Levhi 4:15 - Bhibhiliya Nya Guage

¹⁵ Madhota nya tshangano wa na Israyeli ma na handzega mandza hungoni nya kuzi, va yi paya avbo vbale mbeli ga Pfhumu Nungungulu.

Levhi 4:15 Iomraidhean Croise

2 Dzikoronika 29:23

Va di resa gambe vanyamabhongwe gasi guta gira mhamba nya gighoho mbeli ga mufumeli, ni mbeli nya tshangano, vatshavbo va di handzega mandza vbatshani nya sirengo.

Ekisodha 24:1

Nungungulu a di embela Mosi, khuye: “Lita ga Pfhumu Nungungulu wago, uwe, Aroni, Nadhabhi, Abhiyu gumogo ni vale nya livbandre na mavili magumi madhota ya Israyeli; mu ta khidzima khu hwindzo.

Ekisodha 24:9

Mosi, Aroni, Nadhabhi, Abhiyu gumogo ni livbandre na mavili magumi madhota ya Israyeli va di lita gigomoni,

Levhi 1:3

A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa, a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu.

Levhi 1:4

Khavbo avbo, a na handzega mandza yaye hungoni nya gifuyo nya miphaso nya guvbiswe, gasi mhamba yi hakhwe gwadi, a kodza gu mana gutsetseledwa sighoho saye.

Levhi 16:21

Aroni a na handzega mandza yaye ya mavili hungoni nya nyamabhongwe wu vbanyago a dawulela vbatshani nya phongo yeyi guvivba gwatshavbo ga sanana sa Israyeli, gumba khodwa gwawe ni sighoho sawe, a vega kharati satshavbo hungoni nya nyamabhongwe; khu gu hegisa wu na rumedwa giwulani, wu vbelegedzwa khu mwama a emisidwego gu thuma thumo yoyo.

Levhi 4:16

Khu gulandrela, muphasi nya mhamba a todzidwego mafura a na dzega wumbe novba nya kuzi a gu bela nawo Tshatshani nya Tshangano.

Levhi 4:4

A na dzega gimombyana aya gi bikela nyangwatunu nya Tshatsha nya Tshangano, mbeli ga Pfhumu Nungungulu, a na gi handzega mandza hungoni; a hegisa a gi paya mbeli ga Pfhumu Nungungulu.

Levhi 8:14

Khu gulandrela a di ruma gu hidzimisa kuzi nya phaso nya ditshedzo, Aroni ni sanana saye, va di handzega mandza hungoni nya kuzi.

Levhi 8:18

A di ruma va hidzimisa nvuta nya miphaso nya guvbiswe, Aroni ni sanana saye va di yi handzega mandza hungoni.

Levhi 8:22

Khu gulandrela a di ruma gukhuye va hidzimisa nvuta nya wuvili, a gu nvuta nya phaso nya guwumbele vaphasi nya mhamba. Aroni ni sanana saye va di yi handzega mandza hungoni.

Mitengo 11:16

Pfhumu Nungungulu a di embela Mosi, khuye: “Nyi hathele livbandre na mavili magumi vama, avo u vatigo vari madhota vbakari ga va na Israyeli, va kodzago gulamula mahungu, u va resa vbafuvbi ni Tshatsha nya Tshangano, u ya ema gumogo navo.

Mitengo 11:25

Khavbo avbo, Pfhumu Nungungulu a di tshiga vbalipfhitunu, a ta ganela ni Mosi; khu guralo a di vbungula Liphuvbo li nga bani liri avbo gwaye, a li thela ga vale nya livbandre na mavili magumi madhota; Gikhati Liphuvbo nya Guage li nga mbakago gwawe, avo va di profeta, aholu kha va nga engedza gambe gu profeta hwane nya litshigu lile.

Mitengo 8:10

Avbo u na bani u hidzimiside va na Levhi mbeli ga Pfhumu Nungungulu, va na Israyeli va na handzega mandza vbatshani gwawe.

Mitengo 8:12

Va na Levhi va na handzega mandza yawe vbatshani nya simombyana. Uwe u na paya gimwegyo gasi gu gira phaso nya gutsetseledwe sighoho; gasi egi gimbe gi na girwa phaso nya guvbiswe ga Pfhumu Nungungulu, gasi va na Levhi va ditshedzwa sighoho.