Levhi 26:9 - Bhibhiliya Nya Guage

⁹ Gasi enu vambe nyi na mi khathalelani, nyi mi andrisa mu tala, nyi na tiyisa gidzumeledzwano gyangu nanu.

Levhi 26:9 Iomraidhean Croise

Genesi 1:28

Nungungulu a di va kategisa a va embela, khuye: “Velegelanani, mu andra, mu tadza mafu, mu ma fumela. Fumelani dzindzandzi dza matini, sinyoni ni sirengo satshavbo si vbanyago mafuni.”

Genesi 17:20

Nyi pwide gambe nombelo u giridego khu Ismayeli: Nyi na mu kategisa nuye, nyi na mu ninga livelego nya likhongolo ngudzu, a na andra khu tshivba ngudzu. A na velega likhumi na mavili mafumbu. A na khala babe nya litigo nya likhongolo ngudzu.

Genesi 22:17

Eni nyi na gu kategisa; nyi na engedzela livelego lago khu sanana nya singi ngudzu, nya gutale kha nga dzinyeledzi dza ndzadzini, kha nga mafu nya fungu wa phwani. Sanana sago si na khozisa valala vawe si gu va dzegela madhoropa yawe.

Genesi 26:4

Nyi na andrisa livelego lago kha nga dzinyeledzi dza ndzadzini, nyi na gu ninga mayigo yaya yatshavbo. Khavbo nya melego wago, ma na kategiswa mafumbu yatshavbo nya vathu va tigoni,

Genesi 28:14

Sanana sago si na tala ngudzu kha nga mafu ya tigoni; u na nava uya Muhwadambo ni Khugadambo, Wuronga ni Marandzi. Mahundzu nya vathu vatshavbo va tigoni, ma na kategiswa khavbo gwago ni ga livelego lago.

Genesi 28:3

Nungungulu nya Tshivba Yatshavbo a na gu kategise, a gu dandrisa ni gu gu andrisa gasi u khale talo nya mahundzu!

Genesi 48:4

a nyi embela, khuye: “Nya gu vbweta gukheni u dandre u ninge mihandro; nyi na gu vbindrugedza nyi gu gira talo nya vathu nya mahundzu, nyi na ninga litigo leli ga sanana nya livelego lago, hwane ga uwe, li khala thomba yawe kala gupindruga.”

Genesi 6:18

Aholu, nyi na gira nago pwanano nya gidzumeledzwano. U na bela litaroni uwe ni sanana sago, mwangadzi wago ni vagadzi va sanana sago.

1 Dzipfhumu 3:8

Eni githumi gyago nyi womo vbakari ga vathu vago u va hathidego, vathu nya vangi, nyamba kodza sayedwa ni gu tidwa tengo wawe, khu talo wawe.

2 Dzipfhumu 13:23

Aholu Pfhumu Nungungulu a di va pwela gisiro, a va girela wuhindzi, a va tsetselela khu lihaladzo laye nya pwanano a giridego ni Abrahama, Isaki ni Jakobe; a si dzumeli gu va mbembisa ni gu va dzudzuga hwindzo ni khovbe yaye.

Nehemiya 2:20

Khu guralo nyi di va hakha nyi va embela, kheni: “Nungungulu wa ndzadzini khuye a na gu hi phasedzelago thumoni gwathu; ethu sithumi sago hi na vbaha; gasi enu kha mu lumbwi khu gilo ambari malungelo mwendro gialakanyiso dhoropani ga Jerusalema.”

Nehemiya 9:23

U di andrisa livelego lawe li tala kha nga dzinyeledzi dza ndzadzini, U va vbohiside ga litigo U tumbisidego gu ninga vababe vawe.

Dzindzimo 107:38

Nungungulu a di kategisa vathu vaye, avo va di velega sanana nya singi, wu di si vbungugi tengo nya sifuyo sawe.

Dzindzimo 89:3

Uwe u di khuwe: Nyi giride gidzumeledzwano ni gihathwa gyangu, nyi sambanya ga Dhavhidhe, githumi gyangu, kheni:

Ekisodha 1:7

aholu sanana sa Israyeli si diya na si gu engedzela gu velegelana khu tshivba. Si di pandregelana si andra kala va tadza litigo latshavbo la Egipito.

Ekisodha 2:25

Nungungulu a di khedza sanana sa Israyeli, a wona gutshaniseka gwawe.

Ekisodha 6:4

Gambe nyi giride nago gidzumeledzwano gyangu, gasi gu va ninga litigo la Khanani, litigo va nga vbanyago umo kha nga valuveli.

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Jeremiya 23:3

Eni mune kamwe nyi na tombanisa dzinvuta dzi tshadego, khu mayigoni gwatshavbo dzi nga bani dzi thavede umo, nyi na dzi wuyisa mavbandroni gwawe; umo dzi na guta velegelana.

Jeremiya 23:4

Nyi na dzi emisela vahavisi va na gu dzi havisago, avbo dzi na gumba thava ambari gu ndrendremela, gambe yi mwalo ni mweyo yi na dzimelago, a ngu ganela Pfhumu Nungungulu.

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Ezekiyeli 16:62

Khu guralo nyi na hunga nago gidzumeledzwano, khavbo u na dzitigo gukhuwe Eni kheni Pfhumu Nungungulu.

Ezekiyeli 36:9

Kholu wonani gukhenu eni nyi ngu mi khathalela; nyi na mi khedzani khu maho nya wuhindzi; enu mu na khala wulime bwelo khavbo mu yadwa.

Levhi 26:15

mwa gu kanyisa sileletelo sangu, ni gumba girani milayo yangu, mu kala mu vboha avbo nyamba sayisa milayo yangu yatshavbo, mu pila gidzumeledzwano gyangu;

Luka 1:72

A fela gu yeyedza wuhindzi a giredego vababe vathu, khu gu alakanya gidzumeledzwano gyaye nya gukatege,

Dhewuteronome 28:11

Pfhumu Nungungulu a na andrisa mihandro nya melego gwago, sifuyo sago si na velegelana, ni mahangeni gwago gu na fuma mihandro nya yingi, ga litigo eli Pfhumu Nungungulu a sambanyidego ga vababe vago gu gu ninga.

Dhewuteronome 28:4

Wu na kategiswa melego wago, ni mihandro ya thembweni gwago, ni mihandro nya sifuyo sago, a gu marole nya dzimombe dzago ni dzinvuta dzago.

Dhewuteronome 7:13

Uye a na gu gola ni gu gu kategisa, a na gira melego wago wu andra; gambe a na kategisa sanana sago, ni mihandro ya tigoni gwago, dzimbewu dzago gumogo ni vbinyu yago; mafura yago, gumogo ni guvelegelana nya mitshambi yago nya dzimombe ni ya dzinvuta dzago, ga litigo eli, Pfhumu Nungungulu, khu gusambanya ga vababe vago a tumbisidego gu gu ninga.

Vahebheru 8:9

Egi kha gi fanani ni gidzumeledzwano nyi nga hungago ni vababe vawe, litshigu nyi nga va phara khu mandza nyi va dusa tigoni ga Egipito. Avo kha va tumbega ga gidzumeledzwano nyi nga girago navo. Khu guralo, eni nyi di va nyenya, a ngu ganela Pfhumu.