Levhi 3:2 - Bhibhiliya Nya Guage

² A na handzega mandza hungoni nya girengo nya miphaso gi bikedwego, aya gi paya nyangwatunu nya Tshatsha nya Tshangano, khu hwane, vaphasi nya mhamba, sanana sa Aroni, va na mitegedzela novba maphuvbo yatshavbo nya giluvelo.

Levhi 3:2 Iomraidhean Croise

Ekisodha 29:10

U na vbindrisa gimombyana gita mbeli nya Tshatsha nya Tshangano. Aroni ni sanana saye va na handzega mandza hungoni nya gimombyana.

Ekisodha 29:11

U na paya gimombyana mbeli ga Pfhumu Nungungulu, nyangwani nya Tshatsha nya Tshangano.

Ekisodha 29:15

Khu hwane u na dzega nvuta mweyo, Aroni ni sanana saye va na yi handzega mandza hungoni.

Ekisodha 29:16

Nu yi payide, u na dzega novba wakone u wu guhula maphuvbo yatshavbo nya giluvelo.

Ekisodha 29:19

Khu gulandrela u na dzega eyi yimbe nvuta, Aroni ni sanana saye va na yi handzega mandza hungoni.

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Levhi 1:11

A na paya gifuyo khu phuvbo ga Wuronga nya giluvelo, mbeli ga Pfhumu Nungungulu. Vaphasi nya mhamba, sanana sa Aroni, va na dzega novba wakone va mitegedzela khuwo giluvelo maphuvbo yatshavbo.

Levhi 17:3

Ni wevbini wa ndrangani ga Israyeli a payago mombe, mwendro nvuta, mwendro phongo, ndrani nya lizumbo mwendro vbavbandze nya lizumbo;

Levhi 17:4

nyamba phela khu gu yi dzega a hongola nayo nyangwatunu nya Tshatsha nya Tshangano, gasi aya yi bikela ga Pfhumu Nungungulu, mbeli nya Wulanga nya Guage, a na ningwa nandru nya guvbaladze novba; khu gu na vbaladzide novba, a na fuviswa vbakari nya vathu vaye.

Levhi 3:3

Avbo nya phaso nya mhamba yeyi nya patano, va na bikela mafura yatshavbo ma fumbelago mahembe, ni mafura yatshavbo ya sa ndrani, va gira ningelo nya phaso wu vbisedwago Pfhumu Nungungulu,

Levhi 3:8

A na handzega mandza hungoni nya gifuyo nya miphaso, aya gi paya nyangwatunu nya Tshatsha nya Tshangano; khavbo avbo, sanana sa Aroni si na mitegedzela khu novba maphuvbo yatshavbo nya giluvelo.

Levhi 8:22

Khu gulandrela a di ruma gukhuye va hidzimisa nvuta nya wuvili, a gu nvuta nya phaso nya guwumbele vaphasi nya mhamba. Aroni ni sanana saye va di yi handzega mandza hungoni.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Mitengo 18:17

Aholu matiwula nya mombe, matiwula nya nvuta mwendro matiwula nya phongo, esi kha si dzegiswi, kholu si agide; novba waye u na wu mitegedzela vbagiluvelotunu, mafura yakone u gira khayo ningelo nya guvbiswe, ma khala mahema nya gunungele ga Pfhumu Nungungulu.

Mithumo 3:15

Mu songiside guralo Pfhumu yi ningago guvbanya. Aholu, Nungungulu a mu wuside khu ga vafudego; ethu avba hi dzifakazi nya sigiro soso.

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.