Levhi 3:6 - Bhibhiliya Nya Guage

⁶ Muthu a guya bikela ga Pfhumu Nungungulu ningelo nya phaso nya patano khu girengo nya gidugwana, fanede gu hatha matune mwendro ngadzi nyamba hasa.

Levhi 3:6 Iomraidhean Croise

Isaya 60:7

Mitshambi yatshavbo nya dzinvuta dza Kedhari, yi nata tombana avbo gwago. Dzihamba dzatshavbo dza Nebhayoti, dzi na gu lumba; dzi na khala ningelo nya gutsakise vbagiluvelotunu gwangu. Eni nyi na mburisa wugulu nya Nyumba yangu nya miphaso.

Levhi 1:10

A gu bani ningelo nya phaso nya guvbiswe wuri wa girengo nya gidugwana, nvuta mwendro phongo, gu vbwetega matune nyamba hasa.

Levhi 1:2

“Ganela ga vathu va na Israyeli, u va embela, khuwe: Muthu wa na gyanu a gu vbweta gu resa ningelo nya phaso ga Pfhumu Nungungulu, mu ngu kodza gu hatha mhamba vbakari nya sifuyo sa tshambini gwanu, nya mombe mwendro nya nvuta a ningela khigyo.”

Levhi 19:5

Mwa guta ningelani ga Pfhumu Nungungulu phaso nya pwanano, ningelani khu gugola gwanu, gasi mu kodza guhakhwa.

Levhi 22:20

Mu nga ningelini khu gifuyo nya guhase, kholu kha mu na hakhwa khu phaso nya gugire kharato.

Levhi 23:19

Mu na ningela mabhongwe nya phaso nya guhandze sighoho, ni sinvutana sivili nya mwaga moyo, mu gira ningelo nya pwanano.

Mitengo 15:5

u na thela gipandre nya wu na nya deva nya vbinyu, khu nvuta u na songago nya phaselo nya guvbiswe mwendro nya guhodzwe.

Mitengo 6:14

uye a na ningela ningelo waye ga Pfhumu Nungungulu, a gu gihambana nya mwaga moyo nyambana livala, gasi gu gira phaso nya guvbiswe, ni ginvutana nya mwaga moyo nyambana livala, gasi gu tsetseledwa sighoho, ni hamba gasi gu gira phaselo nya gurule.

Mithumo 4:27

Khidzo khu lisine, Pontiyo Pilato ni Herodhi, gumogo ni va nya mayigo ni mahundzu yatshavbo ya Israyeli va hengede gumogo dhoropani momu, va gu wugela githumi gyago nya gukatege, Jesu u nga mu todzago mafura nya wufumu,

Vagalatiya 3:28

Khavbo avbo, olu gumwalo gambe guhambana Vajudha ni va nya mayigo, dzikhumbi ni va nya gutshulega; vama ni vanyamayi. Enu mwatshavbo mu moyo basi khu gu hengela gumogo ni Kristo.

Vagalatiya 4:4

Aholu, gutadzisegani nya matshigu, Nungungulu a di hi rumela Mwamana Waye a nga velegwa khu nyamayi, a velegedwa vbavbatshi nya Nayo nya Vajudha;

Vaefeso 1:10

gukhuye si girege gutadzisegani nya matshigu: Gutshanganisa silo satshavbo si guromo Ndzadzini ni esi si guromo mafuni, a emisa Kristo kha nga hungo ni muthangeli.