Levhi 27:3 - Bhibhiliya Nya Guage

³ Gitumbiso gyogyo, a gu bani nari gya muthu a enedzidego magumavili myaga guya mbeli kala livbandre na limwedo magumi myaga, a na dusa pimo nya livbandre magumi dzisekeli nya parata, mayelano ni sekeli ya wulangani nya guage.

Levhi 27:3 Iomraidhean Croise

2 Dzipfhumu 12:4

Jowasi a di embela vaphasi nya mhamba, khuye: “Dzitsapawu dzatshavbo nya silo nya guage esi si reswago Nyumbani ga Pfhumu Nungungulu, a gu dzitsapawu nya fanelo ya vathu vatshavbo, dzitsapawu nya dzegiso nya vathu, hwane nya gu bani na holeledwe gwadi ni siningwa si ningedwago Nyumbani ga Pfhumu Nungungulu, khu gugola ga muthu ni muthu.

Ekisodha 30:13

Muthu ni muthu a lovedwago a na ningela tengo nya guningane gipandre nya Sekeli ya nyumbani nya miphaso, yi gu na ni magumavili dzisekeli, dzi kaswago khu vbakari u gira ningelo ga Pfhumu Nungungulu.

Ekisodha 38:24

Tengo watshavbo nya ndralama wu thumisidwego mithumoni gwatshavbo nya guvbahe wulanga nya Guage, ndralama yi dusidwego khu mihengo, yi di tshanganisa magumavili na livbandre na dzina dzitaleta, ni livbandre na mavili mazana ni magumararu (730) dzisekeli, nya edzi dzi thumiswago nyumbani nya guage.

Levhi 27:14

Muthu a gu ningela ndranga yaye gasi gu agisedwa Pfhumu Nungungulu, muphasi nya mhamba a na pima tengo nya makhalelo nya nyumba yaye, mwendro khyadi mwendro khandri yadi.

Levhi 27:25

Tengo watshavbo wu na vegwa gukhedza khu sekeli ya vbawulangani nya guage; sekeli mweyo yi na ni magumavili dzigera.

Levhi 27:4

Aholu, a gu bani ari nyamayi, pimo waye wu na bani wuri magumararu dzisekeli.

Levhi 5:15

“Muthu a gu ghoha, ambari nari a di phazama, a divala gu livba gikhaba nya esi si fanelago guagisedwa Pfhumu Nungungulu, muthu yoyo fanede gu bikela, khu kotani nya nandru waye, matune nya nvuta nyamba hasa yi hathidwego tshambini gwaye. Tengo wakone nya nvuta yoyo, wu na pimwa khu sekeli nya parata ya wulangani nya guage; a nata gira ningelo nya phaso nya gulivbe nandru.

Levhi 6:6

Fanede gu hatha nvuta nyamba hasa ya tshambini gwaye a resa ga muphasi nya mhamba, gasi gu gira mhamba nya gulivbe nandru ga Pfhumu Nungungulu, gukhedza khu tengo wu vegidwego gasi gu gira phaso nya gulivbe nandru.

Mitengo 18:16

Avo va lumbago gu dzegiswa, u na va dzegisa na vari ni tanga nya ngima moyo nya guvelegwe, mayelano khidzo u na gu dzi wona khidzo, khu tengo nya livbandre singerengere nya parata, gukhedza khu pimo wa Wulangani nya Guage, gingerengere ni gingerengere gi pimago likhumi dzigera.

Mitengo 3:47

Hungo ni hungo u na wu dzegisa khu livbandre singerengere a gu dzisekeli, a gu tengo wa Wulangani nya Guage, gulemela gu ninganago likhumi dzigera.