Aroni, khuye: “Dzega gikuzyana u ta ninga ningelo nya phaso nya ditshedzo, ni nvuta nya guta gire ningelo nya phaso nya guvbiswe, sirengo sa sivili, gu vbwetega nyamba hasa, gasi uta si bikela ga Pfhumu Nungungulu.

Levhi 9:3

U na embela sanana sa Israyeli, khuwe: Dzegani nyamabhongwe mu gira mhamba nya gu ditshedzwe siwono, ni gikuzyana mwendro nvuta nya mwaga moyo, satshavbo gu vbwetega nyamba hasa, gasi gu gira ningelo nya phaso nya guvbiswe;

Mitengo 16:22

Aholu avo va di thega vbavbatshi khu khovbe va ganela, khavo: “Ama Nungungulu, Nungungulu nya maphuvbo ya vathu vatshavbo! Muthu moyo basi a ghohidego, ina U na gorogela tshangano watshavbo, gani?”

Mitengo 8:8

Khavbo avbo, va na resa gimombyana gumogo ni ningelo nya guhodze nya wuguvbi nya wadi, nya gusugwe khu mafura; u na dzega gimbe gimombyana gasi gu gira phaso nya guditshedzwe sighoho.

Varoma 8:3

Nungungulu kodzide gu gira iso Nayo wu nga si tandrega khu gu vbungudwa tshivba khu tumbunugo nya wuthu. Uye konide gighoho ndrani nya tumbunugo nya muthu, khu gu hi rumela Mwanaye, a dzudego khu tumbunugo nya idzosaye ni tumbunugo nya muthu nya gighohi. Kharato Nungungulu pade gighoho.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vahebheru 5:3

Khu guralo, gu vbwetega a ningela dzimhamba, nasiri khu sighoho nya vathu basi, aholu, khu esi saye nuye.

Vahebheru 9:12

Kristo kha bela Wulangani nya Guage Ngudzu na pharide novba nya dziphongo ni dzimombe, aholu, a di ningela Novba waye, a hi resela kharato guvbanya nya gupindruge.