Levhi 4:21 - Bhibhiliya Nya Guage

²¹ Khu hwane a na dzega kuzi a duga nayo vbavbandze nya lizumbo, aya yi vbisa avba a vbisidego iyo nya guphele. Owu ningelo nya phaso nya guhandze gighoho nya tshangano.

Levhi 4:21 Iomraidhean Croise

Ezira 8:35

Avo va nga wuyago khu wugumbitunu, vathu va nga velegedwa wugumbitunu, va di ningela miningelo nya guvbiswe ga Nungungulu wa na Israyeli, livbandre na mana magumi ni livbandre na mweyo (96) dzihamba, livbandre na mavili magumi ni livbandre na dzimbili (77) dzinvutana ni likhumi na vavili vanyamabhongwe, gasi gu gira mhamba nya ditshedzo, satshavbo si vbisedwa Pfhumu Nungungulu.

Ekisodha 29:14

Aholu nyama nya gimombyana, ni lidowo lakone, ni swanyi wakone u na ya si vbisa vbavbandze nya lizumbo. Eyi i mhamba nya guhandze sighoho.

Ezekiyeli 45:22

Khu litshigu lolo la limwedo, mufumeli khu uye, gumogo ni vathu vatshavbo va mafuni, a na dongisela lirole nya gugire khilo phaso waye, uye gumogo ni wa vathu vatshavbo va tigoni, gasi gu gira phaso nya guhandze sighoho.

Levhi 16:15

Hwane nya ugo, a na paya nyamabhongwe nya phaso nya ditshedzo khu kotani nya gighoho gya vathu, a dzega novba wakone a bela nawo wulangani nya guage ndrani nya mwendra nya makhuvi, a gira khu novba wowo idzosaye ni edzi a nga girago khu novba nya kuzi; a mitegedzela vbatshani nya gikhalo nya wuhindzi ni mbeli gakone.

Levhi 16:21

Aroni a na handzega mandza yaye ya mavili hungoni nya nyamabhongwe wu vbanyago a dawulela vbatshani nya phongo yeyi guvivba gwatshavbo ga sanana sa Israyeli, gumba khodwa gwawe ni sighoho sawe, a vega kharati satshavbo hungoni nya nyamabhongwe; khu gu hegisa wu na rumedwa giwulani, wu vbelegedzwa khu mwama a emisidwego gu thuma thumo yoyo.

Levhi 16:27

Aholu kuzi ni nyamabhongwe nya phaso nya ditshedzo, novba wakone wu residwego makhuvini nya guage, gasi gu agisa, si na yiswa vbavbandze nya lizumbo, gu na vbiswa iyo lidowo ni nyama ni swanyi wakone.

Levhi 4:13

A gu bani ari tshangano watshavbo nya vathu va na Israyeli va ghohidego khu guphazama, nasiri kha gwenye, va gira gilo gimwegyo gi himbedzedwago khu Pfhumu Nungungulu, va na mana nandru khu guralo.

Levhi 4:20

a na gira kuzi yeyi idzosaye ni idzo a nga girago kuzi nya phaso nya ditshedzo, khu magirelo yoyo va na Israyeli va na ditshedzwa sighoho sawe satshavbo.

Levhi 6:11

Khavbo avbo, a na tshula dzingandzu, a gu ambala dzimbe, gasi gu rwala nguma a duga nawo vbavbandze nya lizumbo, aya wu vbaladza wulangani wu agidego.

Levhi 6:23

Khu kharati ningelo wa muphasi nya mhamba wu fanede gu vbiswa watshavbo, gimwalo gi na hodzwago avbo nya miphaso yeyi.”

Levhi 8:17

Aholu kuzi, ni lidowo, ni nyama ni swanyi wakone a diya si vbisa vbavbandze nya lizumbo kha nga idzo Pfhumu Nungungulu a leletedego khidzo Mosi.

Mitengo 15:24

khu guralo, mwa gu bani mu ghohide khu wuhangi, tshangano wu si dziti, tshangano watshavbo wu na dusa ningelo nya guvbiswe khu gimombyana gasi gu khala mahema nya gunungele nya gu tsakise Pfhumu Nungungulu, ni ningelo nya iso nya guhodzwe, ni ningelo nya wadwa, kha nga nayo wakone; tshangano wu na ningela nyamabhongwe gasi gu khala phaselo nya gu ditshedzwe sighoho.

Matewu 20:28

Kholu Mwamana wa Muthu nuye kha tela guta thumedwa, aholu guta thumela ni gu ningela womi waye gasi gu dzegisa va nya gutala.”

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vahebheru 13:11

Kholu muphasi nya khongolo nya mhamba, a gu bela makhuvini nya Wulanga nya Guage Ngudzu, na pharide novba nya sirengo gasi guya ningela mhamba nya guhandze sighoho, aholu sirumbi sakone nya sirengo si vbiswa vbavbandze nya lizumbo.