Levhi 26:6 - Bhibhiliya Nya Guage

⁶ Nyi na wuyisa gurula tigoni; mu na lala na mu tengide nyamba thurugiswa khu muthu, nyi na fuvisa sirengo nya wurena sa khabini, tigoni gwanu kha mu na beledwa khu dzinyimbi.

Levhi 26:6 Iomraidhean Croise

2 Dzipfhumu 2:24

A di thendregedza a khedza hwane, a di si wona a si vala linani ga Pfhumu Nungungulu; khavbo avbo, gu di duga khu khabini sirengo sivili nya sikankanka si ta vbadzulela magumana na sivili nya sikhwathana sile.

1 Dzikoronika 22:9

Wona, mwamana u na velegago, a na bani ari mwama nya gurule, kholu nyi na mu ninga guhefemula khu ga vatshavbo valala vaye va mu randredego; khu guralo, lina laye a na bani ari uye Solomoni; gurula ni gukhadzisega nyi na si ninga ga na Israyeli matshiguni gwaye.

2 Dzikoronika 20:30

Khu guralo, mufumo wa Josafati wu di mana gurula, kholu Pfhumu Nungungulu a di mu hefemudza khu sipandre satshavbo.

Joba 11:19

U na lala ligovbe nyamba thuswa khu muthu; vathu nya vangi va na gu suvela makategwa.

Joba 5:23

Kholu u na gira gidzumeledzwano ni siwindri sa khabini, ni sirengo nya likhabi, u na vbanya naso khu gurula.

Dzindzimo 144:14

dzimombe dzathu dzi na have gwadi dzi nona, gu nga beli gambe valala tigoni gwathu, gu nga manegi gambe dzihuwa nya gililo mitendrelani gwathu.

Dzindzimo 147:14

A ngu tiyisa gurula mivbinganoni nya litigo lago, a gu khurisa khu wuguvbi nya wadi nya tirigu.

Dzindzimo 29:11

Pfhumu Nungungulu a ngu ninga tshivba vathu vaye, Pfhumu Nungungulu a ngu kategisa vathu vaye khu gurula.

Dzindzimo 3:5

Nyi ngu lala nyi mana ligovbe; nyi wuga, kholu Pfhumu Nungungulu a ngu nyi sayisa.

Dzindzimo 4:8

Nyi ngu lala ligovbe nyi hefemula khu gurula, kholu, uwe Pfhumu Nungungulu khuwe basi u nyi ningago guvbanya na nyi tiyide.

Dzindzimo 85:8

Nyi na yingisa esi Pfhumu Nungungulu a na ganelago, kholu a na ganela khu mahungu nya gurule ga vathu vaye, ni ga vale va khodwago gwaye; gasi va si wuyeleli gambe wupumbuni.

Ekisodha 23:29

Kha nyi na nga va tutumisa khu mwaga moyo basi, gasi litigo li si khali giwula, ni sirengo nya likhabi si si velegelani si tala si gu wugela.

Mavingu 3:24

Wa gu lala, khu na thava gilo, u na lala ligovbe nya gutangale.

Mavingu 6:22

Si na gu hetedza ndzilani gwago, wa gu lala, si na gu vhikela, wa gu wuga, si na gu bhudzisa.

Isaya 35:8

Gu na manega avbovbo ndzila nya yikhongolo nya likondro, yi na ranwago pwani Ndzila nya Guage; va nya gunyenyeza, kha va na vbindra khiyo. Yi emisedwe basi vathu va Nungungulu, khavo va na gimbilago khiyo, ambari nari sipumbu, kha va na dzimela.

Isaya 35:9

Umomo kha gu na manega dzinghala, ambari ni girengo gimwegyo nya wurena kha gi na vbindra khu ndzila yoyo; aholu gu na gimbila khiyo basi vale va tshudzisidwego.

Isaya 45:7

Eni nyi ngu wumba wenengedzo ni gu gira gidema; nyi ngu tsakisa muthu, nyi bwelo khavbo nyi mu rumela sigaradzo; eni Pfhumu Nungungulu nyi ngu gira silo satshavbo sesi.”

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Jeremiya 30:10

Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Jeremiya 31:26

Khu guralo, nyi di khendzuga nyi wona, ligovbe langu li di nyi tsakiside ngudzu.

Ezekiyeli 14:15

Nya gu rumela sirengo nya wurena tigoni sita songetela vathu, gu khala marumbi nyamba tiyedwa khu muthu guvbindra khumo, khu gu thava sirengo sile nya wurena;

Ezekiyeli 14:17

Mwendro, nya gu rumela nyimbi ga litigo lile nyi ganela, kheni: Nyimbi yi na vbindre khu tigoni mule gwatshavbo, yi songetela umo vathu ni sifuyo;

Ezekiyeli 14:21

Kholu Mune Pfhumu Nungungulu a ngu ganela kharati, khuye: “Ahati nya gu rumela sitsayiso sangu nya sina dhoropani ga Jerusalema, a gu nyimbi, ndzala, sirengo nya wurena ni mitungu, gasi guya songetela vathu vaye gumogo ni sifuyo sawe!”

Ezekiyeli 34:25

Nyi na gira nadzo gidzumeledzwano nya pwanano, nyi na fuvisa sirengo nya likhabi tigoni; dzi na khala khu gurula giwulani, gambe dzi na lala khabini.

Ezekiyeli 34:27

Misimbo ya khabini yi na ninga mihandro yaye, ni mafu ma na ninga dzimbewu dzaye, dzinvuta dzi na khala gurulani tigoni gwawe; dzi na dziti gu khidzo eni kheni Pfhumu Nungungulu, gikhati nyi na fanyago mapitso nya kanga wawe ni gu dzi dusa mandzani ga vale va dzi tshanisago.

Ezekiyeli 5:17

Nyi na mi rumelani ndzala ni sirengo nya likhabi si na guta songetelago sanana sanu. Tungu ni gu vbalaga nya novba, si na vbindra khavbo gwanu, gambe nyi na mu resela dzinyimbi mu ta sasedwa khu matshari. Eni, Pfhumu Nungungulu nyi ganede kharato.

Hoseya 2:18

Pfhumu Nungungulu a ngu ganela, khuye: “Khu litshigu lolo, u na nyi rana khuwe mwama wangu; khu na nga nyi rana gambe, khuwe: Bhahali wangu.

Hoseya 2:20

Khu litshigu lolo, nyi na gira khu avo gidzumeledzwano ni sirengo nya likhabi, ni sinyoni sa damboni, ni esi nya gukhwirire khu lididi mafuni, nyi na fuvisa tigoni dzinyimbi, wulaho ni matshari, va na lala ligovbe nya gutenge!

Levhi 25:18

Sayisani milayo yangu, vegisani sileletelo sangu; si landriseni guvbanyani gwanu, gasi mu vbanye nyamba thava gilo tigoni.

Levhi 25:19

Mafu ma na ninga mihandro yaye, mu na hodza mu khura; gambe mu na vbanyani na mu tiyide tigoni nyamba thava gilo.

Levhi 26:22

Nyi na rumela sirengo nya likhabi si songetela sanana sanu, si na vbedza sifuyo sanu, enu nenu mu na vbedzwa khiso mu khala vadugwana; dzindzila dzanu dzi na fuva.

Levhi 26:25

Khu kotani nya gu hambaniseni gidzumeledzwano gyangu, nyi phodza khu gu mi rumela dzinyimbi; mwa gu tshanganani madhoropani gwanu, nyi na rumela vbakari gwanu mitungu, nyi na mi ningelani mandzani ga valala vanu.

Levhi 26:7

Mu na lundra valala vanu, mu va songa khu matshari mbeli gwanu.

Mikeya 4:4

Muthu ni muthu, a na khala mutsani nya uvha waye, ni mutsani nya ngure waye, kha gu na manega muthu nya gu va thurugisele, kholu Pfhumu Nungungulu nya Tshivba Yatshavbo ganede.

Sofoniya 3:13

Mitshaledwa ya Israyeli kha yi na gira gambe guvivba, mwendro gu ganela malipha; kanani gwawe kha gu na manega gambe lidimi nya wudambane. Kholu va na hodza va khura va lala ligovbe nya ladi na va rude nyamba thusedzedwa khu muthu.

Agewu 2:9

Wudhumo wa nyumba yeyi nya guhegise wu na bani wuri wukhongolo guvbindra uwo wa iyo nya guhegule, a ngu ganela Pfhumu Nungungulu nya Tshivba Yatshavbo; wulanga wowu nyi na resa gurula, a ngu ganela Pfhumu Nungungulu nya Tshivba Yatshavbo.”

Zakariya 9:10

Nyi na pfhungumula dzikareta nya nyimbi dza Efrayimi ni dzikavalu dza Jerusalema; wulaho nya nyimbi wu nata fanyeledzedwa. Uye a na huwelela gurula ga mayigo; mufumo waye wu na khugela yiphwa kala yimbe yiphwa; wu na khugela tsongoni wa Ewufrate kala mahegiso nya mafu.

Johane 14:27

“Nyi ngu mi tshiyelani gurula, nyi ngu mi ningani gurula gwangu. Kha nyi ningi gurula kha nga idzo li ningago khidzo litigo. Mu nga garadzegini myonyo yanu, gambe mu nga thavi gilo.

Mithumo 12:6

Ni wutshigu wowo Herodhi a nga bani a dongide gu mu ningela, Pedro a di lade vbakari nya masotshwa mavili na hungidwe dzitshinga, mambe masotshwa ma di gu ghadha lipaso.

Varoma 5:1

Na hi wonidwe kharati, kha nga vathu nya gululame, khu kotani nya gukhodwe gwathu, ethu hi ngu vbanya khu gurula ni Nungungulu khu gwa Jesu Kristo, Pfhumu yathu.