Levhi 3:16 - Bhibhiliya Nya Guage

¹⁶ Muphasi nya mhamba a na vbisa satshavbo vbatshani nya giluvelo, si khala guhodza nya phaso nya guvbiswe, nya gunungele gwadi si tsakisa. Mafura yatshavbo ma gu lumba Pfhumu Nungungulu.

Levhi 3:16 Iomraidhean Croise

Genesi 4:4

Abheli nuye a di gira phaselo, khu matiwula nya gifuyo nya gunone gya tshambini gwaye. Pfhumu Nungungulu a di hakha gwadi Abheli a gu salalegiswa ngudzu khu ningelo waye.

2 Dzikoronika 29:35

Gu manegide gambe yimbe miphaselo nya gutale nya guvbiswe, gumogo ni mafura nya miphaso nya gurule, ni miningelo nya mawadwa nya miphaso nya guvbiswe. Wu tiyiswa kharati thumo wa Nyumbani ga Pfhumu Nungungulu.

2 Dzikoronika 7:7

Solomoni a di agisa wulanga wu nga bani wuri khu vbakari nya hudzwe wu guromo mbeli nya Nyumba ya Pfhumu Nungungulu, vbale, uye a nga bani a ningede avbo miphaso nya guvbiswe, ni mafura nya sirengo nya miphaso nya gurule, kholu vbagiluvelotunu nya dzisimbi, egi Solomoni a nga bani a gi giride, yi di si eneli miningelo nya guvbiswe, ni miningelo nya guhodze ni mafura.

Ekisodha 29:13

U na dzega gambe mafura yatshavbo aya mafumbelago mahembe, ni gifumbelo nya libindri, ni dzitshwa dza dzimbili gumogo ni mafura yakone u si vbisa satshavbo vbatshani nya giluvelo.

Ekisodha 29:22

U na dusa mafura nya nvuta, ngila ni mafura ma fumbelago mahembe ni gifumbelo nya libindri ni dzitshwa dza dzimbili ni mafura ma dzi fumbelago ni litumbi la nyamudye, kholu nvuta nya guwumbele vaphasi nya mhamba.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Ezekiyeli 44:15

Aholu, vaphasi nya mhamba va na Levhi, a gu sanana sa Sadhoki, va nga sayisa wulanga wangu nya guage, gikhati va na Israyeli va nga bani va si theli kota khu eni, avo va di hidzimela gwangu va ta nyi thumela, va na ema mbeli gwangu, gasi gu nyi girela miphaso nya mafura ni novba; a ngu ganela Mune Pfhumu Nungungulu.

Levhi 17:6

Muphasi nya mhamba a na mitegedzela novba vbagiluvelotunu gya Pfhumu Nungungulu, nyangwatunu nya Tshatsha nya Tshangano, a na vbisa mafura a gira mhamba nya gunungele gwadi yi salalegisa Pfhumu Nungungulu.

Levhi 4:26

A na vbisa mafura yatshavbo vbatshani nya giluvelo, kha nga idzo gu girwago mafura nya phaso nya patano, khavbo avbo, muphasi nya mhamba a na gira mhamba nya ditshedzo khu gighoho gyaye, khu guralo, uye a na tsetseledwa.

Levhi 4:31

Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga mahema nya gunungele gwadi ma salalegisago Pfhumu Nungungulu; khavbo avbo, muphasi nya mhamba a na mu girela phaso nya mhamba nya ditshedzo, giwono gyaye gi na tsetseledwa.

Levhi 8:25

A di dzega mafura ni ngila, ni mafura yatshavbo nya mahembe ni libindri ni dzitshwa dza dzimbili ni mafura yakone, ni litundru la nyamudye.

Levhi 9:24

Gu di duga nilo khu mbeli ga Pfhumu Nungungulu wu ngata tsagamisa nyama nya phaso nya guvbiswe ni mafura vbatshani nya giluvelo. Avbo va nga wona, vathu vatshavbo va di kulungela khu gunengela va noga va kuha vbavbatshi khu khovbe.

Matewu 22:37

Jesu a di mu phindrula, khuye: “ ‘Haladza Pfhumu Nungungulu wago khu monyo wago watshavbo, khu hefemulo wago watshavbo ni mapimo yago yatshavbo.’