Levhi 26:43 - Bhibhiliya Nya Guage

⁴³ Va na diga Litigo li khala giwula, li mana guhefemula gwaye nya dzisabhadho; avo va mana hakhelo nya milandru yawe, kholu va hambanide ni sileletelo sangu, mihefemulo yawe yi nyenyide milayo yangu.

Levhi 26:43 Iomraidhean Croise

2 Dzikoronika 33:12

Nari vbakari nya wuvi, a di lombelela ga Pfhumu Nungungulu waye, a dzi thesa ngudzu vbavbatshi ga Nungungulu wa vababe vaye;

2 Dzikoronika 36:21

Gasi gutadzisega magana ya Pfhumu Nungungulu ma ngatago khu kanani ga muprofeti Jeremiya, a nga khuye: Litigo li na pfhungumudwa li khala marumbi gipimo nya livbandre na mavili magumi (70) myaga, gikhati gyatshavbo gegi, litigo li na sayisa dzisabhadho dzaye, li bwelo khavbo li hefemula.

Joba 5:17

Wonani, idzo a kategago khidzo wule a dzumelago gu kawukwa khu Nungungulu; khu kharato u nga yeyisi tsayiso wa Nungungulu nya Tshivba Yatshavbo.

Dzindzimo 119:67

Nyi pengide ngudzu nu si gu nyi tsayisi, olu nyi ngu vegisa magana yago.

Dzindzimo 119:71

Gutshaniseka gwangu gu nyi phaside, kholu nyi hevbude guti milayo yago.

Dzindzimo 119:75

Pfhumu Nungungulu, nyi ngu dziti gwadi gukheni gulamula gwago gu lulamide, khwa hosisa olu U nga nyi tsayisa.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 50:17

nari gu uwe u ngu nyenya sihevbudzo sangu, ni gu vengela magana yangu, gani?

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Jeremiya 31:19

Hwane nya gu bani nyi ghohide, nyi dzi layide, gikhati nyi nga pimisa, nyi di tshanisa givili gyangu; nyi ngu pwa dzitshoni ni wuvi, kholu nyi rwade gighoho gya wudzahani gwangu.”

Dhaniyeli 9:14

Khu guralo, Pfhumu Nungungulu kha kanakana gu hi resela libango leli avbo gwathu, kholu Pfhumu Nungungulu wathu lulamide ga satshavbo a girago; ambari khu guralo, ethu kha hi mu yingisi.

Levhi 26:11

Nyi na vbaha nyumba yangu nya guage vbakari gwanu, hefemulo wangu kha wu na hambana nanu.

Levhi 26:15

mwa gu kanyisa sileletelo sangu, ni gumba girani milayo yangu, mu kala mu vboha avbo nyamba sayisa milayo yangu yatshavbo, mu pila gidzumeledzwano gyangu;

Levhi 26:30

Nyi na khungumulela malanga yanu nya sigomo, nyi pandrelela siluvelo sanu, nyi wungeledzela sirumbi sanu vbatshani nya sirumbi sa vanungungulu vanu nya sifananiso; hefemulo wangu, wu na goroga khu enu.

Levhi 26:41

iso si nga nyi girago nyi hambana navo, nyi va yisa tigoni ga valala vawe; myonyo yawe nya gulemele ya gu dzi thesa vbavbatshi, khu milandru yawe,

Amosi 5:10

Va gu nyenya oyu a va kawukago phathani, va tsorodzela oyu a ganelago lisine.

Zakariya 11:8

Khu ngima moyo basi nyi tutumiside vahavisi vararu, kholu hefemulo wangu wu di garade khu dzinvuta dzangu, idzo nidzo dzi di swihala khu eni.

Johane 7:7

Litigo kha li dzi kodzi gu mi zondra, aholu eni li ngu nyi zondra, kholu nya gu li tugudzisa mithumo yaye nya guvivbe.

Varoma 8:7

Gudogolela gwathu nya guvivbe nala wa Nungungulu, kholu kha gu yingeli Nayo wa Nungungulu, gambe kha gu dzi kodzi gu wu landrisa.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.