Levhi 27:25 - Bhibhiliya Nya Guage

²⁵ Tengo watshavbo wu na vegwa gukhedza khu sekeli ya vbawulangani nya guage; sekeli mweyo yi na ni magumavili dzigera.

Levhi 27:25 Iomraidhean Croise

Ekisodha 30:13

Muthu ni muthu a lovedwago a na ningela tengo nya guningane gipandre nya Sekeli ya nyumbani nya miphaso, yi gu na ni magumavili dzisekeli, dzi kaswago khu vbakari u gira ningelo ga Pfhumu Nungungulu.

Ekisodha 38:24

Tengo watshavbo nya ndralama wu thumisidwego mithumoni gwatshavbo nya guvbahe wulanga nya Guage, ndralama yi dusidwego khu mihengo, yi di tshanganisa magumavili na livbandre na dzina dzitaleta, ni livbandre na mavili mazana ni magumararu (730) dzisekeli, nya edzi dzi thumiswago nyumbani nya guage.

Ezekiyeli 45:12

Sekeli yi na bani yiri magumavili mipimo. Magumavili dzisikulu, ni magumavili na livbandre dzisekeli, ni likhumi na livbandre dzisikulu, dzi na gira pimo nya wukhongolo gwanu wu ranwago pwani mina.

Levhi 27:24

Khu Mwaga nya Gunengele, lithembwe li na bwelela ga wule a li rengisidego, wule a nga bani nari mune, kholu lithembwe thomba yaye.

Levhi 27:3

Gitumbiso gyogyo, a gu bani nari gya muthu a enedzidego magumavili myaga guya mbeli kala livbandre na limwedo magumi myaga, a na dusa pimo nya livbandre magumi dzisekeli nya parata, mayelano ni sekeli ya wulangani nya guage.

Levhi 5:15

“Muthu a gu ghoha, ambari nari a di phazama, a divala gu livba gikhaba nya esi si fanelago guagisedwa Pfhumu Nungungulu, muthu yoyo fanede gu bikela, khu kotani nya nandru waye, matune nya nvuta nyamba hasa yi hathidwego tshambini gwaye. Tengo wakone nya nvuta yoyo, wu na pimwa khu sekeli nya parata ya wulangani nya guage; a nata gira ningelo nya phaso nya gulivbe nandru.

Mitengo 18:16

Avo va lumbago gu dzegiswa, u na va dzegisa na vari ni tanga nya ngima moyo nya guvelegwe, mayelano khidzo u na gu dzi wona khidzo, khu tengo nya livbandre singerengere nya parata, gukhedza khu pimo wa Wulangani nya Guage, gingerengere ni gingerengere gi pimago likhumi dzigera.

Mitengo 3:47

Hungo ni hungo u na wu dzegisa khu livbandre singerengere a gu dzisekeli, a gu tengo wa Wulangani nya Guage, gulemela gu ninganago likhumi dzigera.

Mitengo 7:67

Uye a di ningela, mbiya mweyo nya parata, na yiri ni pimo nya lizana ni magumararu (130) dzisekeli, ginamelo gimwegyo nya parata nya gulemele livbandre na mavili magumi dzisekeli, mayelano khu sekeli ya Wulangani nya Guage; satshavbo na si tade khu wuguvbi nya wadi, na wu sugidwe khu mafura, gasi gu gira ningelo nya guhodze;