Levhi 3:5 - Bhibhiliya Nya Guage

⁵ Vaphasi nya mhamba, sanana sa Aroni, va na vbisa satshavbo vbatshani nya giluvelo, gumogo ni phaso nya guvbiswe wu handzegidwego vbatshani nya dzikhuni dzi guromo niloni; Owu ningelo nya phaso nya guvbiswe nya gunungele gwadi wu salalegisago Pfhumu Nungungulu.

Levhi 3:5 Iomraidhean Croise

1 Dzipfhumu 8:64

Khu litshigu la limwedo, mufumeli a di agisa gambe wulanga wa vbakari ni vbakari, mbeli nya Nyumba ya Pfhumu Nungungulu; khavbo a nga ningelago avbo miningelo nya guvbiswe ni miningelo nya gurule, nya mafura nya sirengo, kholu giluvelo nya sugu gi nga bani giri mbeli ga Pfhumu Nungungulu, gi diri gidugwana ngudzu, wulanga wu si eneligo gu gira avbo miphaselo nya guvbiswe ni miningelo nya dzimbewu ni mafura nya miphaselo nya gurule.

2 Dzikoronika 35:14

Khu hwane, va di dongisela iso si nga bani si gu vbwetega gwawe ni ga vaphasi nya mhamba, kholu vaphasi nya mhamba, nya sanana sa Aroni, va di dzi ningela gu thuma kala ni wutshigu thumoni nya miphaso nya guvbiswe, niyo nya mafura; khu guralo, va na Levhi va di dongisela nyama yawe ni ya vaphasi nya mhamba va na Aroni.

Ekisodha 29:13

U na dzega gambe mafura yatshavbo aya mafumbelago mahembe, ni gifumbelo nya libindri, ni dzitshwa dza dzimbili gumogo ni mafura yakone u si vbisa satshavbo vbatshani nya giluvelo.

Ezekiyeli 44:15

Aholu, vaphasi nya mhamba va na Levhi, a gu sanana sa Sadhoki, va nga sayisa wulanga wangu nya guage, gikhati va na Israyeli va nga bani va si theli kota khu eni, avo va di hidzimela gwangu va ta nyi thumela, va na ema mbeli gwangu, gasi gu nyi girela miphaso nya mafura ni novba; a ngu ganela Mune Pfhumu Nungungulu.

Ezekiyeli 44:7

Gu diga nya yimbe mithumo yago nya wuyeyisi, u reside va nya mayigo nyamba hana wugwera, va si khathaligo khu Eni, va ta bela wulangani gwangu nya miphaso, gasi va nyenyezisa nyumbani gwangu, gikhati mu ningelago guhodza, mafura ni novba; khu kharato enu mu di fanyani gidzumeledzwano gyangu khu guvivba gwanu gwatshavbo.

Levhi 1:13

Aholu muphasi nya mhamba a na phela khu gu handza mahembe ni dzizondzo matini, a vbedza a vbisa satshavbo vbagiluvelotunu; khuwo phaso nya guvbiswe, ningelo nya guvbiswe nya gunungele gwadi wu salalegisago Pfhumu Nungungulu.

Levhi 1:17

Khavbo avbo, muphasi nya mhamba a na hapfha ginyoni khu vbakari ni vbakari nya mambapi nyamba gi tshapula, a gi vbisa vbagiluvelotunu vbatshani nya dzikhuni dzi guromo niloni; khuwo phaso nya guvbiswe, ningelo nya gunungele gwadi wu salalegisago Pfhumu Nungungulu.”

Levhi 1:9

Aholu mahembe ni dzizondzo, si na hegula khu gu handzwa khu mati, khavbovbo, muphasi nya mhamba, a na vbisa satshavbo vbatshani nya giluvelo, khiyo mhamba nya gunungele gwadi yi salalegisago Pfhumu Nungungulu.

Levhi 3:11

Muphasi nya mhamba a na vbisa satshavbo vbatshani nya giluvelo. Ogu guhodza nya ningelo nya phaso wu vbisedwago Pfhumu Nungungulu.

Levhi 3:4

gumogo ni dzitshwa dzatshavbo dza dzimbili ni mafura ma dzi fumbelago, ni mafura ya vbalongotunu ni aya ma fumbelago libindri, ma na duswa yatshavbo gumogo ni dzitshwa.

Levhi 4:31

Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga mahema nya gunungele gwadi ma salalegisago Pfhumu Nungungulu; khavbo avbo, muphasi nya mhamba a na mu girela phaso nya mhamba nya ditshedzo, giwono gyaye gi na tsetseledwa.

Levhi 4:35

Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga ningelo nya phaso wu vbisedwago Pfhumu Nungungulu. Khu kharati, muphasi nya mhamba a na girela muthu yoyo mhamba nya ditshedzo, uye a na tsetseledwa sighoho a giridego.

Levhi 6:12

Nilo wa vbagiluvelotunu guvbwetega wu dzura gikhati gyatshavbo nyamba tshimega. Muphasi nya mhamba a na engedzela dzikhuni matshigu yatshavbo dzimindrudzile, a handzega vbatshani gakone miphaso nya guvbiswe, a vbisa mafura nya mhamba nya pwanano.

Levhi 7:28

Pfhumu Nungungulu a di engedza gambe a embela Mosi, khuye:

Levhi 9:17

Ga isoso satshavbo, a di pata ningelo nya wuguvbi, a baga gyandza a vbisa vbatshani nya giluvelo, a engedzela avbo nya phaso nya guvbiswe wa vbadzimindrutunu.

Mitengo 15:8

Wa gu ningela gimombyana gasi gu gira phaso nya guvbiswe, mwendro phaso nya gu tadzise gifungo ni phaso nya gurule ga Pfhumu Nungungulu,

Mitengo 18:17

Aholu matiwula nya mombe, matiwula nya nvuta mwendro matiwula nya phongo, esi kha si dzegiswi, kholu si agide; novba waye u na wu mitegedzela vbagiluvelotunu, mafura yakone u gira khayo ningelo nya guvbiswe, ma khala mahema nya gunungele ga Pfhumu Nungungulu.

Mitengo 28:12

ni sipandre siraru nya likhumi nya wuguvbi nya wadi, na wu sugidwe khu mafura, khu mombe ni mombe; sipandre sivili nya likhumi nya wuguvbi nya wadi, na wu sugidwe khu mafura, khu nvutana ni nvutana;

Mitengo 28:3

U na va embela gambe, khuwe: Owu khu ningelo nya phaso nya guvbiswe gu vbwetegago mu girela Pfhumu Nungungulu: Khu litshigu ni litshigu mu na ningela sihambana sivili nyamba hasa nya mwaga moyo, wu na bani wuri phaso nya guvbiswe kala gupindruga.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.