Levhi 3:1 - Bhibhiliya Nya Guage

¹ Muthu a gu bikela ningelo wuri wa mhamba nya patano, khu mombe nya kuzi, mwendro nya ngadzi, gu vbwetega nyamba hasa, a yi bikela mbeli ga Pfhumu Nungungulu.

Levhi 3:1 Iomraidhean Croise

1 Dzikoronika 21:26

A vbaha avbo giluvelo gya Pfhumu Nungungulu, a ningela avbo miningelo nya guvbiswe, niyo nya gubonge, a lombelela ga Pfhumu Nungungulu. Uye a di mu phindrula khu nilo vbagiluvelotunu nya miphaselo nya guvbiswe.

Ekisodha 20:24

U na nyi girela giluvelo khu mafu, u ningelago avbo miphaso yago nya guvbiswe, ni eyi nya gubonge, ni dzimhamba dzago nya dzinvuta ni dzimombe. Ni wevbini wulanga nyi wu hathidego gasi gu alakanya avbo Lina langu, nyi nata gwago nyi ta gu kategisa.

Ekisodha 24:5

A di rumela madzaha nya sanana sa Israyeli va ningela miphaso nya guvbiswe; va paya dzimombe, va gu ningela dzimhamba nya pwanano ga Pfhumu Nungungulu.

Ekisodha 29:28

Aroni ni sanana saye va na ningwa nyama yeyi khu nayo wu na hungago va na Israyeli kala gupindruga, kholu khigyo gipandre gi ningedwago ga vaphasi nya mhamba, egi sanana sa Israyeli si na kasago avbo nya miphaso yawe nya wuhengeli; khiyo mhamba yawe va duselago Pfhumu Nungungulu.

Mavingu 7:14

“Nyi sambanyide gu gira miphaselo nya gubonge, muhuno nyi tadziside gifungo gyangu.

Ezekiyeli 43:27

Na va vbedzide gu landrisa matshigu yaya, ga litshigu nya livbandre na mararu guya mbeli, vaphasi nya mhamba va na dongisela miphaso yanu nya guvbiswe ni miphaso nya tshanganiso vbagiluvelotunu; khavbo avbo, eni nyi na mi hakhani; a ngu ganela Mune Pfhumu Nungungulu.”

Ezekiyeli 45:15

Guvbwetega gambe gu dzega nvuta ga tshambi ni tshambi nya mazana mavili (200) dzinvuta dza wuhaviseloni nya gunyuge wa Israyeli. Satshavbo si gira miningelo nya guhodze ni miphaso nya guvbiswe, ni dzimhamba nya pwanano, gasi gu girwa ditshedzo nya sighoho nya vathu; a ngu ganela Mune Pfhumu Nungungulu.

Levhi 1:10

A gu bani ningelo nya phaso nya guvbiswe wuri wa girengo nya gidugwana, nvuta mwendro phongo, gu vbwetega matune nyamba hasa.

Levhi 1:3

A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa, a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu.

Levhi 17:5

Khu kharato, sanana sa Israyeli, si olovedego gu paya sirengo nya miphaso vbavbandze, si fanede gu yisa sirengo sawe ga muphasi nya mhamba a si bikela ga Pfhumu Nungungulu. A na si paya nyangwatunu nya Tshatsha nya Tshangano, a gira ningelo nya phaso nya pwanano nya gurungudze Pfhumu Nungungulu.

Levhi 3:6

Muthu a guya bikela ga Pfhumu Nungungulu ningelo nya phaso nya patano khu girengo nya gidugwana, fanede gu hatha matune mwendro ngadzi nyamba hasa.

Levhi 9:18

Khu hwane, Aroni a di paya kuzi ni nvuta nya phaso nya pwanano wu ningedwago khu vathu. Sanana saye si di mu ninga novba, a gu mitegedzela wubambe gwatshavbo nya giluvelo.

Levhi 9:4

kuzi ni nvuta muta si gira mhamba nya phaso nya pwanano, muta paya mbeli ga Pfhumu Nungungulu, ni ningelo nya wuguvbi nya gusugwe khu mafura, kholu muhuno Pfhumu Nungungulu a nata dzi wonegisa gwanu.”

Amosi 5:22

Ambari mwa gu nyi ningani miphaselo nya guvbiswe, ni miningelo nya guhodze, gima kha nyi na tsaka khiyo, ambari miningelo yanu nya gugirwe khu sirengo sanu nya gunone.

Malakiya 1:14

Kholu libango ga muthu nya mukanganyisi a pimisago gu nyi luva khu girengo nya gyadi gya tshambini gwaye, aholu a tumbisa guluva Pfhumu Nungungulu khu girengo nya guhase; kholu eni kheni Pfhumu nya Yikhongolo, a ngu ganela Pfhumu Nungungulu nya Tshivba Yatshavbo, lina langu li ngu ningwa githawo vbakari nya mayigo.

Malakiya 1:8

Khandri gunyenyeza gu nyi reselani sirengo nya gufe maho, nya guhase nesi nya gudwale, gani? Nga hongolani mu ya luva khiso ga mufumeli wago. Ina si na mu tsakisa? Ina a na mi hakhani gwadi, gani? A ngu ganela Pfhumu Nungungulu nya Tshivba Yatshavbo.

Mitengo 15:8

Wa gu ningela gimombyana gasi gu gira phaso nya guvbiswe, mwendro phaso nya gu tadzise gifungo ni phaso nya gurule ga Pfhumu Nungungulu,

Mitengo 6:14

uye a na ningela ningelo waye ga Pfhumu Nungungulu, a gu gihambana nya mwaga moyo nyambana livala, gasi gu gira phaso nya guvbiswe, ni ginvutana nya mwaga moyo nyambana livala, gasi gu tsetseledwa sighoho, ni hamba gasi gu gira phaselo nya gurule.

Mitengo 7:17

Gasi gu gira ningelo nya phaso nya gurule, a di dusa dzimombe dzimbili, livbandre dzinvuta, livbandre vanyamabhongwe ni livbandre dzihamba nya mwaga moyo; khuwo owu ningelo a nga girago Nasoni, mwamana wa Aminadhabhi.

Mitengo 7:59

Gasi gu gira phaso nya gurule, Gamaliyeli a di ningela dzimombe dzimbili, livbandre dzihamba, livbandre dzinvutana nya mwaga moyo. Owu khuwo ningelo wa Gamaliyeli, mwamana wa Pedhasuri.

Dhewuteronome 12:27

U na ningela miphaso yago nya guvbiswe, nyama gumogo ni novba vbagiluvelotunu gya Pfhumu Nungungulu wago, novba nya dzimhamba wu na vbaladzwa vbatshani nya giluvelo gya Pfhumu Nungungulu wago; aholu nyama u na yi hodza.

Vakolosi 1:20

Khu tshivba yaye tshanganiside ni Nungungulu silo satshavbo: Esi si guromo Ndzadzini ni esi si guromo mafuni a guvbaha gurula ga vatshavbo khu novba wa Mwanaye wu vbaladzidwego vbagihambanotunu.

Vahebheru 10:22

Hi na hidzimele ga Nungungulu khu monyo nya wadi ni gukhodwa nya gutiye, na hi agisidwe satshavbo si hi vivbisago monyo, sivili sathu na si handzidwe khu mati nya yadi.

1 Johane 1:3

Esi hi si wonego ni gu sipwa, khiso hi mi tivisago nenu, gasi enu nenu mu fela gu hengela gumogo ni ethu, kha nga ethu nethu hi hengelago ni Babe ni Mwanaye Jesu Kristo.

Valamuli 20:26

Khavbo avbo, vatshavbo va na Israyeli, ni vathu vatshavbo, va di gwela dhoropani ga Bheteli vaya lila, va di khala vbale mbeli ga Pfhumu Nungungulu, va hala litshigu latshavbo kalani silambo, va ningela miphaso nya guvbiswe ni miningelo nya gurule mbeli ga Pfhumu Nungungulu.

Valamuli 21:4

Khu litshigu li landrelago, vathu va di wuga na gu ngari dzimindru, va emisa vbale giluvelo, va ningela miningelo nya guvbiswe ni miningelo nya gurule.