Levhi 26:40 - Bhibhiliya Nya Guage

⁴⁰ Aholu, va gu dzi laya khu guvivba gwawe, ni guvivba ga vababe vawe, khu sihoso va nyi giridego; va gu dzi dzi laya khu gu na va hambanide ni dzindzila dzangu,

Levhi 26:40 Iomraidhean Croise

1 Dzipfhumu 8:47

khu tigoni va na gu yiswago iyo guya khala dzikhumbi, va guya dzi laya, va vbindrugedza va lombelela, khavo: Hi ghohide, hi giride silo nya guvivbe, hi sighohi;

1 Dzipfhumu 8:48

va gu vbindrugedza, va wuya avbo gwago khu monyo wawe watshavbo, ni hefemulo wawe watshavbo, na vari khu tigoni momo ga valala vawe va va vbagedego vaya va gira dzikhumbi, va gu lombelelela na va khedzide phuvbo ga litigo u ningidego vababe vawe, ga lidhoropa leli u li hathidego, ni ga nyumba yeyi nyi vbahedego lina lago;

Ezira 10:11

Khu guralo, olu, dzi layeni mu dawulela ga Pfhumu Nungungulu wa vababe vanu, mu gira gugola gwaye mu dzi hambanisani ni vathu va mambe mayigo, ni ga vanyamayi va mambe mayigo mu dzeganidego navo.”

Ezira 9:15

Ah! Pfhumu Nungungulu wa na Israyeli, uwe U lulamide kholu hi vbulugide kha nga olu hi si wonago; wona nya gukhuwe hi womo mbeli gwago musighohoni gwathu; kholu mwalo ni moyo a yelago gu khala vbafuvbi gwago khu kotani nya esi.”

Ezira 9:6

Nyi ganela, kheni: “Nungungulu wangu! Nyi womo gugaradzegani ni mudzitshonini, nya gu khusa khovbe yangu nyi khedza uwe, Nungungulu wangu! Kholu sighoho sathu si dandride guvbindra pimo vbatshani nya mihungo yathu, ni milandru yathu yi litide kala ndzadzini.

Dzindzimo 32:5

Nyi dawulede gwago giwono gyangu, kha nya gu sihela guvbanya gwangu; eni nyi di ganela, kheni: “Nyi ngu hongola ga Pfhumu Nungungulu, nyi ya dawulela guvivba gwangu!” Uwe u di handza guvivba gwangu, u nyi divalela guvivba nya gighoho gyangu.

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Jeremiya 14:20

Oh! Pfhumu Nungungulu! Sighoho sathu hi ngu siti, ni sighoho sa vababe vathu; kholu hi gu ghohede.

Gililo 1:20

Pfhumu Nungungulu, nga wona idzo nyi tshanisekago khidzo! Hefemulo wangu wu ngu vbela tshivba. Monyo wangu wa gu ndragandraga ndrani gwangu kholu nyi gu pfhuraredego khu tshivba. Sanana sangu si ngu sasedwa vbavbandze khu matshari; ndrangani gwangu gu pwala lufu basi. Sini

Ezekiyeli 14:23

“ Mu na tangala khu gu wona dzindzila dzawe ni mithumo yawe; khu guralo, mu na khodwa gukhenu satshavbo nyi giridego mule, khandri nyi di gira mahala. A ngu ganela Pfhumu Nungungulu.”

Ezekiyeli 36:31

Khavbo avbo, mu na alakanyani dzindzila dzanu nya guwegele ni mithumo yanu nya guvivbe; mu na khala sirangalabwa enu vamune kamwe khu kotani nya guvivbe ni gu dzi nyenyezisa gwanu.

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.

Levhi 26:21

Mwa gu hambanani ni eni, mu si vbweti gu nyi yingisa, nyi na mi reselani mitungu livbandre na dzimbili dzinyondro, gasi gu mi tsayisa khu sighoho sanu.

Levhi 26:24

Eni neni nyi na hambana nanu nyi mi tsayisa khu gu wuyelela livbandre na dzimbili dzinyondro khu kotani nya sighoho sanu.

Levhi 5:5

Muthu a gu ni nandru nya silo sesi, gu vbwetega a dawulela sighoho saye.

Mitengo 5:7

Khu guralo, gu vbwetega a dawulela iso a giridego; a bweledzela silo satshavbo a si manidego khu wuvivbi, bwelo khavbo a engedzela gipandre nya livbandre ga wule a mu ghohedego.

Josuwa 22:15

Avbo va nga vbohago ga va na Rubheni, va na Gadhi ni gipandre nya lihundzu la na Manasi, tigoni ga Gileyadhi, va diya va embela, khavo:

Josuwa 7:19

Khavbo avbo, Josuwa a di embela Akani, khuye: “Mwanangu, rungudza Pfhumu Nungungulu wa Israyeli, u mu zundza. Nyi embele iso u giridego, nyamba siha ni gimwegyo.”