Levhi 26:8 - Bhibhiliya Nya Guage

⁸ Livbandre vama nya va na gyanu, va na lundra lizana (100) ya valala, lizana nya va na gyanu, va na lundra likhumi magumi mazana (10.000); valala vanu va na songetedwa mbeli gwanu khu matshari.

Levhi 26:8 Iomraidhean Croise

1 Dzikoronika 11:11

Sasamedzo nya dzindrena dza Dhavhidhe khowu: Jasobheyamo, mwamana wa Hakimoni, muthangeli nya tsawa nya magumararu, uye a nga khusa litshari laye a dwana ni mazana mararu (300) vama, a va sasela khu gumogo.

1 Dzikoronika 11:20

Abhisayi nuye, ndruye wa Jowabhi, a diri khongolo nya dzindrena nya magumararu, kholu avbo a nga khusedza litshari laye a dwana ni mazana mararu (300) vama, a di va sasela khu gumogo; a diri ni lina vbakari ga avo va vararu.

Levhi 26:7

Mu na lundra valala vanu, mu va songa khu matshari mbeli gwanu.

Zakariya 12:8

Khu litshigu lolo, Pfhumu Nungungulu a na vhikela vathu va vbanyago Jerusalema, khu litshigu lolo, oyu nya gusolege vbakari gwawe, a na fanana ni mufumeli Dhavhidhe, gambe nyumba ya Dhavhidhe yi na wonega kha nga Nungungulu, kha nga ngilozi ya Pfhumu Nungungulu yi thangidego mbeli gwawe.

Mitengo 14:9

Mu nga wugelini Pfhumu Nungungulu, gambe mu nga thavi vathu va tigoni mule, kholu, avo va na khala guhodza gwanu. Va mwalo wuthavelo kholu Pfhumu Nungungulu a na ni ethu. Mu nga va thavi!”

Mitengo 31:4

Mu somisa likhumi mazana (1.000) vama khu ga lihundzu ni lihundzu nya mahundzu yatshavbo ya Israyeli, mu va rumela guya nyimbitunu.”

Dhewuteronome 28:7

Pfhumu Nungungulu a na gu ninga tshivba nya gupale valala vago va na gu wugelago; va nata khu ndzila mweyo gasi guta dwana nago, aholu va na phalalega va thava khu livbandre na dzimbili dzindzila.

Dhewuteronome 32:30

Ga gu kodzega kharini muthu moyo basi a lundra likhumi mazana (1.000), ni vathu vavili va lundra likhumi magumi mazana (10.000) vathu? Kholu Muvhikeli wawe, ava digidego, Pfhumu Nungungulu a va rengiside ga valala.

Josuwa 23:10

Muthu moyo basi wa na gyanu a na lundra likhumi mazana (1.000) vama, kholu Pfhumu Nungungulu wanu, khuye a dwanago khu enu, kha nga a mi tumbisidego.

Valamuli 15:15

A di mana gihaya nya buru nya gu bani yi ngari gufa, a gi rola a sasela khigyo likhumi mazana (1.000) vama.