Levhi 3:17 - Bhibhiliya Nya Guage

¹⁷ Owu nayo nya gupindruge wu na hungago sanana sanu, ni evbini mu na gu bani mu vbanya avbo: Mu nga hodzini mafura mwendro novba.”

Levhi 3:17 Iomraidhean Croise

Genesi 9:4

Aholu, nyama mu nga yi hodzini nyamba phela khu gu yi dusa novba wakone, kholu novba womi.

2 Dzikoronika 29:35

Gu manegide gambe yimbe miphaselo nya gutale nya guvbiswe, gumogo ni mafura nya miphaso nya gurule, ni miningelo nya mawadwa nya miphaso nya guvbiswe. Wu tiyiswa kharati thumo wa Nyumbani ga Pfhumu Nungungulu.

Nehemiya 8:10

Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Ekisodha 27:21

Aroni ni sanana saye va na sayisa wenengedzo wowu umo nya Tshatsha nya Tshangano khu vbavbandze nya mwendra wu na bhiyago makhuvini nya gidzumeledzwano. Dzikandriya dzi na wenengedza mbeli ga Pfhumu Nungungulu, gukhugela gupfola nya lidambo kala gugya. Nayo yoyu, wu fanede gu sayiswa khu sanana sa Israyeli ni situgulwana sawe gikhati gyatshavbo kala gupindruga.”

Ekisodha 28:43

Aroni ni sanana saye va na si ambala gasi va kodza gubela Tshatshani nya Tshangano, va kodza gu hidzimela vbagiluvelotunu va ta thuma Makhuvini nya Guage, gasi va si mani nandru vafa. Owu wu na bani wuri nayo nya gupindruge ga Aroni ni situgulwana saye.

Ezekiyeli 33:25

Khu guralo, va tivise, khuwe: Mune Pfhumu Nungungulu, a ngu ganela kharati, khuye: Kha nga olu mu hodzago nyama ni novba wakone, mu bwelo khavbo mu khozela sifananiso ni gu vbaladza novba; ina mu nga na gu khala vamune litigo leli, gani?

Ezekiyeli 44:15

Aholu, vaphasi nya mhamba va na Levhi, a gu sanana sa Sadhoki, va nga sayisa wulanga wangu nya guage, gikhati va na Israyeli va nga bani va si theli kota khu eni, avo va di hidzimela gwangu va ta nyi thumela, va na ema mbeli gwangu, gasi gu nyi girela miphaso nya mafura ni novba; a ngu ganela Mune Pfhumu Nungungulu.

Ezekiyeli 44:7

Gu diga nya yimbe mithumo yago nya wuyeyisi, u reside va nya mayigo nyamba hana wugwera, va si khathaligo khu Eni, va ta bela wulangani gwangu nya miphaso, gasi va nyenyezisa nyumbani gwangu, gikhati mu ningelago guhodza, mafura ni novba; khu kharato enu mu di fanyani gidzumeledzwano gyangu khu guvivba gwanu gwatshavbo.

Levhi 10:15

Avbo nya litundru leli nya ndruwo ni khana nya nayo nya bikelo, mu na pata mafura ma fanelago guya vbiswa niloni gasi mu si ndziwitela khu nayo nya bikelo mbeli ga Pfhumu Nungungulu; si na lumba uwe ni sanana sago, kha nga idzo Pfhumu Nungungulu a rumidego khidzo.”

Levhi 10:9

“Wa guta bela Tshatshani nya Tshangano, u nga seli vbinyu mwendro wadwa nya guvave, uwe ni sanana sago, kholu wa gu sela u nafa. Oyu nayo nya gupindruge ga sanana sanu,

Levhi 16:29

Owu, wu na bani wuri nayo nya gupindruge vbakari gwanu; khu litshigu nya likhumi nya ngima nya livbandre na wuvili, mu na hala, mwatshavbo mu si thumi gilo, vamune tigo ni va nya guta va vbanyago vbakari gwanu.

Levhi 16:34

Satshavbo sesi si na khala nayo nya gupindruge vbakari gwanu, gasi sanana sa Israyeli si agiswa gumogo khu mwaga, va handzwa sighoho sawe satshavbo.” Uye a di gira satshavbo iso Pfhumu Nungungulu a nga rumago Mosi.

Levhi 17:7

Gima kha va na nga ningela gambe sifuyo sawe, va girela miphaso vanungungulu vawe nya vamabhongwe va vbanyago navo. Va fanede gu sayisa nayo yoyu, avo ni situgulwana sawe, khu mimela ni mimelana kala gupindruga.

Levhi 19:26

Mu nga hodzi gilo gi gu ni novba, mu nga giri wutumbe mwendro gulola dzisolo.

Levhi 23:14

Mu nga hodzi sibaba mwendro sivbila nya guvawudwe, mwendro esi si si gu vidzwigo, kala gu vboha litshigu lolo mu na gu vbelegedzago khilo miningelo ga Nungungulu wanu; oyu nayo nya gupindruge ga situgulwana sanu ni wevbini wulanga mu na vbanyago umo.”

Levhi 23:21

Litshigu lolo furi, mu na ramba tshangano nya guage, kha mu na thuma thumo nya gulemele, oyu khu nayo wu vegedwago situgulwana sanu satshavbo ni evbini mu na gu bani mu vbanya umo.

Levhi 24:3

Aroni a na dzi vega khu phuvbo ga vbavbandze nya mwendra nya makhuvi wu segago ngasa nya gidzumeledzwano, ndrani nya Tshatsha nya Tshangano, gasi dzi dzure nyamba tshimega, gukhugela silambosile kala dzimindrudzile, mbeli ga Pfhumu Nungungulu. Oyu nayo nya gupindruge ga situgulwana sanu.

Levhi 24:9

Guhodza gogu gu na lumba Aroni ni sanana saye; va na gu hodza wulangani nya guage, kholu khigyo gipandre nya guage ngudzu, gi kasedwago avo, avba nya miningelo yi vbisedwago Pfhumu Nungungulu. Oyu nayo wu tiyisidwego kala gupindruga.

Levhi 3:16

Muphasi nya mhamba a na vbisa satshavbo vbatshani nya giluvelo, si khala guhodza nya phaso nya guvbiswe, nya gunungele gwadi si tsakisa. Mafura yatshavbo ma gu lumba Pfhumu Nungungulu.

Levhi 4:1

Pfhumu Nungungulu a di ganela ga Mosi, khuye:

Levhi 6:15

Moyo nya vaphasi nya mhamba a na baga gyandza nya wuguvbi nya ningelo ni mafura ni libani latshavbo, a vbisa vbatshani nya giluvelo, kha nga gialakanyiso nya phaso nya gunungele gwadi wu salalegisa Pfhumu Nungungulu.

Levhi 6:18

Sa gu lumba gu hodzwa basi khu sanana nya vama sa Aroni: Egi gilawulo gi ningedwago khu nayo ga sanana sanu avbo nya miningelo nya miphaso yi vbisedwago Pfhumu Nungungulu. Owu nayo wa gu hunga enu ni situgulwana sanu kala gupindruga. Muthu watshavbo a na khumbago guhodza gogu a na agiswa.

Levhi 6:22

Gyanana gya Aroni gi na thedwago nigyo mafura hungoni gi wumbedwa gu khala muphasi nya mhamba wulanga wa Aroni, gi na gira nigyo kharalo gu ningela phaso nya mhamba yeyi. Kha nga nayo wu vegidwego kala gupindruga mbeli ga Pfhumu Nungungulu.

Levhi 7:23

“Ganela u embela sanana sa Israyeli, khuwe: Mu nga hodzi mafura nya mombe, mwendro nya nvuta, mwendro nya phongo.

Levhi 7:34

Kholu khana yi giredwego nayo nya bikelo ni litundru li kasidwego, nyi si dzegide eni mandzani ga sanana sa Israyeli, avbo nya miphaso yawe nya pwanano, nyi fela gu si ningela ga muphasi Aroni ni sanana saye, kha nga nayo nya gupindruge vbakari nya sanana sa Israyeli.

Levhi 7:36

Khiso esi Pfhumu Nungungulu a rumidego sanana sa Israyeli gu ningela ga vaphasi nya mhamba, gukhugela litshigu va todzwago mafura, kha nga nayo nya gupindruge ga sanana saye satshavbo.”

Mitengo 19:21

Owu wu na bani wuri nayo kala gupindruga: Uye a na gu mitegedzelago khu mati nya guagise, a na handza dzingandzu dzaye; ni oyu a na kuhago mati nya guagise, a na bani nasa aga kala gupfolani nya lidambo.

Matewu 16:24

Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Matewu 26:28

Kholu owu novba wangu, novba nya gidzumeledzwano giphya wu na vbaladzedwago va nya gutala, gasi gutsetseledwa sighoho.

Mithumo 15:29

Mu diga gu hodza esi si phasedwego dzinguluve, ni novba, ni nyama nya sirengo nya gufe khu gu tshwedza, ni gu diga wubhayi. Mu na gira gwadi mwa gu dzi vegisa ga silo sesi. Vbanyani gwadi.”

Vaefeso 1:7

Guvbanya ha gu gu mana khavbo gwaye, khu novba waye hi mane gu tshulega ni gu divaledwa sighoho sathu khu gutala nya wuhigo waye,

Vaefeso 5:26

Uye giride esi khu gufela gu li handza a li agisela khu mati ni magana yaye, a li ningela ga Nungungulu.

Dhewuteronome 12:16

Vbavbandze nya novba mu nga hodzi; u na wu vbaladza vbavbatshi kha nga mati.

Dhewuteronome 12:23

Dzi wonele basi gumba hodza novba, kholu novba womi; khu guralo u nga hodzi womi gumogo ni nyama.

Dhewuteronome 12:24

U nga wu hodzi, wu vbaladze vbavbatshi kha nga mati.

Dhewuteronome 15:23

Vbavbandze basi nya novba wakone, mu nga hodzi, u na wu vbaladza mafuni kha nga mati.

Dhewuteronome 32:14

ni wusa nya mahwe nya dzimombe ni mahwe nya dzinvuta ni mafura nya sinvutana, nya dzihamba dzi haviswago Bhasani ni vamabhongwe, gumogo ni wuguvbi nya wadi nya gukuwudwe; mu sede vbinyu nya gutshambe a gu novba nya dziuvha.

1 Thimoti 4:4

Kholu satshavbo esi Nungungulu a nga si vanga khyadi, gimwalo ni gimwegyo gi yelago gu nyenywa. Ha gu si hakha, hi na bonge Nungungulu.